ଅଞ୍ଜନ କୁମାର ରଣା //ସ୍ୱତନ୍ତ୍ର ପ୍ରତିନିଧି //ସମୀକ୍ଷା ନିୟୁଜ
ଉଦଳା, 30/5/2024: ରାତିରେ ଅନ୍ଧାରି ବିଜେ କରିଲେ ଆଉ ଗାଁ ରେ ପହଞ୍ଚି ଖାମରେ ଭର୍ତ୍ତି କରି ଗାଁ ରେ ବାଣ୍ଟୁଥିଲେ, ହେଲେ ମାଡି ବସିଲା ପୋଲିସ। ଆଉ ଜବତ ହେଲା ଟଙ୍କା। ଭୁବନେଶ୍ୱର ରୁ ଆସି ଦାମୀ ଗାଡିରେ ଗାଁ ରେ ପହଞ୍ଚି ଖାମରେ ଟଙ୍କା ଭର୍ତ୍ତି କରି ବାଣ୍ଟୁଥିଲେ ଜଣେ ମହିଳା ଏବଂ ପୁରୁଷ। ଖବର ପାଇ ପୋଲିସ ପହଂଚିବା ପରେ ଦୁଇ ଜଣଙ୍କୁ ଥାନା କୁ ଆଣିବା ସହିତ ଟଙ୍କା ଜବତ କରିଛି। ଗତକାଲି ରାତିରେ ଉଦଳା ଥାନା ଗୋଧିମରା ଗ୍ରାମରେ ଭୁବନେଶ୍ୱରରୁ ଆସି ଟଙ୍କା ବାଣ୍ଟୁଥିଲେ ବିଜୟଲକ୍ଷ୍ମୀ ମହାପାତ୍ର ଏବଂ ଦିବ୍ୟଜ୍ୟୋତି ଜେନା। ଉଦଳା ପୋଲିସ ଘଟଣାସ୍ଥଳରେ ପହଞ୍ଚି ଦୁଇ ଜଣଙ୍କୁ ଥାନାକୁ ଆଣିବା ସହିତ ଗାଡି ଏବଂ ସେମାନଙ୍କୁ ଯାଞ୍ଚ କରିଥିଲା। ଯାହାକି ମହିଳାଙ୍କ ଭ୍ୟାନୀଟିରେ ବଣ୍ଟାଯିବ ନିମନ୍ତେ ଟଙ୍କା ଭର୍ତ୍ତି ଖାମ ପୋଲିସ ବାହାର କରିଥିଲା, କେବଳ ସେତିକି ନୁହେଁ ଅନ୍ୟ ଦୁଇ ଗୋଟି ବ୍ୟାଗ ରୁ ମଧ୍ୟ ଟଙ୍କା ଭର୍ତ୍ତି ଖାମ ଜବତ କରିଥିଲା। ପ୍ରତି ଖାମରେ ଦୁଇ ହଜାର ଟଙ୍କା ଲେଖାଏଁ ଭର୍ତ୍ତି ହୋଇଥିବା ସହିତ ଆଉ କିଛି ଟଙ୍କା ବ୍ୟାଗରେ ରହିଥିଲା। ସମୁଦାୟ ୧ ଲକ୍ଷ ୯୧ ହଜାର ଟଙ୍କା ବଣ୍ଟା ହେବା ନିମନ୍ତେ ଆସିଥିବା ବେଳେ ପୋଲିସ ଟଙ୍କା ଜବତ କରିଛି। ଏହା ସହିତ ଟଙ୍କା ବାଣ୍ଟୁଥିବା ଦୁଇ ଗୋଟି କାର କୁ ପୋଲିସ ଜବତ କରିଛି। ଟଙ୍କା ବାଣ୍ଟୁଥିବା ମହିଳା ଭୁବନେଶ୍ୱର ଖାରବେଳ ନଗର ଅଞ୍ଚଳର ବିଜୟଲକ୍ଷ୍ମୀ ମହାପାତ୍ର ଏବଂ ଉଦଳା ଅଞ୍ଚଳର ଦିବ୍ୟଜ୍ୟୋତି ଜେନାଙ୍କ ସମେତ ଦୁଇ ଗାଡିର ଡ୍ରାଇଭର କୁ ପୋଲିସ ଅଟକ ରଖି ପଚରା ଉଚରା ଜାରି ରଖିଛି। କେଉଁ ଦଳର ଟଙ୍କା ତାହାର ତଦନ୍ତ କରୁଛି ପୋଲିସ। ପ୍ରାୟ ୫୦ ରୁ ଅଧିକ ଖାମରେ ହୋଇଥିଲା ଟଙ୍କା ଭର୍ତ୍ତି,,