ସମୀକ୍ଷା ନିୟୁଜ
କଟକ,୯।୮: ଫୁଲନଖରା ସ୍ଥିତ ଅଗ୍ରଣୀ ଆବାସିକ କଲୋନୀ କୋଭେଣ୍ଟ ଗାର୍ଡେନ୍ ଡୁପ୍ଲେକ୍ସ ଓର୍ନସ ଆସୋସିଏସନ୍ (ସିଜିଡିଓଏ) ପରିଚାଳନା କମିଟିର କର୍ମକର୍ତ୍ତା ନିର୍ବାଚନ ଅନୁଷ୍ଠିତ ହୋଇଯାଇଛି ।କମିଟିର ନବ ନିର୍ବାଚିତ ସଦସ୍ୟମାନେ ସଂଘ କାର୍ଯ୍ୟାଳୟରେ ଶୁକ୍ରବାର ଦିନ ଆନୁଷ୍ଠାନିକ ଭାବେ ଦାୟିତ୍ବ ଗ୍ରହଣ କରି କୋଭେଣ୍ଟକୁ ଅଧିକ ଅଭିବୃଦ୍ଧି ତଥା ବାସିନ୍ଦାଂକ କଲ୍ୟାଣ ଦିଗରେ ଆଗେଇ ନେବାକୁ ପ୍ରତିଜ୍ଞା କରିଥିଲେ।
ବରିଷ୍ଠ ସାମ୍ବାଦିକ ଭକ୍ତ ତ୍ରିପାଠୀ ସିଜିଡିଓଏର ସଭାପତି ଭାବେ ନିର୍ବାଚିତ ହୋଇଥିବାବେଳେ, ବୈଜ୍ଞାନିକ ଡ଼. ସୁନୀଲ ରାଘବ ସଂପାଦକ ଭାବେ ନିର୍ବାଚିତ ହୋଇଛନ୍ତି । କମିଟିର ଅନ୍ୟ ସଦସ୍ୟମାନଂକ ଭିତରେ ଅଲକାନନ୍ଦା ସ୍ବାଇଁ ଉପ ସଭାପତି, ଯୁଗ୍ମ ସଂପାଦକ ଭାବେ ଶ୍ରୁତକିର୍ତ୍ତୀ ଦାଶ ଏବଂ କୋଷାଧ୍ୟକ୍ଷ ଭାବରେ ଇଜିଡୋର କୁଜୁର ମଧ୍ୟ ଅଛନ୍ତି। କାର୍ଯ୍ୟନିର୍ବାହୀ କମିଟିରେ ସୁରଭୀ ସ୍ବାଇଁ, ଶର୍ମିଷ୍ଠା ପ୍ରହରାଜ, ଚାର୍ଟାଡ ଆକାଉଣ୍ଟାଟ ସଞ୍ଜୀବ ଗିନୋଡିଆ ଏବଂ ଡାକ୍ତର ବରିଷା ଖାନ ରହିଛନ୍ତି।
ଏକ ଆନୁଷ୍ଠାନିକ ଦାୟିତ୍ ବହସ୍ତାନ୍ତର ଉତ୍ସବରେ ବିଦାୟୀ ସଭାପତି ବ୍ରହ୍ମାନନ୍ଦ ମିଶ୍ର ଏବଂ ସଂପାଦକ ମାନଗୋବିନ୍ଦ ମିଶ୍ର ନୂତନ କମିଟିକୁ ସ୍ୱାଗତ କରି ଭବିଷ୍ୟତ ପାଇଁ ଶୁଭେଚ୍ଛା ଜଣାଇଛନ୍ତି। ବିଶିଷ୍ଟ କଣ୍ଠଶିଳ୍ପୀ ତଥା ଗାଳ୍ପିକ ବିବୁ ଦାସ, ସୁଦର୍ଶନ ଗନ୍ତାୟତ ଓ କବିଚରଣ ସ୍ବାଇଁ ନିର୍ବାଚନ ପରିଚାଳନା କରିଥିଲେ । ନୂତନ ନିର୍ବାଚିତ କମିଟିର କାର୍ଯ୍ୟକାଳ ତିନି ବର୍ଷ ରହିଛି|
ପ୍ରାକୃତିକ ସୌନ୍ଦର୍ଯ୍ୟର ଗନ୍ତାଘର ଢେଙ୍କାନାଳ ଜିଲ୍ଲା l ଆପଣ ଯଦି କେବେ ଢେଙ୍କାନାଳ ଜିଲ୍ଲା ଯିବେ କେବେବି ଫେରି ଆସିବାକୁ ମନ ହେବନି l ଏହି ଜିଲ୍ଲା ପରିଚିତି ପ୍ରସ୍ତୁତ କରିଛନ୍ତି ସାମ୍ବାଦିକ ହିମାଂଶୁ ମହାପାତ୍ର, ଅଞ୍ଜନ ଭଟ୍ଟ ଏବଂ ଦୁର୍ଗେଶ ନନ୍ଦନ ମହାପାତ୍ର l
ଆପଣଙ୍କ ଜିଲ୍ଲା ସମ୍ପର୍କରେ ଖୁବ ଶୀଘ୍ର ପ୍ରସାରଣ ହେବ l 🙏🏼- ଡ଼ଃ ମହେଶ୍ୱର, ସମ୍ପାଦକ @samikshanewslive 9040077035