ଦୁର୍ଗା ପ୍ରସାଦ ଦାଶ//ଜିଲ୍ଲା ପ୍ରତିନିଧି//ସମୀକ୍ଷା ନିୟୁଜ
ଖୋର୍ଦ୍ଧା,୪/୮/୨୪ : ଓଡିଶା ବିଧାନ ସଭାର ବାଚସ୍ପତି ସୁରମା ପାଢ଼ୀ ଆଜି ସନ୍ଧ୍ୟାରେ ନିଜ ନିବାଚନ ମଣ୍ଡଳୀ ଗସ୍ତରେ ଆସିଛନ୍ତି lନିର୍ବାଚନ ମଣ୍ଡଳୀ ଗସ୍ତରେ ଆସି ରଣପୁର ବ୍ଲକର କେରଣ୍ଡା ଟାଙ୍ଗୀ ପଂଚାୟତରେ ଜନ ଶୁଣାଣୀ କରିଛନ୍ତି lଜନ ଶୁଣାଣୀ କାର୍ଯ୍ୟକ୍ରମରେ ଲୋକ ମାନଙ୍କର ଅଭାବ ଅସୁବିଧା ପଚାରିବୁଝିବା ସହ ଗାଁରେ ପାନୀୟ ଜଳ ସମସ୍ୟା. ରାସ୍ତା ଘାଟ,ବାର୍ଦ୍ଧକ୍ୟ ଭତ୍ତା ଆଦି ସମସ୍ୟା ସମ୍ପର୍କରେ ପଚାରି ବୁଝିଛନ୍ତି lସ୍ଥାନୀୟ ଲୋକେ ବାଚସ୍ପତି ସୁରମା ପାଢୀଙ୍କୁ ବିଭିନ୍ନ ସମସ୍ୟା ସମ୍ପର୍କରେ ଅବଗତ କରାଇଛନ୍ତି lଚାନ୍ଦପୁର, କେରଣ୍ଡାଟାଙ୍ଗୀ, ନୂଆପଡା,କନ୍ଧ ନୟାଗଡ଼, ପଟିଆ, ବନ୍ଧମୁଣ୍ଡା, ଜଙ୍କିଆ ଆଦି ୧୦ ଟି ପଞ୍ଚାୟତର ୫୦୦ରୁ ଅଧିକ ଜନ ସାଧାରଣ ସେମାନଙ୍କର ଅଭିଯୋଗ ବାଚସ୍ପତିଙ୍କ ନିକଟରେ ଜଣାଇଛନ୍ତି l
ଏହି କାର୍ଯ୍ୟକ୍ରମରେ ମଣ୍ଡଳ ସଭାପତି ସୁବର୍ଣ ସିଂ,ପ୍ରମୋଦ କୁମାର ସାହୁ କେରଣ୍ଡା ଟାଙ୍ଗୀ ଗ୍ରାମ ପଂଚାୟତ ସରପଞ୍ଚ ପ୍ରଗତି ମହାପାତ୍ର, ସମିତି ସଭ୍ୟ ତୁଷାର ବଳିୟାର ସିଂ, ସମlଜସେଵୀ ସିନ୍ଧୁ ସାଗର ଜେନା,ଗୋପାଳି ନାୟକ, ପ୍ରଦୀପ କୁମାର ସେନାପତି ପ୍ରମୁଖ ସହଯୋଗ କରିଥିଲେ l