ଭବାନୀପାଟଣା/ମୁକେଶ ବେହେରା //ଜିଲ୍ଲା ପ୍ରତିନିଧି // ସମୀକ୍ଷା ନିୟୁଜ//୦୭.୦୩.୨୦୨୫:
ଭାରତ ସରକାରଙ୍କ ବେଟି ବଚାଓ ବେଟି ପଢ଼ାଓ ଅଭିଯାନ ର ୧୦ ବର୍ଷ ପୂର୍ତ୍ତି ଉପଲକ୍ଷେ ଏବଂ ଆନ୍ତର୍ଜାତିକ ମହିଳା ଦିବସ ୨୦୨୫ ପାଳନର ଅବ୍ୟବହିତ ପୂର୍ବରୁ ଆଜି ଜିଲ୍ଲାପାଳଙ୍କ କାର୍ଯ୍ୟଳୟ ପରିସର ଠାରୁ ଶିଶୁ ସୁରକ୍ଷା ସମ୍ପର୍କିତ ଏକ ସଚେତନତା ରଥର ଶୁଭ ଉଦଘାଟନ କରାଯାଇଥିଲା । ଏହାକୁ ପତାକା ଦେଖାଇ ଶୁଭାରମ୍ଭ କରିଥିଲେ ଅତିରିକ୍ତ ଜିଲ୍ଲାପାଳ ତନ୍ମୟ କୁମାର ଦର୍ୱାନ । ଏହି କାର୍ଯ୍ୟକ୍ରମରେ ଜିଲ୍ଲା ସଂସ୍କୃତି ଅଧିକାରୀ ବିବେକାନନ୍ଦ ମହାନନ୍ଦ, ଜିଲ୍ଲା ସୁଚନା ଓ ଲୋକ ସମ୍ପର୍କ ଅଧିକାରୀ ହଳଧର ନିଆଲ, ଜିଲ୍ଲା ଶିଶୁ ସୁରକ୍ଷା ଅଧିକାରୀ ଶୈଳେନ୍ଦୁ ମହାପାତ୍ର, ଜିଲ୍ଲା କିଶୋର ନ୍ୟାୟ ବୋର୍ଡ ର ସଦସ୍ୟା ଭବାନୀ ପଟ୍ଟନାୟକ, ସମାଜ କଲ୍ୟାଣ କାର୍ଯ୍ୟଳୟର ସୁରକ୍ଷା ଅଧିକାରିଣୀ ସୁଚରିତା ମହାପାତ୍ର ଓ ନମିତା ପଲ୍ ତଥା ଜିଲ୍ଲା ଶିଶୁ ସୁରକ୍ଷା କାର୍ଯ୍ୟାଳୟ ର ସମସ୍ତ କର୍ମକର୍ତ୍ତା, ଚାଇଲ୍ଡ ହେଲ୍ପଲାଇନ ର ସମସ୍ତ କର୍ମଚାରୀ ପ୍ରମୁଖ ଉପସ୍ଥିତ ରହିଥିଲେ। ଏତଦ୍ ବ୍ୟତୀତ ବିଭିନ୍ନ ଗଣମାଧ୍ୟମ ର ପ୍ରତିନିଧି ମାନେ ମଧ୍ୟ ଉପସ୍ଥିତ ରହିଥିଲେ । ଏହି ସଚେତନତା ରଥ ଜିଲ୍ଲାର ସମସ୍ତ ବ୍ଲକ୍ ଗୁଡ଼ିକୁ ପରିଭ୍ରମଣ କରି ଚାଇଲ୍ଡ ହେଲ୍ପଲାଇନ ସେବା, ମହିଳା ସହାୟତା ସେବା, ଜରୁରୀକାଳୀନ ସହାୟତା ସେବା, ସୁଭଦ୍ରା ଯୋଜନା ହେଲ୍ପଲାଇନ ସେବା ପ୍ରଭୃତି ର ୨୪ ଘଣ୍ଟିଆ ସହାୟତା ସେବା ଫୋନ ନମ୍ବର ଗୁଡ଼ିକର କାର୍ଯ୍ୟକାରିତା ବିଷୟରେ ଲୋକଙ୍କ ପାଖରେ ସଚେତନତାର ବାର୍ତ୍ତା ପହଞ୍ଚାଇବା ସହିତ ବିଭିନ୍ନ ଶିଶୁ ସୁରକ୍ଷା ସମ୍ପର୍କିତ ସଚେତନତା ବାର୍ତ୍ତା ଲୋକଙ୍କୁ ଜଣାଇବାର ପ୍ରୟାସ କରିବ ।
ନୂଆପଡା ଜିଲ୍ଲା ଓଡ଼ିଶାର ଏକ ଅପହଞ୍ଚ ଏବଂ ଘଞ୍ଚ ଜଙ୍ଗଲରେ ଆଚ୍ଛାଦିତ ଇଲାକା ଭାବେ ପରିଚିତ l ଏହି ଜିଲ୍ଲା 1 ଏପ୍ରିଲ 1993 ରେ 3,852 ବର୍ଗ କିଲୋମିଟର କ୍ଷେତ୍ରଫଳ ସହିତ ଅବିଭକ୍ତ କଳାହାଣ୍ଡି ଜିଲ୍ଲାକୁ କାଟି ସୃଷ୍ଟି କରାଯାଇଥିଲା। ଏହି ଜିଲ୍ଲା ଓଡ଼ିଶାର ପଶ୍ଚିମ ଭାଗରେ ଅବସ୍ଥିତ। ଜିଲ୍ଲାର ଲୋକମାନେ ଶାନ୍ତ ଓ ସରଳ l ସାମ୍ବାଦିକ ଦିବ୍ୟାଲୋଚନ ନାୟକଙ୍କ ସ୍ୱତନ୍ତ୍ର ରିପୋର୍ଟ l ଧନ୍ୟବାଦ 🙏🏼ଡ଼ ମହେଶ୍ୱର, ସମ୍ପାଦକ 9040077035