ବିଭୁତି ପ୍ରସାଦ ପଣ୍ଡା/ଜିଲ୍ଲା ପ୍ରତିନିଧି //ସମୀକ୍ଷା ନିୟୁଜ
ନବରଙ୍ଗପୁର (୨୨/୦୨/୨୦୨୪): ଜିଲ୍ଲା ପ୍ରଶାସନ ନବରଙ୍ଗପୁର ଜିଲ୍ଲା, ଜିଲ୍ଲା ଶିକ୍ଷା କାର୍ଯ୍ୟାଳୟ ଓ ଜିଲ୍ଲା କଲ୍ୟାଣ କାର୍ଯ୍ୟାଳୟ ପକ୍ଷରୁ ପିରାମଲ ଫାଉଣ୍ଡେସନ ଙ୍କ ମିଳିତ ଅନୁକୁଲ୍ୟରେ ଆଜି ନବରଙ୍ଗପୁର ଏଡିଏମ୍ ଶ୍ରୀ ନବୀନ ଚନ୍ଦ୍ର ନାୟକ , ନବରଙ୍ଗପୁରର ଦି ପି ଆର ସି କେନ୍ଦ୍ରରେ ଏକ ଜିଲ୍ଲାସ୍ତରୀୟ ସମନ୍ୱୟ ବୈଠକ ଅନୁଷ୍ଠିତ ହୋଇଯାଇଛି ।ବୈଠକରେ ଜିଲ୍ଲା ଭିତରେ ବାଳିକା ଶିକ୍ଷାରେ ଛାତ୍ରବୃତ୍ତି ଭଳି ଅତିଆବଶ୍ୟକ ଏବଂ ଡ୍ରପଆଉଟ୍ ହାର ଭଳି ଗୁରୁତ୍ୱପୂର୍ଣ୍ଣ ସମସ୍ୟାର ମୁକାବିଲା ଉପରେ ଚର୍ଚ୍ଚା କରାଯାଇଥିଲା ।
ଏହି ସମନ୍ୱୟ ପ୍ଲାଟଫର୍ମର ମୂଳ ଉଦ୍ଦେଶ୍ୟ ଥିଲା ଛାତ୍ରବୃତ୍ତି ସେବା ପ୍ରଦାନ ଏବଂ ଆନୁଷଙ୍ଗିକ ଆହ୍ୱାନଗୁଡ଼ିକୁ ସୁଦୃଢ କରିବା ପାଇଁ ଏକାଧିକ ବିଭାଗ ମଧ୍ୟରେ ସହଯୋଗ ଏବଂ ସମନ୍ୱୟ ଆଣିବା ଏବଂ ନବମ ଓ ଦଶମ ଶ୍ରେଣୀରେ ପଢୁଥିବା ସମସ୍ତ ଛାତ୍ରଛାତ୍ରୀଙ୍କୁ ପ୍ରାକ୍-ମାଟ୍ରିକ ଛାତ୍ରବୃତ୍ତି ପାଇଁ ଆବେଦନ କରିବା ପାଇଁ ସମସ୍ତ ଆବଶ୍ୟକ କାଗଜପତ୍ର ସହଜରେ ଉପଲବ୍ଧ କରାଇବା ଏବଂ ଅଧିକରୁ ଅଧିକ ଛାତ୍ରଛାତ୍ରୀଙ୍କୁ ଛାତ୍ରବୃତ୍ତି ପାଇବା ଏବଂ ଡ୍ରପଆଉଟ୍ ହ୍ରାସ କରିବା ସୁନିଶ୍ଚିତ କରିବା । ଆଗାମୀ ଦିନରେ ନିଶ୍ଚିତ ଭାବରେ ଛାତ୍ରଛାତ୍ରୀମାନେ ସମୟ ସୀମା ସହିତ ବୃତ୍ତି ନାମଲେଖା ବୃଦ୍ଧି କରିବା ସହ ଡ୍ରପ୍ ଆଉଟ୍ ହ୍ରାସ କରିବେ।
ବୈଠକରେ ଜିଲ୍ଲା କଲ୍ୟାଣ ଅଧିକାରୀ-ପାଲକା ରବୀନ୍ଦ୍ର , ଅତିରିକ୍ତ ବ୍ଲକ ଶିକ୍ଷା ଅଧିକାରୀ-ବିଶ୍ୱନାଥ ସାହୁ , ସମସ୍ତ ବ୍ଲକ୍ ଶିକ୍ଷା ଅଧିକାରୀ,ସମସ୍ତ ବ୍ଲକ୍ କଲ୍ୟାଣ ଅଧିକାରୀ, ଛାତ୍ରବୃତ୍ତି ସଂଯୋଜକ-ଶିଶିର କୁମାର ପଣ୍ଡା , ଯୋଜନା ସଂଯୋଜକ- ଡ଼କ୍ଟର ପ୍ରଦୀପ୍ତ କୁମାର ଷଡ଼ଙ୍ଗୀ , ଇଡାଲସେଣ୍ଟ ସଂଯୋଜକ ମମତା ପରିଚ୍ଛା, ଲ.ଡ଼ି. ଏମ-ସୁନୀଲ କୁମାର ଜମାଦା, ଉପସ୍ଥିତ ଥିଲେ।
ବୈଠକରେ ପିରାମଲ ଫାଉଣ୍ଡେସନ ତରଫରୁ ବରିଷ୍ଠ ପ୍ରୋଗ୍ରାମ ମ୍ୟାନେଜର ଆଦିତ୍ୟ ସାହୁ, ପ୍ରୋଗ୍ରାମ ମ୍ୟାନେଜର-ଦେବବ୍ରତ ଆଚାର୍ଯ୍ୟ ଏବଂ ଶାଶ୍ୱତ ସୌରଭ ପଣ୍ଡା, ବରିଷ୍ଠ ପ୍ରୋଗ୍ରାମ ଲିଡର-ଶକ୍ତିକାନ୍ତ ବାରିକ, ପ୍ରୋଗ୍ରାମ ଲିଡର ଚୈତନ୍ୟ ପଟେଲ , ୟା.ଡ଼.ଫଁ – ସୁମିତ୍ରା ସ୍ୱାଇଁ ଡାଇଗ୍ନୋଷ୍ଟିକ୍ସର ଅନୁସନ୍ଧାନମୂଳକ ତଥ୍ୟ ଉପସ୍ଥାପନ କରି ନବମ ଓ ଦଶମ ଶ୍ରେଣୀ ଛାତ୍ରଛାତ୍ରୀଙ୍କ ଡ୍ରପଆଉଟ୍ ହ୍ରାସ, ନାମଲେଖା ବୃଦ୍ଧି, ଧାରଣ ଏବଂ ବୃତ୍ତି ଗ୍ରହଣରେ ଉନ୍ନତି ଆଣିବା ଭଳି ବିଭିନ୍ନ ସମସ୍ୟା ଓ ଆହ୍ୱାନ ଉପରେ ଆଲୋକପାତ କରିଥିଲେ। ସମ୍ଭାବ୍ୟ ସମାଧାନ ଉପରେ ଗଭୀର ଆଲୋଚନା ପାଇଁ ଏହି ଅନୁସନ୍ଧାନ ଏକ ଦୃଢ଼ ଭିତ୍ତିଭୂମି ପ୍ରଦାନ କରିଥିଲା।
ଫେବ୍ରୁଆରି ୨୦୨୪ ଶେଷ ସୁଦ୍ଧା ସମସ୍ତ ନବମ ଓ ଦଶମ ଛାତ୍ରଛାତ୍ରୀଙ୍କ ଶତ ପ୍ରତିଶତ ଛାତ୍ରବୃତ୍ତି ଆବେଦନ ସୁନିଶ୍ଚିତ କରିବା ପାଇଁ ବିଭିନ୍ନ ବ୍ଲକ (ବିଇଓ ଓ ଡବ୍ଲୁଇଓ) ପାଇଁ ରଣନୀତି ପ୍ରସ୍ତୁତ କରିବାକୁ ଅତିରିକ୍ତ ଜିଲ୍ଲାପାଳ କହିଛନ୍ତି। ଜିଲ୍ଲା କଲ୍ୟାଣ ଅଧିକାରୀ ,ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଛାତ୍ରବୃତ୍ତି ନାମଲେଖାରେ ଉନ୍ନତି ଆଣିବା ପାଇଁ କିପରି ରଣନୀତି ପ୍ରସ୍ତୁତ କରି ମିଳିତ ଭାବେ କାର୍ଯ୍ୟ କରିପାରିବେ ସେ ନେଇ ସମସ୍ତଙ୍କୁ ମାର୍ଗଦର୍ଶନ କରିଥିଲେ।