ଦୁର୍ଗା ପ୍ରସାଦ ଦାଶ, ଜିଲ୍ଲା ପ୍ରତିନିଧି, ସମୀକ୍ଷା ନିୟୁଜ ଖୋର୍ଦ୍ଧା (୨୭/୨/୨୦୨୪): ବଡ଼ପାରି ସ୍ପୋର୍ଟସ ଆସୋସିଏସନ୍ ଆନୁକୂଲ୍ୟରେ ଚାଲିଥିବା ଦିଲିପ – ସଂଜୀବ ସ୍ମାରକୀ ଫୁଟବଲ ଟୁର୍ଣ୍ଣାମେଣ୍ଟ ର ଆଜି ଦ୍ବିତୀୟ ଦିବସରେ କରଡାପଲୀ ଫୁଟବଲ କ୍ଳବ୍ ଓ ଶରଧାପୁର ଫୁଟବଲ କ୍ଳବ୍ ମଧ୍ୟରେ ମ୍ୟାଚ୍ ଅନୁଷ୍ଠିତ ହୋଇଥିଲା। ମ୍ୟାଚ୍ ଟି ଖୁବ୍ ସଂଘର୍ଷ ପୂର୍ଣ ହୋଇଥିଲା। ନିର୍ଧାରିତ ସମୟରେ କେହି କାହାକୁ ଗୋଲ ଦେଇ ପାରି ନଥିଲେ। ଟାଇବ୍ରେକର ମାଧ୍ୟମରେ ଶରଧାପୁର ଫୁଟବଲ କ୍ଳବ୍ ୫-୪ ଗୋଲରେ ବିଜୟୀ ହୋଇ ଫାଇନାଲରେ ପ୍ରବେଶ କରିଥିଲା। ଅତିଥି ଭାବେ ସମାଜ ସେବୀ ଗୋପାଳ ପାଲଟା ସିଂହ, ଅବସରପ୍ରାପ୍ତ ଶିକ୍ଷକ ସଦାଶିବ ବେହେରା, ପ୍ରାକ୍ତନ ସେନା ଅଧିକାରୀ ଲକ୍ଷ୍ମୀଧର ସେଠୀ ପ୍ରମୁଖ ଯୋଗ ଦେଇଥିଲେ। ଖେଳ ପରିଚାଳନା କରିଥିଲେ ଅବିନାଶ ପଟ୍ଟନାୟକ, ବିପିନ କୁମାର ସାମନ୍ତରାୟ,ରାଜୁ ସାହୁ ଓ ପ୍ରଣୟ ପାଇକରାୟ। ଆସନ୍ତା କାଲି ଗୋପାଳପୁର ଫୁଟବଲ କ୍ଳବ୍ ସହିତ କୁହୁଡି ମହାବୀର ଆଥଲେଟିକ ଆସୋସିଏସନ୍ ମଧ୍ୟରେ ମ୍ୟାଚ୍ ଅନୁଷ୍ଠିତ ହେଵ ବୋଲି ସଂପାଦକ ସୂଚନା ଦେଇଛନ୍ତି।