ଦୁର୍ଗା ପ୍ରସାଦ ଦାଶ //ଜିଲ୍ଲା ପ୍ରତିନିଧି //ସମୀକ୍ଷା ନିୟୁଜ
ଖୋର୍ଦ୍ଧା, ୨୬/୬/୨୪: ଖଣି ମାଫିଆ ମାନେ ମାଙ୍କଡା ପଥର କାଟି ଲକ୍ଷ ଲକ୍ଷ ଟଙ୍କା କରୁଛନ୍ତି ରୋଜଗାର lଏପରିକି ଏକର ଏକର ମୂଲ୍ୟବାନ ଜମିକୁ ଚୋରାରେ ଖଣି ଭାବେ ବ୍ୟବହାର କରିବା ଦ୍ୱାରା ନଷ୍ଟ ହେଉଛି ପରିବେଶ l ଫଳରେ ଜନ ଜୀବନ ହେଉଛି ବିପନ୍ନ l ଏ ନେଇ ଲୋକେ ଅଭିଯୋଗ କରିବା ପରେ ଆକ୍ସନ ମୋଡକୁ ଆସିଛି ଚାନ୍ଦପୁର ପୁଲିସ l
ଖଣି ମାଫିଆଙ୍କୁ ସାବାଡ଼ କରିବା ପାଇଁ ଅଣ୍ଟା ଭିଡିଛି ଚାନ୍ଦପୁର ପୁଲିସ lଅତର୍କିତ ଭାବେ ମୟୁର ଝାଲିଆ ଚୋରା ମାଙ୍କଡ଼l ପଥର ଖଣିରେ କରିଛି ଚଢ଼ାଉ l ଚଢ଼ାଉ କରି 4 ଟି ଟ୍ରକ ଜବତ କରିବାରେ ପୁଲିସ ସକ୍ଷମ ହୋଇଛି l ତେବେ ମାଫିଆ ମାନେ ଟ୍ରକ ଗୁଡିକୁ ଛାଡି ଫେରାର ହୋଇ ଯାଇଛନ୍ତି l ଜବତ ଟ୍ରକ ଗୁଡିକୁ ନିଜ ହେପାଜତକୁ ନେଇଛି ପୁଲିସ lଏ ନେଇ ଚାନ୍ଦପୁର ପୁଲିସ ତଦନ୍ତ ଜାରି ରଖିଛି lଖୁବ ଶୀଘ୍ର ଅଭିଯୁକ୍ତ ମାନଙ୍କୁ ଗିରଫ କରାଯିବ ବୋଲି ଚାନ୍ଦପୁର ଥାନା ଆଇ ଆଇ ସି ଜଗଦୀଶ ଚନ୍ଦ୍ର କର ପ୍ରକାଶ କରିଛନ୍ତି l