ଯଶୋବନ୍ତ ରଣଜିତ୍ ରାୟ।। ଜିଲ୍ଲା ସ୍ୱତନ୍ତ୍ର ପ୍ରତିନିଧି/ସମୀକ୍ଷା ନିୟୁଜ୍।।
ଢେଙ୍କାନାଳ, 5/7/2024: ଜିଲ୍ଲାର ଓଡ଼ାପଡ଼ା ବ୍ଲକ ଅନ୍ତର୍ଗତ ବଳରାମ ପ୍ରସାଦ ପଞ୍ଚାୟତ ସରକାରୀ ଉଚ୍ଚବିଦ୍ୟାଳୟରେ ବନମହୋତ୍ସବ ପାଳିତ ହୋଇଯାଇଛି। ବିଦ୍ୟାଳୟ ପରିଚାଳନା କମିଟି, ଶିକ୍ଷକ, ଶିକ୍ଷୟିତ୍ରୀ, ଛାତ୍ରଛାତ୍ରୀ ଓ ଅଭିଭାବକ ମାନେ ପନେଇଲୋ ଏବଂ ବୁଢିପାହାଡ ଗ୍ରାମ ଛଅ ଗୋଟି ଏସ୍ ଏଚ୍ ଜି ର ସଭାପତି, ସମ୍ପାଦିକା, ବନବିଭାଗ ର କର୍ମଚାରୀ ସୁଧାଂଶୁ ନାୟକ (ଫରେଷ୍ଟ ଗାର୍ଡ)ଗଦାଶିଳା ,FES ଢେଙ୍କାନାଳ ର ପ୍ରକଳ୍ପ ପରିଚାଳକ ଶ୍ରୀଯୁକ୍ତ ନିରଂଜନ ସାହୁ ଓ ବ୍ଲକ ସଂଯୋଜକ ଶ୍ରୀ ଜଗନ୍ନାଥ ନାୟକ ଯୋଗଦେଇଥିଲେ। ପ୍ରଥମେ ବନ ସୁରକ୍ଷା ରେ ଲୋକମାନଙ୍କ ର ଭୁମିକା ଓ ପରିବେଶକୁ ରକ୍ଷା କରିବା ଇତ୍ୟାଦି ଆଲୋଚନା କରାଯାଇଥିଲା ଏବଂ ପରବର୍ତୀ ସମୟ ରେ ଛାତ୍ରଛାତ୍ରୀଙ୍କ ମାନଙ୍କ ମଧ୍ୟରେ ବିଭିନ୍ନ ପ୍ରତିଯୋଗିତା କରାଯାଇ ୯ଜଣ କୃତି ଛାତ୍ରଛାତ୍ରୀମାନଙ୍କୁ ଚୟନ କରାଯାଇ ମାନପତ୍ର ପ୍ରଦାନ କରାଯାଇଥିଲା।ଏହାପରେ ମିଳିତଭାବେ ବିଦ୍ୟାଳୟ ପରିସରରେ ୧୩୭ ଟି ଚାରା ଲଗାଯାଇଥିଲା। କାର୍ଯ୍ୟକ୍ରମ କୁ ପରିଚାଳନା କମିଟି ର ସଭାପତି ଶ୍ରୀଯୁକ୍ତ ଅନୟ କୁମାର ପଟ୍ଟନାୟକ ଓ ପ୍ରଧାନ ଶିକ୍ଷକ ଶ୍ରୀ ଲଲିତ ମୋହନ ପ୍ରଧାନ ପରିଚାଳନା କରିଥିଲେ। ବିଦ୍ୟାଳୟ ର ଏହିଭଳି ପ୍ରୟାସ କୁ ଅଞ୍ଚଳବାସୀ ପ୍ରଶଂସା କରିଥିବା ଦେଖିବାକୁ ମିଳିଛି।।