ଶଙ୍କର୍ଷଣ ସାହୁ/ରିପୋର୍ଟର/ ପରଜଙ୍ଗ/ସମୀକ୍ଷା ନ୍ୟୁଜ :୦୯/୧୦
ଆମ୍ବପଳାସ ଜଙ୍ଗଲରେ ୩୦ହଜାର ଲିଟର ପୋଚ ନଷ୍ଟ, ୨ହଜାର ଲିଟର ଦେଶୀ ମଦ ଜବତ : ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଅନ୍ତର୍ଗତ ଆମ୍ବପଳାସ ଗାଁ ନିକଟସ୍ଥ ଜଙ୍ଗଲରେ ଦେଶୀ ମଦ ରନ୍ଧନଶାଳରେ ପୋଲିସର ବଡ଼ ଧରଣର ଚଢ଼ାଉ। ପରଜଙ୍ଗ ଓ ମହାବିରୋଡ଼ ପୋଲିସର ମିଳିତ ଚଢ଼ାଉରେ ଜଙ୍ଗଲ ଭିତରେ ଚାଲିଥିବା ଏକାଧିକ ମଦ ରନ୍ଧାଶାଳକୁ ଭାଙ୍ଗି ଦିଆଯାଇଛି।ଏହି ଚଢ଼ାଉରେ ପ୍ରାୟ ୩୦ ହଜାର ଲିଟର ପୋଚ ନଷ୍ଟ କରାଯାଇଥିବା ବେଳେ ୨ ହଜାର ଲିଟର ଦେଶୀ ମଦ ଜବତ କରିଛି ପୋଲିସ। ତେବେ ପୋଲିସର ଚଢ଼ାଉ ସମୟରେ ମଦ ପ୍ରସ୍ତୁତିରେ ସମ୍ପୃକ୍ତ ଥିବା ଲୋକେ ଘଟଣାସ୍ଥଳରୁ ଫେରାର ହୋଇଯାଇଥିବା ଜଣାପଡ଼ିଛିl କାମାକ୍ଷାନଗର ଏସଡିପିଓ ରଜନୀକାନ୍ତ ସାମଲ ଓ ପରଜଙ୍ଗ ଥାନା ଅଧିକାରୀ ସୁବ୍ରତ କୁମାର ସାହୁଙ୍କ ସମେତ ପୋଲିସ ଟିମ୍ ଏହି ଚଢ଼ାଉରେ ସାମିଲ ହୋଇଥିଲେ। ଜଙ୍ଗଲ ଭିତରେ ବେଆଇନ ଦେଶୀ ମଦ ପ୍ରସ୍ତୁତି ରୋକିବା ପାଇଁ ପୋଲିସର ଏହି କାର୍ଯ୍ୟାନୁଷ୍ଠାନକୁ ନେଇ ଅଞ୍ଚଳରେ ଚର୍ଚ୍ଚା ଜୋର ଧରିଛି।
