ଦୁର୍ଗା ପ୍ରସାଦ ଦାଶ//ଜିଲ୍ଲା ପ୍ରତିନିଧି ଖୋର୍ଦ୍ଧା//ସମୀକ୍ଷା ନିୟୁଜ
ଖୋର୍ଦ୍ଧା, ୨୨/୬/୨୪: ଓଡିଶା ବିଧାନ ସଭାର ବାଚସ୍ପତି ଭାବେ ସୁରମା ପାଢ଼ୀ ନିର୍ବାଚିତ ହେବା ପରେ ନିଜ ରଣପୁର ନିର୍ବାଚନ ମଣ୍ଡଳୀ ସେ ଗସ୍ତ କରିଛନ୍ତି l
ଏକ ଦିନିକିଆ ଗସ୍ତରେ ଆସିଛନ୍ତି ସୁରମା ପାଢ଼ୀ l ପ୍ରଥମେ ଚମ୍ପାଗଡ଼ ଠାରେ ସୁରମା ପାଢ଼ୀ ପହଞ୍ଚିବା ପରେ ଦଳୀୟ କର୍ମୀମାନେ ପୁଷ୍ପଗୁଚ୍ଛ ସହ ଉତ୍ତରୀୟ ଦେଇ ସ୍ୱାଗତ ସମ୍ବର୍ଦ୍ଧନା ପ୍ରଦାନ କରିଛନ୍ତି l ବିରାଟ ପଟୁଆରରେ ପାଛୋଟି ନେଇଥିଲେ ସ୍ଥାନୀୟ ଜନ ସାଧାରଣ lଏହା ପରେ ସୁରମା ପାଢ଼ୀଙ୍କୁ ଭେଟିବା ପାଇଁ ସ୍ଥାନିୟ ଅଂଚଳର ଶହ ଶହ ଜନ ସାଧାରଣ କଟକ ସହର,ବେଣ୍ଟ. କନ୍ଧ ନୟାଗଡ଼ ଛକଠାରେ ଅପେକ୍ଷା କରିଥିଲେ l ସୁରମା ପାଢ଼ୀ ଗାଡିରୁ ଓହ୍ଲାଇ ସ୍ଥାନୀୟ ଜନ ସାଧାରଣଙ୍କୁ ଭେଟି ପରେ କନ୍ଧନୟାଗଡ଼ ହନୁମାନ ମନ୍ଦିରକୁ ଯାଇ ଶ୍ରୀ ହନୁମାନଙ୍କୁ ଦର୍ଶନ କରିବା ସହ ପ୍ରଦୀପ ପ୍ରଜ୍ଜଳନ କରିଥିଲେ l ଏହା ପରେ ଚାନ୍ଦପୁର, କେରଣ୍ଡା ଟାଙ୍ଗୀ, ରାଇପଡା, ଆଦି ଗ୍ରାମଗସ୍ତ କରିଥିଲେ l ଏହା ସହ ଖଣ୍ଡିଆ ବନ୍ଧଠାରେ ଅନୁଷ୍ଠିତ ଶ୍ରୀରାମ ମନ୍ଦିରର ବିଗ୍ରହ ପ୍ରତିଷ୍ଠା ବାର୍ଷିକ ଉତ୍ସବରେ ଯୋଗଦେଇଥିଲେ ବାଚଷ୍ପତି ସୁରମା ପାଢ଼ୀ l ଏହି କାର୍ଯ୍ୟକ୍ରମରେ ବିଜେପି ମଣ୍ଡଳ ସଭାପତି ସୁବର୍ଣ୍ଣ ସିଂ. ବିପିନ ବିହାରୀ ନାୟକ,ପ୍ରଦୀପ ସେନାପତି,ଅମୁଲ୍ୟ ସାହୁ, ଗୋପାଳ ନାୟକ, ପ୍ରମୋଦ କୁମାର ସାହୁ,ବେଣୁଧର ରଣା, ନିର୍ମଳ ମତ୍ତଗଜ ସିଂ, ପ୍ରମୁଖ ସହଯୋଗ କରିଥିଲେ l