ଅପୂର୍ବ ଥଣ୍ଡର/ସ୍ୱତନ୍ତ୍ର ପ୍ରତିନିଧି / ସମୀକ୍ଷା ନିୟୁଜ/ମାଲକାନଗିରି:
୦୬/୧୦/୨୬
ମାଲକାନଗିରିରୁ ଛତିଶଗଡ଼କୁ ଗଞ୍ଜେଇ ଚାଲାଣ ହେଉଥିବା ବସକୁ ଜବତ କଲା ପୋଲିସ। ୨୪୫ କେଜି ଗଞ୍ଜେଇ ସହ ବସ୍ ମାଲିକ ଓ ସହଯୋଗୀ ଗିରଫ କଲା ପୋଲିସ। ଛତିଶଗଡ଼ର ଗୋରେଲା-ପେଣ୍ଡ୍ରା- ମାରବାହି ଜିଲ୍ଲା ପୁଲିସ ଜବତ କରିଛି ଏହି ବିପୁଳ ପରିମାଣର ଗଞ୍ଜେଇ। ଏହାର ଆନୁମାନିକ ବଜାର ମୂଲ୍ୟ ୧ କୋଟି ୨୨ ଲକ୍ଷ ଟଙ୍କା ବୋଲି ପୁଲିସ ସୂଚନା ଦେଇଛନ୍ତି। ଏଥିସହ ଦାମୀକିଆ ନୂତନ ବସ୍ ଓ ୩ଟି ମୋବାଇଲ ମଧ୍ୟ ଜବତ ହୋଇଛି।
ସୂଚନା ଆଧାରରେ ପୁଲିସ କୋଟମୀ ଅଞ୍ଚଳରେ ଜାଗୁଆର ଟ୍ରାଭେଲ୍ସର ନାମକ ଗାଡ଼ି ଓଡି-୩୦-ଡି-୦୬୦୬ ନମ୍ବର ବସ୍କୁ ଅଟକାଇ ତଲାସି ଆରମ୍ଭ କରିଥିଲା। ବସ୍ର ସ୍ଲିପର ସିଟ୍ ଉପରେ ଥିବା ୩ଟି ବସ୍ତାରୁ ୪୯ ପ୍ୟାକେଟ୍ ଗଞ୍ଜେଇ ମିଳିଥିଲା। ଘଟଣାରେ ମାଲକାନଗିରିର ଅଭିଯୁକ୍ତ ଓ ସହଯୋଗୀ ମାନଙ୍କୁ ପୁଲିସ ଗିରଫ କରିଛି। ଗଞ୍ଜେଇ କୋରବା ଓ ଜିପିଏମ୍ ଅଞ୍ଚଳକୁ ଚାଲାଣ କରାଯାଉଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି। ଏନ୍ଡିପିଏସ୍ ଆଇନରେ ମାମଲା ରୁଜୁ କରି ପୁଲିସ ଅନ୍ୟ ସପ୍ଲାୟର ଓ ରିସିଭରଙ୍କୁ ଖୋଜୁଥିବା ଜଣାପଡିଛି।
