ଗୌରୀ ଶଙ୍କର ପଟ୍ଟନାୟକ / ବରିଷ୍ଠ ସାମ୍ବାଦିକ/ ରାୟଗଡା/ ସମୀକ୍ଷା ନ୍ୟୁଜ:
ରାୟଗଡ଼ ଜିଲ୍ଲା ସଦର ବ୍ଲକ ଜେକେପୁରରେ ଚଳିତବର୍ଷ ଦୁର୍ଗାପୂଜାକୁ ଆକର୍ଷଣୀୟ ଓ ଆଡ଼ମ୍ବରପୂର୍ଣ୍ଣ କରିବା ପାଇଁ ପ୍ରସ୍ତୁତି ଜୋରଦାର ହୋଇଛି। ଜେକେ କାଗଜକଳ ଦୁର୍ଗାପୂଜା କମିଟି ଦ୍ୱାରା ଆୟୋଜିତ ହେବାକୁ ଥିବା ଏହି ପୂଜା ସହିତ ବିଭିନ୍ନ ଧାର୍ମିକ, ସାଂସ୍କୃତିକ ଓ ମନୋରଞ୍ଜନ କାର୍ଯ୍ୟକ୍ରମ ଆୟୋଜନ କରାଯିବ। ଏଥିପାଇଁ ପୂଜା କମିଟି ପକ୍ଷରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଛି। ଚଳିତବର୍ଷ କୋଲକାତାର ପ୍ରସିଦ୍ଧ ଦକ୍ଷିଣେଶ୍ୱର କାଳୀ ମନ୍ଦିରର ଆକୃତିର ସୁନ୍ଦର ତୋରଣ ନିର୍ମାଣ କରାଯାଇଛି। ପୂଜା କମିଟିର ଅଧ୍ୟକ୍ଷ ବିନୟ ଦ୍ୱିବେଦୀ, ସମ୍ପାଦକ ବିଶ୍ୱଜିତ ଦ୍ୱିବେଦୀ, ସହକାରୀ ସମ୍ପାଦକ ଶୈଳେନ୍ଦ୍ର କୁମାର ସାମନ୍ତରାୟ ଓ କୋଷାଧ୍ୟକ୍ଷ ଗଣେଶ ସିଂଙ୍କ ନେତୃତ୍ୱରେ ପ୍ରସ୍ତୁତି ଚାଲିଛି। ସମନ୍ୱୟ କମିଟିରେ ସନ୍ଦୀପ ପାଣ୍ଡେ, ଏମ୍.ଭି. ରାଜା, ଜି.ଏସ୍. ପଟ୍ଟନାୟକ, ସି.ଏସ୍. ଆପ୍ପା ରାଓ, ପି. ଗୌରୀ ଶଙ୍କର ରାଓ, ବାଲାଜୀ ପେଣ୍ଡେନ୍ଠିଥ, ତ୍ରିପତି ରାଓ, ଏସ୍. ଦୁର୍ଗା, ଜି.ଭି. ରମଣା, ସୁବ୍ବା କ୍ରିଷିକା, ଆଲୁ ଶଙ୍କର ଓ ମେନାର ବାବୁ ସାମିଲ ଅଛନ୍ତି। ଆସନ୍ତା ଅକ୍ଟୋବର ୧୭ ତାରିଖ ଶନିବାର ଷଷ୍ଠୀ ପୂଜାରୁ ଧାର୍ମିକ କାର୍ଯ୍ୟକ୍ରମ ଆରମ୍ଭ ହେବ। ସକାଳ ୯ଟାରୁ ୧୧ଟା ପର୍ଯ୍ୟନ୍ତ ନବପତ୍ରିକା ସ୍ନାନ ଏବଂ ଅପରାହ୍ନ ୪ଟା ୩୦ରେ ବିଲ୍ୱାଧିବାସ ଅନୁଷ୍ଠିତ ହେବ।
ଅକ୍ଟୋବର ୧୮ ତାରିଖ ରବିବାର ମହାସପ୍ତମୀରେ ସକାଳ ୮ଟାରୁ ସୂର୍ଯ୍ୟପୂଜା, ନେତ୍ର ଉନ୍ମୋଚନ, ପ୍ରାଣପ୍ରତିଷ୍ଠା, ଷୋଡ଼ଶୋପଚାର, ଆଳତି ଓ ପୁଷ୍ପାଞ୍ଜଳି ଆଦି ଅନୁଷ୍ଠିତ ହେବ। ଅପରାହ୍ନ ୨ଟାରେ ଚଣ୍ଡୀପାଠ, ବିଲ୍ୱାର୍ଚ୍ଚନା, ହୋମ ଓ ଆଳତି କରାଯିବ।ଅକ୍ଟୋବର ୧୯ ତାରିଖ ସୋମବାର ମହାଷ୍ଟମୀରେ ସକାଳ ୭ଟାରୁ ସୂର୍ଯ୍ୟପୂଜା ଆରମ୍ଭ ହେବ। ପୂର୍ବାହ୍ନ ୧୦ଟା ୧୯ରୁ ୧୧ଟା ୦୭ ପର୍ଯ୍ୟନ୍ତ ସନ୍ଧିପୂଜା ଏବଂ ୧୧ଟା ୩୦ରେ ମହାଷ୍ଟମୀର ସ୍ୱତନ୍ତ୍ର ପୂଜା ହେବ। ଅପରାହ୍ନ ୨ଟାରେ ଚଣ୍ଡୀପାଠ, ବିଲ୍ୱାର୍ଚ୍ଚନା ଓ ହୋମ ଅନୁଷ୍ଠିତ ହେବ। ଅକ୍ଟୋବର ୨୦ ତାରିଖ ମଙ୍ଗଳବାର ମହାନବମୀରେ ସକାଳ ୮ଟାରୁ ସୂର୍ଯ୍ୟପୂଜା ଓ ଷୋଡ଼ଶୋପଚାର ପୂଜା ସହ ଅପରାହ୍ନ ୨ଟାରେ ଚଣ୍ଡୀପାଠ, ହୋମ ଓ ଆଳତି ହେବ। ଅକ୍ଟୋବର ୨୧ ତାରିଖ ବୁଧବାର ବିଜୟାଦଶମୀରେ ସକାଳ ୭ଟାରୁ ସୂର୍ଯ୍ୟପୂଜା, ଅପରାଜିତା ପୂଜା, ଦଶମୀ ଷୋଡ଼ଶୋପଚାର ଓ କୁଷ୍ମାଣ୍ଡ ବଳି ପରେ ଅପରାହ୍ନ ୧ଟା ୧୦ରେ ପୂର୍ଣ୍ଣାହୁତି, ପୁଣ୍ୟାହବାଚନ ଓ ଆଶୀର୍ବାଦ ପ୍ରଦାନ କରାଯିବ। ପୂଜା ଅବସରରେ ସାଂସ୍କୃତିକ କାର୍ଯ୍ୟକ୍ରମର ମଧ୍ୟ ଆୟୋଜନ ହୋଇଛି। ଅକ୍ଟୋବର ୨୦ ତାରିଖରେ ‘ନୃତ୍ୟ ସଦନ’ ଓ ‘ସ୍ୱର ସାଗର’ର କଳାକାରମାନେ ଶାସ୍ତ୍ରୀୟ ଓ ଲୋକନୃତ୍ୟ ପରିବେଷଣ କରିବେ। ଏହା ସହ ସ୍ଥାନୀୟ ନୃତ୍ୟ ଦଳଗୁଡ଼ିକର ଚୂଡ଼ାନ୍ତ ପ୍ରଦର୍ଶନ ହେବ।
ଅକ୍ଟୋବର ୨୧ ତାରିଖରେ ଜେକେପୁରର ‘ଜୟ ଜଗନ୍ନାଥ ନାଟ୍ୟକଳା ପରିଷଦ’ ପକ୍ଷରୁ ଓଡ଼ିଆ ଅପେରା ‘ତୁ ମୋ ବଜରଙ୍ଗୀ’ ପରିବେଷଣ କରାଯିବ।
ଅକ୍ଟୋବର ୨୨ ତାରିଖରେ ବିଶାଖାପାଟଣାର ‘ସୁପ୍ରିମ୍ ଅର୍କେଷ୍ଟ୍ରା’ ସହ ମିଷ୍ଟର ସୁପ୍ରିମ୍ ଶେଖର, ‘ପାଡ଼ୁଥା ଥ୍ୟାଗା’, ବିଜୟିନୀ ଯାଗା ପ୍ରିୟା, ସାବିହା ଓ ରମେଶ କୁମାର ସଙ୍ଗୀତ ପରିବେଷଣ କରିବେ। ଅକ୍ଟୋବର ୨୩ ତାରିଖରେ ଶଶାଙ୍କ ଶେଖର, ‘ଭଏସ୍ ଅଫ୍ ଓଡ଼ିଶା’ର ଅନ୍ତିମ ପର୍ଯ୍ୟାୟ ପ୍ରତିଯୋଗୀ ପାୟଲ ନନ୍ଦା ଏବଂ ‘ସୁକୁନ୍ ବ୍ୟାଣ୍ଡ୍’ର ସଙ୍ଗୀତ ସନ୍ଧ୍ୟା ଆୟୋଜିତ ହେବ। ଅକ୍ଟୋବର ୨୪ ତାରିଖରେ ସତ୍ୟଜିତ ପ୍ରଧାନ, ‘ଜି ବାଙ୍ଗଲା ସା ରେ ଗା ମା ପା’ର ବିଜୟିନୀ ଶର୍ମିଷ୍ଠା ସରକାର ଏବଂ ‘ମନ୍ତ୍ର ବ୍ୟାଣ୍ଡ୍’ ସଙ୍ଗୀତ ପରିବେଷଣ କରିବେ। ଅକ୍ଟୋବର ୨୧ ତାରିଖ ସନ୍ଧ୍ୟା ୭ଟାରେ ଜେକେପୁର ଟ୍ରକ୍ ପାର୍କିଂ ପଡ଼ିଆରେ ଆତସବାଜି ସହ ରାବଣପୋଡ଼ି ଆୟୋଜନ କରାଯିବ। ଏହା ସହ ଦାଣ୍ଡିଆ, ବୁଗୀବୁଗୀ, ମୀନାବଜାର ଓ ବିଭିନ୍ନ ସଙ୍ଗୀତ କାର୍ଯ୍ୟକ୍ରମ ଦର୍ଶକଙ୍କ ମନୋରଞ୍ଜନ କରିବ।
ଭିଡ଼ ନିୟନ୍ତ୍ରଣ, ସୁରକ୍ଷା, ପରିମଳ, ଶୃଙ୍ଖଳା ଓ ଆବଶ୍ୟକ ସୁବିଧା ପାଇଁ ପୃଥକ୍ ଉପକମିଟି ଗଠନ କରାଯାଇଛି। ପୂଜା କମିଟି ପକ୍ଷରୁ ସମସ୍ତ ଶ୍ରଦ୍ଧାଳୁ ଓ ଜନସାଧାରଣଙ୍କୁ ପୂଜା ଏବଂ ସାଂସ୍କୃତିକ କାର୍ଯ୍ୟକ୍ରମରେ ଯୋଗଦେବାକୁ ଆମନ୍ତ୍ରଣ କରାଯାଇଛି। ଟିପ୍ପଣୀ: ଫଟୋର ଅକ୍ଷର କେତେକ ସ୍ଥାନରେ ଅସ୍ପଷ୍ଟ ଥିବାରୁ କିଛି ନାମ ଓ ଶବ୍ଦରେ ସାମାନ୍ୟ ତ୍ରୁଟି ଥାଇପାରେ। ଏହା ମୂଳ ଖବରର ପାଠଯୋଗ୍ୟ ରୂପାନ୍ତର।
