ଦୁର୍ଗେଶ ନନ୍ଦନ ମହାପାତ୍ର /ସମୀକ୍ଷା ନ୍ୟୁଜ/ଭୁବନେଶ୍ୱର:
ଭୁବନେଶ୍ୱର: ମଞ୍ଚ ବଡ଼ ହେଉ କି ଛୋଟ, ଦର୍ଶକ ସାଧାରଣ ହୁଅନ୍ତୁ କି ବିଶିଷ୍ଟ ବ୍ୟକ୍ତିତ୍ୱ, ଏକ ଭଲ ଆଙ୍କରଙ୍କ ପାଇଁ ପ୍ରତ୍ୟେକ ମଞ୍ଚ ହେଉଛି ନିଜ ଦକ୍ଷତା ପ୍ରମାଣ କରିବାର ଏକ ନୂଆ ସୁଯୋଗ। ଶବ୍ଦର ଚାତୁର୍ଯ୍ୟ, ସ୍ୱରର ଦୃଢ଼ତା, ମଞ୍ଚ ଉପରେ ଆତ୍ମବିଶ୍ୱାସ ଏବଂ ପରିସ୍ଥିତିକୁ କ୍ଷଣକ ମଧ୍ୟରେ ବୁଝି ନିଜ ଉପସ୍ଥାପନାକୁ ବଦଳାଇବାର କ୍ଷମତା, ଏସବୁ ଗୁଣକୁ ନିଜ ଆଙ୍କରିଂରେ ଏକାଠି କରିଛନ୍ତି ଆଙ୍କର୍ ଆଦ୍ୟାଶ୍ରୀ। ୨୦୧୫ରୁ ଆଙ୍କରିଂ କ୍ଷେତ୍ରରେ ନିଜ ଯାତ୍ରା ଆରମ୍ଭ କରିଥିବା ଆଦ୍ୟାଶ୍ରୀ ଏବେ କେବଳ ଜଣେ ମଞ୍ଚ ସଂଚାଳିକା ନୁହନ୍ତି ବରଂ ଭିନ୍ନ ଭିନ୍ନ ଫର୍ମାଟ୍ର ଇଭେଣ୍ଟକୁ ନିଜ ଉପସ୍ଥାପନାରେ ଜୀବନ୍ତ କରିପାରୁଥିବା ଜଣେ ଭର୍ସାଟାଇଲ୍ ପାନ୍-ଇଣ୍ଡିଆ ଏମ୍ସି ଭାବେ ନିଜ ପରିଚୟ ଗଢ଼ିଛନ୍ତି। ସେ ହେଉଛନ୍ତି ଜଣେ ଆକାଶବାଣୀ ଓ ଦୂରଦର୍ଶନ ସୀକୃତି ପ୍ରାପ୍ତ ଯୁବ ଉପସ୍ଥାପିକା | ତାଙ୍କ ଆଙ୍କରିଂର ବିଶେଷତା ହେଉଛି ଗୋଟିଏ ଶୈଳୀରେ ସୀମିତ ନରହିବା। ସରକାରୀ ଓ ପ୍ରଶାସନିକ କାର୍ଯ୍ୟକ୍ରମର ଗମ୍ଭୀରତା ହେଉ, କର୍ପୋରେଟ୍ ଇଭେଣ୍ଟର ପ୍ରୋଫେସନାଲ୍ ଏନର୍ଜି ହେଉ, ବଡ଼ ଷ୍ଟେଜ୍ର ଗ୍ଲାମର୍ ହେଉ କିମ୍ବା ଯୁବ, ସାମାଜିକ ଓ ସଚେତନତାମୂଳକ କାର୍ଯ୍ୟକ୍ରମ, ପ୍ରତ୍ୟେକ ମଞ୍ଚର ଆବଶ୍ୟକତାକୁ ବୁଝି ସେ ନିଜ ଭଏସ୍, ଟୋନ୍ ଓ ପ୍ରେଜେନ୍ସକୁ ସେହି ଅନୁସାରେ ଗଢ଼ିଥାନ୍ତି।
ବିଶିଷ୍ଟ ଅତିଥି, ଜନପ୍ରତିନିଧି, ପ୍ରଶାସନିକ ଅଧିକାରୀ, ଶିଳ୍ପ ଓ କର୍ପୋରେଟ୍ ଜଗତର ପ୍ରତିନିଧିଙ୍କ ଉପସ୍ଥିତି ଥିବା ହାଇ-ପ୍ରୋଫାଇଲ୍ ମଞ୍ଚରେ ଆଙ୍କରଙ୍କ ଦାୟିତ୍ୱ ଆହୁରି ବଢ଼ିଯାଏ। ସମୟର ସଠିକ୍ ପରିଚାଳନା, ପ୍ରୋଟୋକଲ୍ର ଅନୁସରଣ, ମଞ୍ଚର ମର୍ଯ୍ୟାଦା ରକ୍ଷା ସହ ଦର୍ଶକଙ୍କୁ ଯୋଡ଼ି ରଖିବା, ଏହି ସନ୍ତୁଳନକୁ ନିଜ ଉପସ୍ଥାପନାରେ ଧରି ରଖିବା ତାଙ୍କ ପରିଚୟ | ବଡ଼ ସରକାରୀ ମଞ୍ଚରୁ କର୍ପୋରେଟ୍ କନଫରେନ୍ସ, ଯୁବ କାର୍ଯ୍ୟକ୍ରମରୁ ସାଂସ୍କୃତିକ ଉତ୍ସବ, ଆୱାର୍ଡ ନାଇଟ୍ରୁ ବ୍ରାଣ୍ଡ ଇଭେଣ୍ଟ—ପ୍ରତ୍ୟେକ ମଞ୍ଚରେ ନିଜସ୍ୱ ଉର୍ଜା ଓ ଭାଷାର ରଙ୍ଗ ଭରିବା ହେଉଛି ଆଦ୍ୟାଶ୍ରୀଙ୍କ ଆଙ୍କରିଂର ଅନ୍ୟତମ ପରିଚୟ। ଓଡ଼ିଆ ସହ ହିନ୍ଦୀ ଓ ଇଂରାଜୀ ଭାଷାରେ ସ୍ୱଚ୍ଛନ୍ଦ ଉପସ୍ଥାପନା କରିପାରିବା ତାଙ୍କୁ ଆହୁରି ବିଶିଷ୍ଟ କରିଛି। ଦର୍ଶକଙ୍କ ବୟସ, ଇଭେଣ୍ଟର କ୍ୟାଟେଗୋରୀ, ଅତିଥିଙ୍କ ପ୍ରୋଫାଇଲ୍ ଓ କାର୍ଯ୍ୟକ୍ରମର ମୁଡ୍କୁ ବୁଝି ଭାଷା ଏବଂ ଉପସ୍ଥାପନାର ଟୋନ୍କୁ ବଦଳାଇବାର କ୍ଷମତା ତାଙ୍କ ଆଙ୍କରିଂକୁ ଦେଇଛି ଏକ ଅଲଗା ପରିଚୟ ।
ମାଇକ୍ରୋ ବାୟୋଲୋଜୀରେ ସ୍ନାତକ ଡ଼ିଗ୍ରୀ ସହ ଜର୍ନାଲିଜମ୍ ଏବଂ ମାସ୍ କମ୍ୟୁନିକେସନ୍ର ଶିକ୍ଷା ତାଙ୍କ ଉପସ୍ଥାପନାକୁ ଆହୁରି ସମୃଦ୍ଧ କରିଛି। ମଞ୍ଚରେ କେବଳ ଶବ୍ଦ ଉଚ୍ଚାରଣ କରିବା ନୁହେଁ, କ’ଣ କହିବା, କେତେବେଳେ କହିବା ଏବଂ କିପରି କହିବା, ଏହି ତିନୋଟିର ସଠିକ୍ ସମନ୍ୱୟ ତାଙ୍କ ଆଙ୍କରିଂର ମୂଳ ଶକ୍ତି।
ବିଶେଷକରି ସରକାରୀ ଓ ଜାତୀୟ ସ୍ତରର କାର୍ଯ୍ୟକ୍ରମରେ ମଞ୍ଚର ଗମ୍ଭୀରତା ସହ ଦର୍ଶକଙ୍କ ଉତ୍ସାହକୁ ସନ୍ତୁଳିତ କରିବା, ଆବଶ୍ୟକ ସ୍ଥାନରେ ଉଚିତ ଭାବନା ଯୋଡ଼ିବା ଏବଂ ସମଗ୍ର ଇଭେଣ୍ଟକୁ ଏକ ସୁନ୍ଦର ପ୍ରବାହରେ ଆଗକୁ ନେବା ଏହି କ୍ଷମତା ତାଙ୍କୁ ଜଣେ ପ୍ରଫେସନାଲ୍ ଆଙ୍କର୍ ଭାବେ ଅଲଗା ପରିଚୟ ଦେଇଛି।
ଆଦ୍ୟାଶ୍ରୀଙ୍କ ପାଇଁ ଆଙ୍କରିଂ କେବଳ ଏକ ପେଶା ନୁହେଁ; ଏହା ହେଉଛି ଶବ୍ଦକୁ ପ୍ରଭାବରେ, ମଞ୍ଚକୁ ଅନୁଭବରେ ଏବଂ ଏକ କାର୍ଯ୍ୟକ୍ରମକୁ ସ୍ମୃତିରେ ପରିଣତ କରିବାର କଳା। ନିଜର ସ୍ୱତନ୍ତ୍ର ପ୍ରେଜେନ୍ସ, ଭର୍ସାଟାଇଲ୍ ଷ୍ଟାଇଲ୍ ଓ ନିରନ୍ତର ଶିଖିବାର ଆଗ୍ରହ ସହ ଆଦ୍ୟାଶ୍ରୀ ଆଜି ଓଡ଼ିଶାର ଆଙ୍କରିଂ ଜଗତରୁ ଜାତୀୟ ସ୍ତରର ମଞ୍ଚ ଅଭିମୁଖେ ନିଜ ପରିଚୟକୁ ଆହୁରି ବିସ୍ତାର କରୁଛନ୍ତି। ମଞ୍ଚ ବଦଳୁଛି, ଦର୍ଶକ ବଦଳୁଛନ୍ତି, ଇଭେଣ୍ଟର ଫର୍ମାଟ୍ ବଦଳୁଛି, କିନ୍ତୁ ତାଙ୍କ ମଞ୍ଚରେ ଶବ୍ଦର ଦୃଢ଼ତା, ଉପସ୍ଥାପନାର ଉର୍ଜା ଓ ନିଜସ୍ୱ ଛାପ ହିଁ ତାଙ୍କୁ କରୁଛି ଅଲଗା।
