ସମୀକ୍ଷା ବ୍ୟୁରୋ ନ୍ୟୁଜ / ଭୁବନେଶ୍ୱର: ଲକ୍ଷ୍ନୌ: ୨୦୨୭ ଉତ୍ତର ପ୍ରଦେଶ ବିଧାନସଭା ନିର୍ବାଚନକୁ ନେଇ ରାଜନୈତିକ ଉଷ୍ମତା ବଢ଼ିବାରେ ଲାଗିଛି। ଭାରତୀୟ ଜନତା ପାର୍ଟି ଏବଂ ସମାଜବାଦୀ ପାର୍ଟି  ମଧ୍ୟରେ ମୁକାବିଲାକୁ ନେଇ ଚର୍ଚ୍ଚା ଚାଲିଥିବା ବେଳେ ନ୍ୟୁଜ୍‌୧୮ର ମେଗା ଓପିନିୟନ୍ ପୋଲ୍ ସାମ୍ନାକୁ ଆସିଛି। ଏହି ସର୍ଭେରେ ମୁଖ୍ୟମନ୍ତ୍ରୀ ଭାବେ ଯୋଗୀ ଆଦିତ୍ୟନାଥ ଲୋକଙ୍କ ପ୍ରଥମ ପସନ୍ଦ ହୋଇଥିବା ବେଳେ ସମାଜବାଦୀ ପାର୍ଟି ଅଧ୍ୟକ୍ଷ ଅଖିଳେଶ ଯାଦବ ଦ୍ୱିତୀୟ ସ୍ଥାନରେ ରହିଛନ୍ତି। ଅନ୍ୟପକ୍ଷରେ, ଯଦି ଏବେ ନିର୍ବାଚନ ହୁଏ, ତେବେ ବିଜେପି ନେତୃତ୍ୱାଧୀନ ଏନ୍‌ଡିଏକୁ ମଧ୍ୟ ଆଗୁଆ ଥିବା ଏହି ସର୍ଭେରେ ଦର୍ଶାଯାଇଛି। ତେବେ ଏହି ତଥ୍ୟ ସର୍ଭେରେ ସାମିଲ ହୋଇଥିବା ଲୋକଙ୍କ ମତାମତ ଉପରେ ଆଧାରିତ।ଏହାକୁ ୨୦୨୭ ବିଧାନସଭା ନିର୍ବାଚନର ଫଳାଫଳ ବୋଲି ଧରିନେବା ଉଚିତ୍ ନୁହେଁ। ନ୍ୟୁଜ୍‌୧୮ର ମେଗା ଓପିନିୟନ୍ ପୋଲ୍ ଅନୁଯାୟୀ, ମୁଖ୍ୟମନ୍ତ୍ରୀ ପଦ ପାଇଁ ୬୬.୨ ପ୍ରତିଶତ ଉତ୍ତରଦାତା ଯୋଗୀ ଆଦିତ୍ୟନାଥଙ୍କୁ ନିଜ ପସନ୍ଦ ବୋଲି କହିଛନ୍ତି। ସେହିପରି ୨୪.୪ ପ୍ରତିଶତ ଲୋକ ଅଖିଳେଶ ଯାଦବଙ୍କୁ ସମର୍ଥନ କରିଛନ୍ତି।ସର୍ଭେରେ ଉଭୟ ନେତାଙ୍କୁ ନେଇ ସାମ୍ନାକୁ ଆସିଥିବା ତଥ୍ୟ ଏହିପରି: ଯୋଗୀ ଆଦିତ୍ୟନାଥ:୬୬.୨ ପ୍ରତିଶତ, ଅଖିଳେଶ ଯାଦବ:୨୪.୪ ପ୍ରତିଶତ ଏହି ତଥ୍ୟ ଅନୁସାରେ, ମୁଖ୍ୟମନ୍ତ୍ରୀ ପଦ ପାଇଁ ପସନ୍ଦର ପ୍ରଶ୍ନରେ ଯୋଗୀ ଆଦିତ୍ୟନାଥ ଅଖିଳେଶ ଯାଦବଙ୍କଠାରୁ ଅଧିକ ସମର୍ଥନ ପାଇଛନ୍ତି। ତେବେ ଏହା ସର୍ଭେରେ ରେକର୍ଡ ହୋଇଥିବା ଲୋକଙ୍କ ମତାମତ ମାତ୍ର, ନିର୍ବାଚନ ଫଳାଫଳର ପୂର୍ବାନୁମାନ ନୁହେଁ।