ମୁଖ୍ୟ ବିଷୟକୁ ଯାଆନ୍ତୁ
ଗୁରୁବାର, ୧୯ ନଭେମ୍ବର ୨୦୨୬
ଚର୍ଚ୍ଚାରେ ମୟୂରଭଞ୍ଜ ଗଞ୍ଜାମ କୋରାପୁଟ ଜଗତସିଂହପୁର ବାଲେଶ୍ୱର ନୟାଗଡ଼ କେନ୍ଦ୍ରାପଡ଼ା

Journalist Life threatening attack: ଖବର କରିବାକୁ ଡାକି ସାମ୍ବାଦିକଙ୍କୁ ମରଣାତ୍ମକ ଆକ୍ରମଣ

Journalist Life threatening attack: ଖବର କରିବାକୁ ଡାକି ସାମ୍ବାଦିକଙ୍କୁ ମରଣାତ୍ମକ ଆକ୍ରମଣ – ସମୀକ୍ଷା ଖବର

ଜନାବ ଖାନ/ସ୍ୱତନ୍ତ୍ର ପ୍ରତିନିଧି/ବଲାଙ୍ଗୀର/ସମୀକ୍ଷା ନ୍ୟୁଜ:

ସୁରଥ ବେହେରାଙ୍କ ଦୁଇ ଗୋଡ଼ ଓ ହାତକୁ ଲୁହା ରଡ୍‌ରେ ପ୍ରହାର, ମୋବାଇଲ ଛଡ଼ାଇ ନେଇଥିବା ଅଭିଯୋଗ

ସାମ୍ବାଦିକଙ୍କ ସୁରକ୍ଷାକୁ ନେଇ ଉଠିଲା ପ୍ରଶ୍ନ, ଘଟଣାସ୍ଥଳରେ ସିନ୍ଧେକେଲା ପୋଲିସର ତଦନ୍ତ

ବଲାଙ୍ଗୀର : ବଲାଙ୍ଗୀର ଜିଲ୍ଲାରେ ପୁଣି ସାମ୍ବାଦିକଙ୍କ ସୁରକ୍ଷାକୁ ନେଇ ଉଠିଛି ବଡ଼ ପ୍ରଶ୍ନ। ଖବର ସଂଗ୍ରହ କରିବାକୁ ଡାକି ଜଣେ ସାମ୍ବାଦିକଙ୍କୁ ଯୋଜନାବଦ୍ଧ ଭାବରେ ମରଣାତ୍ମକ ଆକ୍ରମଣ କରାଯାଇଥିବା ଭଳି ଏକ ଗୁରୁତର ଅଭିଯୋଗ ସାମ୍ନାକୁ ଆସିଛି। କଣ୍ଟାବାଞ୍ଜି ଅଞ୍ଚଳର ଚର୍ଚ୍ଚିତ ସମାଜସେବୀ ତଥା ସାମ୍ବାଦିକ ସୁରଥ ବେହେରା ଏହି ଆକ୍ରମଣର ଶିକାର ହୋଇଥିବା ଜଣାପଡ଼ିଛି। ଘଟଣାଟି ସିନ୍ଧେକେଲା ଥାନା ଅନ୍ତର୍ଗତ ଭୁର୍ଷାଗୁଡ଼ା ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ଘଟିଥିବା ସୂଚନା ମିଳିଛି। ସୂଚନା ଅନୁସାରେ, ସାମ୍ବାଦିକ ସୁରଥ ବେହେରାଙ୍କୁ କୌଣସି ଏକ ଘଟଣା ସମ୍ପର୍କରେ ଖବର ସଂଗ୍ରହ କରିବା ପାଇଁ ଡକାଯାଇଥିଲା। ଖବର ସଂଗ୍ରହ ଉଦ୍ଦେଶ୍ୟରେ ସେ ସେଠାରେ ପହଞ୍ଚିବା ପରେ ତାଙ୍କ ଉପରେ ହଠାତ୍ ଆକ୍ରମଣ ହୋଇଥିବା ନେଇ ସେ ଅଭିଯୋଗ କରିଛନ୍ତି। ଆକ୍ରମଣକାରୀମାନେ ଲୁହା ରଡ୍‌ରେ ତାଙ୍କ ଦୁଇ ଗୋଡ଼ ଓ ହାତକୁ ନିର୍ମମ ଭାବରେ ପ୍ରହାର କରିଥିବା ଅଭିଯୋଗ ହୋଇଛି। ଏହି ଆକ୍ରମଣରେ ସେ ଗୁରୁତର ଆହତ ହୋଇଥିବା ଜଣାପଡ଼ିଛି।

Journalist Life threatening attack: ଖବର କରିବାକୁ ଡାକି ସାମ୍ବାଦିକଙ୍କୁ ମରଣାତ୍ମକ ଆକ୍ରମଣ – ସମୀକ୍ଷା

କେବଳ ଶାରୀରିକ ଆକ୍ରମଣ ନୁହେଁ, ଆକ୍ରମଣକାରୀମାନେ ତାଙ୍କ ମୋବାଇଲ ଫୋନ୍‌ ମଧ୍ୟ ଛଡ଼ାଇ ନେଇଥିବା ସୁରଥ ବେହେରା ଅଭିଯୋଗ କରିଛନ୍ତି। ଏହା ଫଳରେ ଘଟଣାଟି ଆହୁରି ଗମ୍ଭୀର ରୂପ ନେଇଛି। ଜଣେ ସାମ୍ବାଦିକଙ୍କୁ ଖବର ସଂଗ୍ରହ କରିବା ନାଁରେ ଡାକି ଏଭଳି ଆକ୍ରମଣ କରିବା ପଛରେ କେଉଁ ଉଦ୍ଦେଶ୍ୟ ରହିଛି, ତାହାକୁ ନେଇ ଏବେ ବିଭିନ୍ନ ମହଲରେ ଚର୍ଚ୍ଚା ଆରମ୍ଭ ହୋଇଛି। ଆକ୍ରମଣ ପରେ ଆହତ ସାମ୍ବାଦିକଙ୍କୁ ଆମ୍ବୁଲାନ୍ସ ଯୋଗେ ସିନ୍ଧେକେଲା ଡାକ୍ତରଖାନାକୁ ନିଆଯାଇଥିବା ସୂଚନା ମିଳିଛି। ତାଙ୍କ ଶାରୀରିକ ଅବସ୍ଥା ଓ ଆଘାତର ଗମ୍ଭୀରତା ସମ୍ପର୍କରେ ବିସ୍ତୃତ ତଥ୍ୟ ଏଯାବତ୍ ମିଳିପାରିନାହିଁ। ଅନ୍ୟପକ୍ଷରେ, ଘଟଣା ସମ୍ପର୍କରେ ଖବର ପାଇ ସିନ୍ଧେକେଲା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ଜଣାପଡ଼ିଛି। ଆକ୍ରମଣରେ କେଉଁମାନେ ସମ୍ପୃକ୍ତ, କେଉଁ କାରଣରୁ ଏହି ଆକ୍ରମଣ ହୋଇଛି ଏବଂ ମୋବାଇଲ ଫୋନ୍‌ ଛଡ଼ାଇ ନେବା ପଛରେ କ’ଣ ଉଦ୍ଦେଶ୍ୟ ରହିଛି, ସେ ସମ୍ପର୍କରେ ଏଯାବତ୍ ସ୍ପଷ୍ଟ ତଥ୍ୟ ସାମ୍ନାକୁ ଆସିନାହିଁ।

ସାମ୍ବାଦିକଙ୍କ କଲମକୁ ଚୁପ୍ କରିବା ପାଇଁ ଆକ୍ରମଣ କି?

ଗଣତନ୍ତ୍ରର ଚତୁର୍ଥ ସ୍ତମ୍ଭ ଭାବେ ସାମ୍ବାଦିକମାନେ ସମାଜର ବିଭିନ୍ନ ଅନିୟମିତତା, ଦୁର୍ନୀତି ଓ ଜନସମସ୍ୟାକୁ ଲୋକଲୋଚନକୁ ଆଣିଥାନ୍ତି। ଏଭଳି ସ୍ଥିତିରେ ଖବର ସଂଗ୍ରହ କରିବାକୁ ଯାଇ ଜଣେ ସାମ୍ବାଦିକ ଆକ୍ରମଣର ଶିକାର ହେବା ଅତ୍ୟନ୍ତ ଚିନ୍ତାଜନକ ବିଷୟ। ଯଦି ଖବର ସଂଗ୍ରହ କରିବା ପାଇଁ ଡାକି ଜାଣିଶୁଣି ଏଭଳି ଆକ୍ରମଣ କରାଯାଇଥାଏ, ତେବେ ଏହା କେବଳ ଜଣେ ସାମ୍ବାଦିକଙ୍କ ଉପରେ ଆକ୍ରମଣ ନୁହେଁ, ବରଂ ମୁକ୍ତ ସାମ୍ବାଦିକତା ଓ ଅଭିବ୍ୟକ୍ତିର ସ୍ୱାଧୀନତା ପ୍ରତି ମଧ୍ୟ ଏକ ଗୁରୁତର ଚ୍ୟାଲେଞ୍ଜ। ଏହି ଘଟଣାରେ ପୋଲିସ ପକ୍ଷରୁ ନିରପେକ୍ଷ ଓ ନିଷ୍ପକ୍ଷ ତଦନ୍ତ କରାଯାଇ ଆକ୍ରମଣର ପ୍ରକୃତ କାରଣ ସାମ୍ନାକୁ ଆଣିବା ସହ ଦୋଷୀଙ୍କୁ ଚିହ୍ନଟ କରି ଆଇନ ଅନୁଯାୟୀ କଠୋର ପଦକ୍ଷେପ ନିଆଯିବା ଆବଶ୍ୟକ। ସେହିପରି ଆହତ ସାମ୍ବାଦିକଙ୍କ ଉପଯୁକ୍ତ ଚିକିତ୍ସା ଓ ସୁରକ୍ଷା ସୁନିଶ୍ଚିତ କରିବାକୁ ବିଭିନ୍ନ ସାମ୍ବାଦିକ ମହଲରେ ଦାବି ହେଉଛି।

Journalist Life threatening attack: ଖବର କରିବାକୁ ଡାକି ସାମ୍ବାଦିକଙ୍କୁ ମରଣାତ୍ମକ ଆକ୍ରମଣ – ସମୀକ୍ଷା
ସମୀକ୍ଷା ନ୍ୟୁଜଲେଟର ଏହିପରି ଖବର ପ୍ରତି ଶନିବାର ଇମେଲରେ ପାଆନ୍ତୁ ସପ୍ତାହର ମୁଖ୍ୟ ଖବର ଓ ଇ-ପେପର · ମାଗଣା · ଯେକୌଣସି ସମୟରେ ବନ୍ଦ କରିପାରିବେ
🔹ଭିତରକନିକା ରେ ବନ୍ଦ ହେଲା ଇକୋ ରିଟ୍ରିଟ.. – ସମୀକ୍ଷା ଭିଡିଓ ଖବର ସମୀକ୍ଷା ଭିଡିଓ🔹ଭିତରକନିକା ରେ ବନ୍ଦ ହେଲା ଇକୋ ରିଟ୍ରିଟ..YouTube · SAMIKSHA NEWS LIVE ପରବର୍ତ୍ତୀ ଖବର ORS Officer Dismissed; Career Spoil : ୧୨ ବର୍ଷର ତପସ୍ୟା ଶୁଖୁଆ ପୋଡ଼ାରେ ଗଲା