ମହେଶ୍ୱର ଦିଗାଳ/ବାଲିଗୁଡ଼ା ଡିଭିଜନାଲ ସାମ୍ବାଦିକ/ସମୀକ୍ଷା ନିୟୁଜ :
ନିଜକୁ RTO ବିଭାଗର ମୋଟର ଭେହିକଲ୍ ଇନ୍ସପେକ୍ଟର(MVI)ପରିଚୟ ଦେଇ ଲୋକଙ୍କୁ ଠକେଇ କରୁଥିବା ଅଭିଯୋଗରେ ଜଣେ ଯୁବକଙ୍କୁ ସାରଙ୍ଗଡ଼ ପୋଲିସ ଗିରଫ କରିଛି । ଅଭିଯୁକ୍ତଙ୍କ ନାମ ଧର୍ମେନ୍ଦ୍ର କୁମାର ବେହେରା(୩୦) । ସେ ନିଜକୁ ନିଖିଲ କୁମାର ପଟ୍ଟନାୟକ ନାମରେ ପରିଚୟ ଦେଉଥିବା ପୋଲିସ୍ ପ୍ରେସ୍ ନୋଟରେ ଉଲ୍ଲେଖ କରିଛି । ସାରଙ୍ଗଡ଼ ଥାନା କେସ୍ ନମ୍ବର୧୩୨,ତାରିଖ୧୭/୦୯୨୦୨୬ ଅନୁସାରେ ମାମଲା ରୁଜୁ ହୋଇଛି । ଅଭିଯୋଗ ଅନୁଯାୟୀ, ବିବାହ ପ୍ରସ୍ତାବ ମାଧ୍ୟମରେ ଜଣେ ମହିଳାଙ୍କ ସହ ପରିଚୟ ହେବା ପରେ ଅଭିଯୁକ୍ତ ନିଜକୁ RTO ର MVI ଅଧିକାରୀ ଭାବେ ପରିଚୟ ଦେଇଥିଲେ । ପରେ ସରକାରୀ ଚାକିରି କରାଇଦେବାର ପ୍ରତିଶ୍ରୁତି ଦେଇ ଟଙ୍କା ନେଇଥିବା ଅଭିଯୋଗ ହୋଇଛି।
ପୋଲିସର ସୂଚନା ଅନୁସାରେ,ଅଭିଯୋଗକାରିଙ୍କୁ ଠାରୁ ବିଭିନ୍ନ କିସ୍ତିରେ ୭ ଲକ୍ଷ ୧୮ ହଜାର ୮୫୧ ଟଙ୍କା Phonepe ମାଧ୍ୟମରେ ଅଭିଯୁକ୍ତଙ୍କ ବ୍ୟାଙ୍କ ଖାତାକୁ ପଠାଯାଇଥିଲା । ପରେ ଟଙ୍କା ଫେରସ୍ତ ମାଗିବାରୁ ଅଭିଯୁକ୍ତ ମୋବାଇଲ୍ ବନ୍ଦ କରିଦେଇଥିବା ପୋଲିସ କହିଛି ।
ପୋଲିସ୍ ଅଭିଯୁକ୍ତଙ୍କ ଠାରୁ OMVD ୟୁନିଫର୍ମ, ନାମ ଲେଖା ପ୍ଲେଟ୍,ପୋଲିସ୍ ରେନ୍ କୋଟ୍, ଦୁଇଟି କାର୍ ଓ ମୋବାଇଲ୍ ତଦନ୍ତ ଜାରି ରହିଛି ବୋଲି ପୋଲିସ୍ ପକ୍ଷରୁ ସୂଚନା ଦିଆଯାଇଛି ।
