ମନୋଜ କୁମାର ବାରିକ/ସ୍ୱତନ୍ତ୍ର ପ୍ରତିନିଧି/ସମୀକ୍ଷା ନ୍ୟୁଜ/ଭୁବନେଶ୍ୱର :
ଭୁବନେଶ୍ୱର: ଭୁବନେଶ୍ୱର ମହାନଗର ନିଗମ ଅନ୍ତର୍ଗତ ଲିଙ୍ଗରାଜ ଥାନା କେଦାର ଲେନ୍ସ୍ଥିତ ତାଙ୍କ ବାସଭବନରେ ପରଲୋକ ଖବର ପାଇ ବହୁ ମାନ୍ୟଗଣ୍ୟ ବ୍ୟକ୍ତି ଓ କଲେଜ କର୍ମଚାରୀ ପହଞ୍ଚି ଶୋକସନ୍ତପ୍ତ ପରିବାରକୁ ସମବେଦନା ଜଣାଇଥିଲେ। ଶେଷ ଶଯ୍ୟା ନିକଟରେ ପୁଅ, ବୋହୂ, ନାତି, ନାତୁଣୀଙ୍କ ସମେତ ପରିବାରବର୍ଗ ଓ ଆତ୍ମୀୟସ୍ୱଜନ ଉପସ୍ଥିତ ଥିଲେ। ପୁରୀ ସ୍ୱର୍ଗଦ୍ୱାରରେ ତାଙ୍କର ଅନ୍ତେଷ୍ଟିକ୍ରିୟା ସମ୍ପନ୍ନ ହୋଇଥିବା ବେଳେ ବଡ଼ପୁଅ ମନ୍ମଥ କୁମାର ନାୟକ ମୁଖାଗ୍ନି ଦେଇଥିଲେ।ସେ ଥିଲେ ସମସ୍ତଙ୍କ ପ୍ରିୟ “ମାଧବ ସାର୍”, ସରକାରୀ ଉଚ୍ଚ ବିଦ୍ୟାଳୟ, ଲକ୍ଷ୍ମୀସାଗରର ପୂର୍ବତନ ପ୍ରଧାନଶିକ୍ଷକ ତଥା ଆର୍ଯ୍ୟ ସ୍କୁଲ୍ ଅଫ୍ ମ୍ୟାନେଜମେଣ୍ଟର ପ୍ରତିଷ୍ଠାତା ଶ୍ରୀ ମାଧବାନନ୍ଦ ନାୟକଙ୍କ ୨୫ ସେପ୍ଟେମ୍ବର ୨୦୨୬ ପୂର୍ବାହ୍ନ ୧୧:୩୦ରେ ମଣିପାଲ ହସ୍ପିଟାଲ, ଭୁବନେଶ୍ୱରରେ ପରଲୋକ ଘଟିଛି।ଜଣେ ବିଶିଷ୍ଟ ଶିକ୍ଷାବିତ୍, ଦୂରଦର୍ଶୀ ମାର୍ଗଦର୍ଶକ ଓ ଅନୁଷ୍ଠାନ ଗଢ଼ିବାରେ ଅଗ୍ରଣୀ ବ୍ୟକ୍ତିତ୍ୱ ଭାବେ ତାଙ୍କର ଅବଦାନ ଚିରସ୍ମରଣୀୟ। ତାଙ୍କ ବିୟୋଗ ଶିକ୍ଷାଜଗତ, ପରିବାର, ସହକର୍ମୀ ଓ ଅସଂଖ୍ୟ ଛାତ୍ରଛାତ୍ରୀଙ୍କ ପାଇଁ ଅପୂରଣୀୟ କ୍ଷତି।
