ସାନନ୍ଦ ମହାପାତ୍ର ସ୍ଵତନ୍ତ୍ର ପ୍ରତିନିଧି ବରଗଡ ସମୀକ୍ଷା ନିଯୁଜ୍ :
ଆଜି ବରଗଡ଼ ବ୍ଳକ ଅନ୍ତର୍ଗତ ଗାଈସୀମା ଗ୍ରାମ ପଞ୍ଚାୟତ ସ୍ଥିତ ଶ୍ରୀ ଶ୍ରୀ ବରାଡ ବାଲୁଙ୍କେଶ୍ୱର ଶିବ ମନ୍ଦିରରେ ବିଶ୍ଵ ପର୍ଯ୍ୟଟନ ଦିବସ ଉପଲକ୍ଷେ ବରଗଡ଼ ଗୋଷ୍ଠି ଉନ୍ନୟନ ଅଧିକାରୀ ବେରସିୟୁସ୍ ଡୁଙ୍ଗଡୁଙ୍ଗଙ୍କ ନେତୃତ୍ବରେ ସେବା ସଂକଳ୍ପ କାର୍ଯ୍ୟକ୍ରମରେ ସ୍ୱଚ୍ଛତା ହିଁ ସେବା- ସ୍ୱଚ୍ଛ ଉତ୍ସବ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଉକ୍ତ କାର୍ଯ୍ୟକ୍ରମରେ ପର୍ଯ୍ୟଟନ ସ୍ଥଳୀ ତଥା ମନ୍ଦିର ପରିସର ସଫା କରାଗଲା। ପ୍ଲାଷ୍ଟିକ ବ୍ୟବହାର ନ କରିବା ଏବଂ ବର୍ଜ୍ୟବସ୍ତୁ ସୁପରିଚାଳନା ଉପରେ ଗ୍ରାମ ପଞ୍ଚାୟତର ମହିଳାମାନଙ୍କ ଦ୍ୱାରା ସଚେତନତା କରାଯାଇଥିଲା। ପରେ ପରିବେଶ ସୁରକ୍ଷା ଓ ସ୍ବଚ୍ଛତା ଉପରେ ସମସ୍ତେ ଶପଥ ପାଠ କରିଥିଲେ। ଉକ୍ତ କାର୍ଯ୍ୟକ୍ରମରେ ଗାଈସୀମା ସରପଞ୍ଚ ଧିରନ ମହାପାତ୍ରଙ୍କ ସହ କନିଷ୍ଠ ଯନ୍ତ୍ରୀ ଶିବମ ସୌରଭ ନାୟକ, ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ମିଲୁ ଭୋଇ,ବ୍ଳକ ପରିମଳ ସଂଯୋଜକ କମ୍ବୁପାଣି ସାହୁ, ୱାର୍ଡ ସଭ୍ୟ/ସଭ୍ୟା, ମନ୍ଦିର କମିଟି,ଏମବିକେ, ସିଆରପି, ମିଶନ ଶକ୍ତି ସଭ୍ୟା,ବ୍ୟାଙ୍କମିତ୍ର ସହ ଗ୍ରାମର ବହୁ ମହିଳା, ଯୁବକ ଏବଂ ଗ୍ରାମବାସୀବୃନ୍ଦ ଉପସ୍ଥିତ ଥିଲେ।
