ବିଜୟ ରତ୍ନ ପତି/ସ୍ୱତନ୍ତ୍ର ପ୍ରତିନିଧି/କେନ୍ଦୁଝର /ସମୀକ୍ଷା ନ୍ୟୁଜ:
ପାଟଣା :୧୧/୧୦ ମୁଖ୍ୟାଳୟ ସ୍ଥିତ ଆଞ୍ଚଳିକ ମହାବିଦ୍ୟାଳୟ ଛାତ୍ର ସଂସଦ ନିର୍ବାଚନ ରୋଚକ ମୋଡ଼ ନେଇଛି।ଉପସଭାପତି ପ୍ରାର୍ଥୀ ବିଶ୍ୱପ୍ରକାଶ ନାୟକ ଏକ ବିଷୟରେ ବ୍ୟାକ ଲାଗିଥିବା ସୂଚନା ଗୁପ୍ତ ରଖି ନାମାଙ୍କନ ଦାଖଲ କରିଥିବାରୁ ତାଙ୍କ ନାମାଙ୍କନ ପତ୍ର ନାକଚ ହେବା ଫଳରେ ତାଙ୍କ ପ୍ରତିଦ୍ୱନ୍ଦୀ ଥିବା ବିଜୁ ଛାତ୍ର ଜନତା ସମର୍ଥିତ ପ୍ରାର୍ଥୀ ତ୍ରିଦେଵ ମହାନ୍ତ ନିର୍ଦ୍ବନ୍ଦ୍ୱରେ ବିଜୟୀ ହୋଇଛନ୍ତି।ସେହିପରି ସହ କ୍ରୀଡ଼ା ସମ୍ପାଦକ ପଦବୀରେ ଏକମାତ୍ର ପ୍ରାର୍ଥୀ ରହିବାରୁ ବିଜୁ ଛାତ୍ର ଜନତା ସମର୍ଥିତ ପ୍ରାର୍ଥୀ ବର୍ଷା ରାଣୀ ମହାନ୍ତ ମଧ୍ୟ ନିର୍ଦ୍ବନ୍ଦ୍ୱରେ ନିର୍ବାଚିତ ହୋଇଛନ୍ତି।ବିଭିନ୍ନ ପଦବୀ ପାଇଁ ମୋଟ ୨୨ ଜଣ ପ୍ରାର୍ଥୀ ପ୍ରାର୍ଥୀ ପତ୍ର ଦାଖଲ କରିଥିବା ବେଳେ ତାଙ୍କ ମଧ୍ୟରୁ ଜଣେ ଉପସଭାପତି ପ୍ରାର୍ଥୀ ଙ୍କ ନାମାଙ୍କନ ପତ୍ର ନାକଚ ପରେ ୨୧ ଜଣ ପ୍ରାର୍ଥୀ ମଇଦାନରେ ଓହ୍ଲାଇ ଛନ୍ତି। କୌଣସି ପ୍ରାର୍ଥୀ ନାମାଙ୍କନ ପତ୍ର ପ୍ରତ୍ୟାହାର କରି ନଥିବା ଓ ସଭାପତି ପଦ ପାଇଁ ୪ ଜଣ ପ୍ରାର୍ଥୀ ମଇଦାନରେ ଥିବାରୁ ପାଟଣା ମହାବିଦ୍ୟାଳୟ ରେ ଛାତ୍ର ସଂସଦ ନିର୍ବାଚନ ଏକ ରୋଚକ ମୋଡ଼ରେ ପହଞ୍ଚିଛି।
