ଜଗବନ୍ଧୁ ଖଟୁଆ /ରାଜନଗର ସାମ୍ବାଦିକ /ସମୀକ୍ଷା ନ୍ୟୁଜ :
ରାଜନଗର, ତା ୧୪/୧୦/୨୬- ଛାତ୍ର ସଂସଦ ନିର୍ବାଚନ ର ପ୍ରଚାର ସରିଛି । ଆଜି ମୁଁ କାହିଁକି ପାର୍ଥୀ ହୋଇଛି ସଭାରେ ଯୋଗ ଦେବାପାଇଁ ଏବିଭିପି , ଛାତ୍ର ବିଜେଡି, ଓ ଛାତ୍ର କଂଗ୍ରେସ ନିଜର ପଟୁଆରା ଧରି ବାଜା ବାଣ ରୋଷଣୀ କରି କ୍ୟାମ୍ପସ ରେ ପହଞ୍ଚିଛନ୍ତି । କେନ୍ଦ୍ରାପଡ଼ା ଜିଲ୍ଲା ରାଜନଗର ଶ୍ରୀ ଶ୍ରୀ ଜଗନ୍ନାଥ ମହାବିଦ୍ୟାଳୟ ରେ ପାର୍ଥୀମାନେ ବିଭିନ୍ନ ପ୍ରତିଶୃତି ମାଧ୍ୟମରେ ଛାତ୍ର ଛାତ୍ରୀ ମାନଙ୍କୁ ନିଜ ସପକ୍ଷରେ ମତଦାନ କରିବା ପାଇଁ ଆକୃଷ୍ଟ କରୁଛନ୍ତି । ସୁରକ୍ଷା ବ୍ୟବସ୍ଥା କୁ ଦୃଷ୍ଟିରେ ରଖି ପୋଲିସ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । କ୍ୟାମ୍ପସରେ ଆଜି ଶେଷଦିନ ହୋଇଥିବାରୁ ଛାତ୍ରଛାତ୍ରୀ ମାନଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ଆଜି ଭାଷଣ ମାଧ୍ୟମରେ ଛାତ୍ରଛାତ୍ରୀ ମାନଙ୍କୁ ଆକୃଷ୍ଟ କରିବେ। ନିର୍ବାଚନ ଜିତିବା ପରେ କଲେଜ ର ବିଭିନ୍ନ ସମସ୍ୟା ସମାଧାନ କରିବା ପାଇଁ ପ୍ରାଥୀ ମାନେ ପ୍ରତିଶୃତି ଦେଇଛନ୍ତି।
