ଭବାନୀ ଶଙ୍କର ମିଶ୍ର/ବରିଷ୍ଠ ସାମ୍ବାଦିକ /ସମୀକ୍ଷା ନ୍ୟୁଜ
ବଡ଼ସାହି, ୩/୧୦/୨୬ – ବଡସାହି ଥାନା ଅନ୍ତର୍ଗତ କଇଁଫୁଲିଆରେ ପୋଖରୀରେ ବୁଡି ଜଣେ ଯୁବକର ଦୁଃଖଦ ମୃତ୍ୟୁ ହୋଇଛି । ଯୁବକ ଜଣକ କଇଁଫୁଲିଆ ଗ୍ରାମର ଗଜେନ୍ଦ୍ର ନାଏକଙ୍କ ପୁଅ ହେମନ୍ତ ନାଏକ (୪୨) ବୋଲି ଜଣାପଡିଛି । ଗ୍ରାମବାସୀଙ୍କ କହିବା ଅନୁଯାୟୀ ଶନିବାର ସନ୍ଧ୍ୟାରେ ହେମନ୍ତଙ୍କୁ ସ୍ଥାନୀୟ ପୋଖରୀ ପାଣିରେ ଭାସିବାର ଦେଖାଯାଇଥିଲା । ପରେ ବେତନଟୀ ଦମକଳ କେନ୍ଦ୍ରକୁ ଖବର କ୍ରମେ ଅଗ୍ନିଶମ ବାହିନୀ ଘଟଣା ସ୍ଥଳରେ ପହଞ୍ଚି ହେମନ୍ତଙ୍କୁ ଉଦ୍ଧାର କରି ବେତନଟୀ ଡାକ୍ତରଖାନାକୁ ନେଇ ଯାଇଥିଲେ । ତାଙ୍କୁ ସେଠାରେ ଡାକ୍ତର ମୃତ ଘୋଷଣା କରିଥିଲେ । ଘଟଣା ପ୍ରଘଟ ହେଲାପରେ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି l ଆସନ୍ତା କାଲି ଶବ ବ୍ୟବଚ୍ଛେଦ କରାଯିବ ବୋଲି ଜଣାପଡିଛି । ହେମନ୍ତଙ୍କର ଗୋଟିଏ ପୁଅ ,ଗୋଟିଏ ଝିଅ ଓ ସ୍ତ୍ରୀ ଅଛନ୍ତି । ଗରିବ ପରିବାରକୁ ସରକାରୀ ସହାୟତା ପାଇଁ ଗ୍ରାମବାସୀ ଦାବି କରିଛନ୍ତି ।
