ଭବାନୀ ଶଙ୍କର ମିଶ୍ର/ବରିଷ୍ଠ ସାମ୍ବାଦିକ /ମୟୂରଭଞ୍ଜ /ସମୀକ୍ଷା ନ୍ୟୁଜ: ବଡ଼ସାହି, ୮/୧୦/୨୬
ପୁରୀ ଶ୍ରୀକ୍ଷେତ୍ରରୁ “ଯୁଦ୍ଧ ଵିରତି ଓ ବିଶ୍ଵଶାନ୍ତି” ର ବାର୍ତ୍ତା ନେଇ ମହାମହିମ ରାଷ୍ଟ୍ରପତି ଏଵଂ ମାନନୀୟ ପ୍ରଧାନମନ୍ତ୍ରୀଙ୍କ ସହ ଭେଟକରି ଉକ୍ତ ସନ୍ଦେଶ ପହଞ୍ଚାଇବାକୁ ଦିଲ୍ଲୀ ଅଭିମୁଖେ ପଦଯାତ୍ରା ଆରମ୍ଭ କରି ଏକାକୀ ପାଣିକୋଇଲି, ଯାଜପୁର ଶ୍ରୀପୀଠର ସାଧୁ ଶ୍ରୀ ଦେବଦତ୍ତ ରାୟ ୧୭ ଦିନ ଯାତ୍ରାରେ ଠାକୁରମୁଣ୍ଡାରେ (ମଙ୍ଗଳବାର) ସନ୍ଧ୍ୟାରେ ପହଞ୍ଚିବା ପରେ ପଦ୍ମଲୋଚନ ନନ୍ଦଙ୍କ ସହ ବହୁ ବିଶିଷ୍ଟ ବ୍ୟକ୍ତି ତାଙ୍କୁ ଅଭ୍ୟର୍ଥନା ଜଣାଇଥିଲେ ।
ପଦଯାତ୍ରା ଅଭିପ୍ରାୟ ଆଲୋଚନା ସହିତ ଠାକୁରମୁଣ୍ଡାରେ ରାତ୍ରୀଯାପନ କରି ବୁଧବାର ୧୮ତମ ଦିବସରେ କରଞ୍ଜିଆ ଅଭିମୁଖେ ପଦଯାତ୍ରା ଆରମ୍ଭ କରିବା ସମୟରେ ଠାକୁରମୁଣ୍ଡା ବରିଷ୍ଠ ନାଗରିକ ମାନଙ୍କ ଉଦ୍ଦେଶ୍ୟରେ ଶ୍ରୀ ଦତ୍ତ ଏକ ମାନପତ୍ର ଦେଇ ଯାଇଛନ୍ତି ଏବଂ ତାଙ୍କ ଦ୍ଵାରା ନିର୍ମିତ ହେଉଥିବା ଏକ ଲକ୍ଷ୍ମୀ ଜଗନ୍ନାଥ ମନ୍ଦିର ଉଦ୍ଦେଶ୍ୟରେ ଶୁଭେଚ୍ଛା ସହଯୋଗ ନେଇ ଆଲୋଚନା କରିଛନ୍ତି । ସେ ଦିନକୁ ୩୦ କିଲୋମିଟର ଚାଲି ପାରୁଛନ୍ତି ବୋଲି ପ୍ରକାଶ କରିଛନ୍ତି । ସେଇ କ୍ରମରେ ବୁଧବାର କରଞ୍ଜିଆରେ ପହଁଚିବା ପରେ ତାଙ୍କୁ ବିଭିନ୍ନ ଶିକ୍ଷାନୁଷ୍ଠାନ, କରଞ୍ଜିଆ ପ୍ରେସ କ୍ଳବ ତଥା ସାମାଜିକ ଓ ସାଂସ୍କୃତିକ ଅନୁଷ୍ଠାନ ପକ୍ଷରୁ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରାଯାଇଥିବା ଜଣାପଡିଛି । ବିଶ୍ୱରେ ଅଶାନ୍ତ ପରିସ୍ଥିତି ସହ ଯୁଦ୍ଧ ଲାଗିରହି ଜନଜୀବନ ପ୍ରତି ବିପଦ ଓ ସମସ୍ୟା ନେଇ ବିଭିନ୍ନ ସାଧୁଙ୍କ ବାର୍ତ୍ତା କ୍ରମେ ସେ ନିଜ ଖର୍ଚ୍ଚରେ ଶ୍ରୀକ୍ଷେତ୍ର ପୁରୀରୁ ଏକୁଟିଆ ଏହି ଶ୍ରୀଯାତ୍ରା ପଦଯାତ୍ରା କରୁଛନ୍ତି ଏବଂ ଦୁଇ ରୁ ଅଢେଇ ମାସ ମଧ୍ୟରେ ଦିଲ୍ଲୀ ପହଁଚିବା ଲକ୍ଷ୍ୟ ରଖିଥିବା ପ୍ରକାଶ କରିଛନ୍ତି ।
