ଭବାନୀ ଶଙ୍କର ମିଶ୍ର/ବରିଷ୍ଠ ସାମ୍ବାଦିକ /ମୟୂରଭଞ୍ଜ /ସମୀକ୍ଷା ନ୍ୟୁଜ:
ବଡ଼ସାହି, ୧୫/୧୧/୨୬ – ସ୍ୱଚ୍ଛତା ଓ ସୁସ୍ଥ ପରିବେଶ ରକ୍ଷା ଦିଗରେ ଉଲ୍ଲେଖନୀୟ ସଫଳତା ହାସଲ କରି ବଡ଼ସାହି ବ୍ଲକର ଯଦୁନାଥପୁର ରବର ଉତ୍ପାଦକ ସମିତି ଜାତୀୟସ୍ତରରେ ଗୌରବ ଅର୍ଜନ କରିବା ସହ ଜିଲ୍ଲା ଗୌରବ ବଢ଼ାଇଛି । ଭାରତ ସରକାରଙ୍କ ରବର ବୋର୍ଡ ପକ୍ଷରୁ ଆୟୋଜିତ ସ୍ୱଚ୍ଛତା କାର୍ଯ୍ୟକ୍ରମ-୨୦୨୬ରେ ସମିତିକୁ ଶ୍ରେଷ୍ଠ ସ୍ୱଚ୍ଛତା ପୁରସ୍କାର ପାଇଁ ଚୟନ ପୂର୍ବକ ପୁରସ୍କୃତ କରାଯାଇଥିବା ଜଣାପଡିଛି । ସମଗ୍ର ଦେଶରେ ଥିବା ରବର ଉତ୍ପାଦକ ସମିତିଗୁଡ଼ିକ ମଧ୍ୟରୁ ଯୋଗ୍ୟତା ଆଧାରରେ ଯଦୁନାଥପୁର ସମିତିକୁ ଏହି ସମ୍ମାନ ପ୍ରଦାନ କରାଯାଇଛି। ପୁରସ୍କାର ବାବଦରେ ୨୫ ହଜାର ଟଙ୍କା ନଗଦ ରାଶି ସହ ଯୋଗ୍ୟତା ପ୍ରମାଣପତ୍ର ମିଳିଛି। ବାରିପଦାସ୍ଥିତ ରବର ବୋର୍ଡର ବିକାଶ ଅଧିକାରୀ ଶକ୍ତିନାଥ ଶତପଥୀ ସମିତିର ସଭାପତି ମଙ୍ଗଲ ସିଂଙ୍କୁ ଏହି ପୁରସ୍କାର ପ୍ରଦାନ କରିଥିଲେ । ଏହି ସଫଳତା ଯଦୁନାଥପୁର ସମିତି ସମେତ ସମଗ୍ର ବଡ଼ସାହି ଅଞ୍ଚଳ ପାଇଁ ଗର୍ବ ଓ ଗୌରବର ବିଷୟ ପାଲଟିଛି ।






