ଭଗବାନ ମହାନ୍ତି/ମୁରିବାହାଲ/ ସମୀକ୍ଷା ନ୍ୟୁଜ:
ମୁରିବାହାଲ, ତା ୨୪/୦୯/୨୬ :ବଲାଙ୍ଗୀର ଜିଲ୍ଲା ମୁରିବାହାଲ ବ୍ଲକର ବିଭିନ୍ନ ସ୍ଥାନରେ ଲଘୁଚାପ ବର୍ଷା ଯୋଗୁଁ ଗଛପଡ଼ି ରାସ୍ତା ଅବରୋଧ ହୋଇଥିଲା। ସଦର ଷ୍ଟେସନପଡ଼ା, ଲେବେଡ଼ା ପଞ୍ଚାୟତ ଟୋଟୋପଡ଼ା, ଗୁଡ଼ିଘାଟ ପଞ୍ଚାୟତ ବାବେଜୁରି ଏହିପରି ବିଭିନ୍ନ ସ୍ଥାନରେ ଗଛ ପଡ଼ି ଯାତାୟାତ ବାଧାପ୍ରାପ୍ତ ହୋଇଥିଲା। ସୂଚନା ପାଇ ଅଗ୍ନିଶମ ଆଇ/ସି ଶ୍ରୀକାନ୍ତ ସେଠଙ୍କ ନେତୃତ୍ୱରେ କର୍ମଚାରୀମାନେ ତତ୍ପରତାର ସହ ଘଟଣାସ୍ଥଳରେ ପହଞ୍ଚି ଗଛକାଟି ରାସ୍ତା ସଫା କରି ଯାତାୟାତ ସ୍ୱାଭାବିକ କରିଥିଲେ। ଏହି କାର୍ଯ୍ୟରେ ଷ୍ଟାଫ୍ ନନ୍ଦକିଶୋର ସମର୍ଥ, ସଂଜିତ ହାତୀ, ମନରଞ୍ଜନ ଗୁଦୁରିଆ, ରଘୁମଣି ଭୋଇ, ପରମା ସିଦର, ଗଣପତି ପଧାନ, ଭଲଭଦ୍ର ତାଣ୍ଡି, ଅନ୍ଦ୍ରିୟନ ଭୁଆଁ ପ୍ରମୁଖ ସହଯୋଗ କରିଥିଲେ।
