ଦେବେଶ ହୋତା /ନୂଆପଡ ସାମ୍ବାଦିକ/ସମୀକ୍ଷା ନ୍ୟୁଜ:
ଦେଶରେ ମୁଖ୍ୟ ବିରୋଧି କଂଗ୍ରେସ ସମେତ ବିରୋଧି ଦଳ ଙ୍କ ସାମ୍ପ୍ରତିକ ରାଜନୀତି ଦ୍ୱାରା ଅରାଜକତା ସୃଷ୍ଟି କରୁଥିବା ଅଭିଯୋଗ ନେଇ ଭାରତୀୟ ଜନତା ପାର୍ଟି ଦେଶବ୍ୟାପୀ ଗଣତନ୍ତ୍ର ବଞ୍ଚାଅ, ଅରାଜକତା ହଟାଅ ଅଭିଯାନ ନାଁ ରେ ଲୋକଙ୍କ ନିକଟକୁ ଯାଇ ଵୃଦ୍ଧିଜୀବି ସମ୍ମିଳନୀ ଆୟୋଜିତ କରୁଛି ଏ ପରିପେକ୍ଷୀ ରେ ନୂଆପଡା ଜିଲ୍ଲା ଭାରତୀୟ ଜନତା ପାର୍ଟି ତରଫ ରୁ ଜିଲ୍ଲା ର ଖଡ଼ିଆଳ ଠାରେ ବୃଦ୍ଦିଜୀବି ସମ୍ମିଳନୀ ଅନୁଷ୍ଠିତ ହୋଇଯାଇଛି । ଜିଲ୍ଲାସଭାପତି କମଲେଶ ଦୀକ୍ଷିତ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ସଭା ରେ ରାଜ୍ୟ ସହପ୍ରଭାରୀ ସ୍ବଦେଶ ସିଂ, ପୂର୍ବତନ ରାଜ୍ୟ ସଭାପତି ବସନ୍ତ କୁମାର ପଣ୍ଡା, ନୂଆପଡା ବିଧାୟକ ଜୟ ଦୋଳକିଆ,ରାଜ୍ୟ ସାଧାରଣ ସମ୍ପାଦକ ଶାରଦା ଶତପଥୀ, ଜିଲ୍ଲା ପ୍ରଭାରୀ ଆର୍ତ୍ତମହାପାତ୍ର ପ୍ରମୁଖ ଯୋଗ ଦେଇଥିଲେ । ରାଜ୍ୟ ସହପ୍ରଭାରୀ ସ୍ବଦେଶ ସିଂ ବୁଦ୍ଦିଜୀବି ସମ୍ମିଳନୀ ରେ ମୁଖ୍ୟ ଅତିଥି ଭାବରେ ସମ୍ବୋଧନ କରି କହିଥିଲେ ଯେ ଦେଶ ରେ ଦୀର୍ଘ ୧୨ ବର୍ଷ ରୁ ଉର୍ଦ୍ଧ ହେଲା ଭାରତୀୟ ଜନତା ପାର୍ଟି ସରକାର ଅଛି । ବିଭିନ୍ନ ଜନହିତକର ଯୋଜନା କାର୍ଯ୍ୟକାରୀ କରି ଦେଶବାସୀଙ୍କୁ ସୁଶାସନ ଦେଇଛି। କୌଣସି ଭ୍ରଷ୍ଟାଚାର ମଧ୍ୟ ହୋଇନାହିଁ କିନ୍ତୁ ମୁଖ୍ୟ ବିରୋଧି ଦଳ କଂଗ୍ରେସ ଦଳ ସମେତ ଅନ୍ୟ ବିରୋଧି ଦଳ କ୍ଷମତା ଫେରି ପାଇବା ପାଇଁ ତାଟିଆ କାମୁଡ଼ିଲା ପରି ରାଜନୀତି କରୁଛନ୍ତି । ବିଦେଶୀ ଦେଶ ଙ୍କ ସହାୟତା ରେ କେତେବେଳେ ଭୋଟ ଚୋରୀ, ତ କେତେବେଳେ ଇଭିଏମ, ଏସଆଇଆର ପ୍ରସଙ୍ଗ ନେଇ ଦେଶ ରେ ଅରାଜକତା ସୃଷ୍ଟି କରୁଛନ୍ତି ଯାହାକି ଗଣତନ୍ତ୍ର ପାଇଁ ଠିକ ନୁହଁ । ଏଣୁ ଏହାକୁ ନେଇ ଦେଶବାସୀ ସଚେତନ ହେବାର ଆବଶ୍ୟକତା ଅଛି |






