ସଞ୍ଜୟ ଗୋୟେଲ / ସାମ୍ବାଦିକ /କୋକସରା /ସମୀକ୍ଷା ନ୍ୟୁଜ :
କୋକସରା, କଳାହାଣ୍ଡି | ୨୧ ନଭେମ୍ବର ୨୦୨୬- ରାଜୁ ବାଗଙ୍କୁ ନ୍ୟାୟ ପ୍ରଦାନ ଏବଂ ଘଟଣାରେ ସମ୍ପୃକ୍ତ ଦୋଷୀଙ୍କ ଗିରଫ ଦାବିରେ ଆସନ୍ତା ୨୨ ନଭେମ୍ବର ରବିବାର ଦିନ କୋକସରା ଥାନା ସମ୍ମୁଖରେ ଏକ ଜନଆନ୍ଦୋଳନ ଆୟୋଜନ ପାଇଁ ଆହ୍ୱାନ ଦିଆଯାଇଛି। ଏହି ଆନ୍ଦୋଳନକୁ ସଫଳ କରିବା ପାଇଁ ସମସ୍ତ ନ୍ୟାୟପ୍ରେମୀ ନାଗରିକ, ଯୁବକ, ଛାତ୍ରଛାତ୍ରୀ, ସାମାଜିକ କର୍ମୀ ଓ ବୁଦ୍ଧିଜୀବୀମାନଙ୍କୁ ଏକତ୍ରିତ ହେବାକୁ ଆହ୍ୱାନ କରାଯାଇଛି। ଆୟୋଜକଙ୍କ କହିବା ଅନୁଯାୟୀ, ଏହା କେବଳ ଜଣେ ବ୍ୟକ୍ତିଙ୍କ ନ୍ୟାୟ ପାଇଁ ସଂଘର୍ଷ ନୁହେଁ, ବରଂ ନ୍ୟାୟ, ସମ୍ମାନ ଓ ସମ୍ବିଧାନିକ ଅଧିକାରର ସୁରକ୍ଷା ପାଇଁ ଏକ ସାମୂହିକ ପ୍ରୟାସ। ଜାତି, ଧର୍ମ, ରାଜନୈତିକ ଦଳ ଓ ମତଭେଦରୁ ଊର୍ଦ୍ଧ୍ୱରେ ରହି ସମସ୍ତଙ୍କୁ ଏହି ନ୍ୟାୟର ଲଢ଼େଇରେ ସାମିଲ ହେବାକୁ ଅନୁରୋଧ କରାଯାଇଛି।

ଆନ୍ଦୋଳନର କାର୍ଯ୍ୟକ୍ରମ: ସ୍ଥାନ: କୋକସରା ଥାନା
- ତାରିଖ: ୨୨ ନଭେମ୍ବର ୨୦୨୬, ରବିବାର
- ସମୟ: ସକାଳ ୧୦ଟା
- ଦାବି: ରାଜୁ ବାଗଙ୍କୁ ନ୍ୟାୟ ପ୍ରଦାନ ଓ ଦୋଷୀଙ୍କ ଗିରଫ
ଏହି କାର୍ଯ୍ୟକ୍ରମକୁ ଶାନ୍ତିପୂର୍ଣ୍ଣ ଓ ଗଣତାନ୍ତ୍ରିକ ଉପାୟରେ ସମ୍ପନ୍ନ କରିବାକୁ ଆହ୍ୱାନ ଦିଆଯାଇଛି।






