ବରଦା ଦାସ / ଯୁଗ୍ମ ସମ୍ପାଦକ/କଟକ/ସମୀକ୍ଷା ନ୍ୟୁଜ:
କଟକ: ବାଲିଯାତ୍ରା ମହୋତ୍ସବ ବହୁ ସ୍ଥାନରେ ମହାସମାରୋହରେ ପାଳିତ ହୋଇଥାଏ l ପ୍ରାୟ ଅଢ଼େଇ ହଜାର ବର୍ଷ ପୂର୍ବେ ଓଡିଶା ର ସମୃଦ୍ଧ ଅତୀତ ନୌବାଣିଜ୍ୟ କୁ ମନେପକାଇବା ପାଇଁ ଏହି ମେଳା ସଙ୍ଗଠିତ ହୋଇ ଆସୁଅଛି l ଜାଭା, ବାଲି, ଇଣ୍ଡୋନେସିଆ, ସୁମାତ୍ରା ,ଶ୍ରୀଲଙ୍କା, ଥାଇଲlଣ୍ଡ ଦେଶ ଗୁଡିକୁ ପାଲଟଣା ବୋଇତ ରେ ଓଡ଼ିଆ ବଣିକ ମାନେ ବାଣିଜ୍ୟ କରିବାକୁ କାର୍ତିକ ପୂର୍ଣ୍ଣମୀରେ ଯାତ୍ରା କରି ଆଷାଢ଼ ମାସ ପୂର୍ବରୁ ପ୍ରତ୍ୟାବର୍ତ୍ତନ କରିଥାନ୍ତି l ସେଇ ସ୍ମୃତି କୁ ଉଜ୍ଜୀବିତ କରିବା ପାଇଁ ବାଲିଯାତ୍ରା ପ୍ରାରମ୍ଭ ରେ ଏହି ଦିନ ରେ ଡଙ୍ଗା ଭସାଇ ଥାନ୍ତି l ଅତୀତରେ କଟକ ଗଡ଼ଗଡ଼ିଆ ଠାରେ ମୁଖ୍ୟ ନଦୀ ବନ୍ଦର ଥିଲା l ଖାଲି ସ୍ମୃତି କୁ ସ୍ମରଣ କଲେ ହେବ ନାହିଁ ସେଇ ବ୍ୟବସାୟ ପରଂପରା କୁ ମନେ ପକାଇ ଆଜିର ଯୁବଗୋଷ୍ଠୀ ଙ୍କୁ ଆତ୍ମ ନିର୍ଭରଶୀଳ ସ୍ଵରୋଜଗାର ପାଇଁ ସରକାରୀ ଏମ୍ ଏସ୍ ଏମ୍ ଇ ବିଭାଗ ଅଧିକ ତତ୍ପର ହେବା ଆଜି ଜରୁରୀ l ବାଲିଯାତ୍ରା ମେଳlରେ ପ୍ରସିଦ୍ଧ ଦହିବରା ଆଳୁଦମ, ଠୁଙ୍କା ପୁରି ଖାଇ ବିଭିନ୍ନ ମଣ୍ଡପ ପ୍ରଦର୍ଶନୀ ବୁଲିବା ସହିତ ପୂର୍ବ ଗୌରବ କିପରି ଫେରି ଆସିବ, ଓଡ଼ିଆ ବୀର ଜାତି, ଆଜିର ବେକାର ଯୁବକ ସେ ଦେଶ ବିଦେଶରେ ବେପାର ବଣିଜ କରି ସୁନାମ ଅର୍ଜନ କରିପାରିବ ତାହା ପ୍ରେରଣା ଦେଇଥାଏ l ଭାରତ ମହାମହିମ ରାଷ୍ଟ୍ରପତି ଙ୍କ ଦ୍ଵାରା ଉଦଘାଟନ ପରେ କଟକ ବାଲିଯାତ୍ରା ଓ ଐତିହ ସହର ରୂପେ ୟୁନେସ୍କୋ ଦ୍ଵାରା ଦୁଇଟିର ମାନ୍ୟତା ପ୍ରାପ୍ତି ସହ ପୂର୍ବ ଗାରିମା କିପରି ଫେରିପାଇବ ସେ ଦିଗରେ ସମସ୍ତେ ଦୃଷ୍ଟି ଦେବାକୁ ଥିଙ୍କର୍ସ କ୍ଲବ ସଭାପତି ବରଦl ଦାସ ଅନୁରୋଧ କରିଛନ୍ତି l






