ଭବାନୀ ଶଙ୍କର ମିଶ୍ର/ବରିଷ୍ଠ ସାମ୍ବାଦିକ /ମୟୂରଭଞ୍ଜ /ସମୀକ୍ଷା ନ୍ୟୁଜ:
ରାଇରଙ୍ଗପୁର, ୧୨/୧୧/୨୬ – ମୟୁରଭଞ୍ଜ ଜିଲ୍ଲାରେ ୨0୧୭ ମସିହା ପର୍ଯ୍ୟନ୍ତ ଜିଲ୍ଲା ସାମ୍ବାଦିକ ସଂଘର ପୂର୍ବତନ ସଭାପତି ରତିକାନ୍ତ ପରୀକ୍ଷାଙ୍କ ଅକାଳ ବିୟୋଗ ସାମ୍ବାଦିକ ପରିବାର ବ୍ୟତୀତ ସମାଜସେବା କ୍ଷେତ୍ରରେ ଅତ୍ୟନ୍ତ ଦୁଃଖ ଦେଇଛି । ଏହା ବ୍ୟତୀତ ସେ ସମ୍ବାଦ ଖବରକାଗଜ ପ୍ରତିନିଧି ବ୍ୟତୀତ ରାଇରଙ୍ଗପୁର ବିଜେଡିର ଜଣେ ବରିଷ୍ଠ ନେତା ଭାବେ ବେଶ ପରିଚିତ । ରତିକାନ୍ତ ପରୀକ୍ଷା(୫୭) ବୁଧବାର ରାତି ୩ ରେ ଭୁବନେଶ୍ଵରର କ୍ୟାପିଟାଲ ହସ୍ପିଟାଲରେ ଚିକିତ୍ସିତ ଅବସ୍ଥାରେ ଦେହାନ୍ତ ହୋଇଥିବା ଖବର ପ୍ରଚାରିତ ସମସ୍ତଙ୍କୁ ସ୍ତବ୍ଧ କରିଦେଲା । ତେବେ ସେ ଦିର୍ଘଦିନ ଧରି ଶାରିରୀକ ଅସୁସ୍ଥ ଥିଲେ । ତାଙ୍କ ମରଶରୀର ଭୁବନେଶ୍ବରରୁ ରାଇରଙ୍ଗପୁରସ୍ଥ ବିକାଶ ନଗର ଵାସଭଵନକୁ ଗୁରୁବାର ରାତି ୭.୩୦ଟାରେ ଅଣା ଯାଇଥିଲା । ସେ ଜଣେ ଅମାୟିକ, ସେନାପତି, ମିଷ୍ଟଭାଷୀ, ପରୋପକାରୀ ଦରଦି ମଣିଷ ଥିଲେ ।ରାଇରଙ୍ଗପୁର ଅଞ୍ଚଳରେ ସେ ରତିଆ ନନା ଭାବେ ପରିଚିତ ଥିଲେ ।ସାମ୍ବାଦିକତା ରୁ ବିଜେଡି ରାଜନେତା ହୋଇଥିଲେ । ବିଜେଡି ସରକାର ସମୟରେ ସେ ବିଜୁ ସେତୁ ନିଗମର ଦାୟିତ୍ବରେ ମଧ୍ୟ ରହିଥିଲେ । ତାଙ୍କ ଦେହାନ୍ତରେ ରାଇରଙ୍ଗପୁର ତଥା ସମଗ୍ର ରାଜ୍ୟରେ ଶୋକରେ ଛାୟା ଖେଳିଯାଇଛି । ତାଙ୍କର ପତ୍ନୀ ନନ୍ଦିନୀ ପଣ୍ଡା ଅଲ ଓଡ଼ିଶା ଅଙ୍ଗନବାଡ଼ି ର ରାଜ୍ୟ ସଭାନେତ୍ରୀ ଏବଂ ପୁତ୍ର ଅରିଜିତ୍ ପରୀକ୍ଷା ସାମ୍ବାଦିକତା କରୁଛନ୍ତି । ତାଙ୍କର ବଡ଼ଭାଇ ପ୍ରଶାନ୍ତ ପରୀକ୍ଷା ସେବା ନିବୃତ ଅଧ୍ୟାପକ ଭାବେ ଅବସର ଗ୍ରହଣ କରିଛନ୍ତି । ତାଙ୍କର ମଝିଆ ଭାଇ ସୁଶାନ୍ତ ପରୀକ୍ଷା ସେବା ନିବୃତ ପ୍ରଧାନ ଶିକ୍ଷକ ଥିଲେ । ତାଙ୍କ ମୃତ୍ୟୁ ଖବର ପାଇ ବିଭିନ୍ନ ରାଜନୈତିକ ଦଳର ନେତୃବୃନ୍ଦ, ରାଇରଙ୍ଗପୁର ସାମ୍ବାଦିକ ପରିବାର, ଅଙ୍ଗନବାଡ଼ି କର୍ମୀ, ବିଜେଡ଼ିର ନେତୃବୃନ୍ଦ ତାଙ୍କ ବିକାଶ ନଗର ବାସ ଭବନରେ ପହଞ୍ଚି ଶେଷ ଦର୍ଶନ କରିବା ସହ ପୁଷ୍ପମାଲ୍ୟ ଦେଇ ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରିବା ସହ ଶୋକ ସନ୍ତପ୍ତ ପରିବାରବର୍ଗଙ୍କୁ ସାନ୍ତ୍ଵନା ଦେଇଥିଲେ । ତାଙ୍କ ମର ଶରୀରକୁ ରାଇରଙ୍ଗପୁର ରାଉତଖମାରସ୍ଥ ସ୍ଵର୍ଗଦ୍ଵାରକୁ ନିଆଯାଇଥିଲା ଏବଂ ତାଙ୍କ ପୁତ୍ର ଅରିଜିତ ପରୀକ୍ଷା ମୁଖାଗ୍ନି ଦେଇଥିବା ଜଣାପଡ଼ିଛି । ମୟୂରଭଞ୍ଜ ସାମ୍ବାଦିକ ସଂଘ ତରଫରୁ ମଧ୍ୟ ବିଭିନ୍ନ ବ୍ଳକରେ ତାଙ୍କ ଶୋକସଭା ପାଳନ ସହ ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଛି ।






