ମୁଖ୍ୟ ବିଷୟକୁ ଯାଆନ୍ତୁ
ଶନିବାର, ୨୧ ନଭେମ୍ବର ୨୦୨୬
News Update
୧ ମିନିଟ ପୂର୍ବେShilpa Shetty’s Fitness Mantra: ଅଭିନେତ୍ରୀ ଶିଳ୍ପା ସେଟ୍ଟୀଙ୍କ ଫିଟନେସ୍ ମନ୍ତ୍ରକୁ ନେଇ ଚର୍ଚ୍ଚା ୫ ମିନିଟ ପୂର୍ବେKuchei station Demand for railway goods rake facility: କୁଚେଇ ଷ୍ଟେସନରେ ରେଳୱେ ଗୁଡ୍‌ସ ର‍୍ୟାକ୍ ସୁବିଧା ଦାବି ୯ ମିନିଟ ପୂର୍ବେSindhusuta approaches the District Collector seeking financial assistance: ବାତ୍ୟା ପ୍ରଭାବରେ ସମ୍ପୂର୍ଣ୍ଣଭାବେ ଧାନ ନଷ୍ଟ ହୋଇଥିବା ନେଇ ଜିଲ୍ଲାପାଳଙ୍କୁ ଆର୍ଥିକ ସହାୟତା ପାଇଁ ସିନ୍ଧୁସୁତା ହେଲେ ଦ୍ୱାରସ୍ତ ୧୫ ମିନିଟ ପୂର୍ବେPreparations for the Kalinga Bali Jatra: ଆଗକୁ ଦୁଇ ଦିନ ରହିଲା କଲିଙ୍ଗ ବାଲିଯାତ୍ରା ଯୁଦ୍ଧ କାଳୀନ ଭିତିରେ ଚାଲିଛି ପ୍ରସ୍ତୁତି ୨୦ ମିନିଟ ପୂର୍ବେKhandapada Child Sex Ratio: ଖଣ୍ଡପଡ଼ାରେ ଶିଶୁ ଲିଙ୍ଗ ଅନୁପାତ ହ୍ରାସ ନେଇ ବ୍ଲକସ୍ତରୀୟ କର୍ମଶାଳା ଅନୁଷ୍ଠିତ ୨୪ ମିନିଟ ପୂର୍ବେGodabarisha Adarsha Vidyalaya scheme: ରାମଚଣ୍ତି ଉଚ୍ଚ ବିଦ୍ୟାଳୟକୁ ଗୋଦାବରୀଶ ଆଦର୍ଶ ବିଦ୍ୟାଳୟ ଯୋଜନାରେ ସାମିଲ କରିବା ନେଇ ଦାବିପତ୍ର ପ୍ରଦାନ ୩୧ ମିନିଟ ପୂର୍ବେCyclone Shelters & Review Meeting: ବିଧାୟକ ଓ ପ୍ରଶାସନିକ ଅଧିକାରୀଙ୍କ ବାତ୍ୟା ଆଶ୍ରୟସ୍ଥଳୀ ପରିଦର୍ଶନ ଓ ସମୀକ୍ଷା ବୈଠକ ୪୪ ମିନିଟ ପୂର୍ବେMalkangiri Rehabilitation & Protection of Children: ମାଲକାନଗିରିର ଚାରି ପିତୃମାତୃହୀନ ଶିଶୁଙ୍କ ଥଇଥାନ ଓ ସୁରକ୍ଷା ୫୨ ମିନିଟ ପୂର୍ବେHelpless lives on the highway: ରାଜପଥ ଉପରେ ଅସହାୟ ଜୀବନ, ସରକାରଙ୍କ ଦୃଷ୍ଟିପଡିବ କେବେ ? ୧ ଘଣ୍ଟା ପୂର୍ବେBaliguda Public Relations Department office deplorable Condition: ବାଲିଗୁଡ଼ା ଲୋକ ସମ୍ପର୍କ ବିଭାଗ କାର୍ଯ୍ୟାଳୟର ଦୟନୀୟ ଅବସ୍ଥା
ଚର୍ଚ୍ଚାରେ ମୟୂରଭଞ୍ଜ ମାଲକାନଗିରି ଖୋର୍ଦ୍ଧା ଜଗତସିଂହପୁର କେନ୍ଦୁଝର ବରଗଡ଼ ନୂଆପଡ଼ା

Sixth Meeting of the District Cooperative Development Committee: ଜିଲ୍ଲା ସମବାୟ ଉନ୍ନୟନ କମିଟିର ଷଷ୍ଠ ବୈଠକ

Sixth Meeting of the District Cooperative Development Committee: ଜିଲ୍ଲା ସମବାୟ ଉନ୍ନୟନ କମିଟିର ଷଷ୍ଠ ବୈଠକ – ସମୀକ୍ଷା ଖବର

ବିଭୁତି ପ୍ରସାଦ ପଣ୍ଡା /ଜିଲ୍ଲା ପ୍ରତିନିଧି/ ନବରଙ୍ଗପୁର/ ସମୀକ୍ଷା ନ୍ୟୁଜ: ୨୦ ନଭେମ୍ବର ୨୦୨୬

କୃଷକଙ୍କ ହିତସାଧନ ଓ ଆୟବୃଦ୍ଧି ନିମନ୍ତେ ବିଭାଗୀୟ ସମନ୍ୱୟ ଉପରେ ଜିଲ୍ଲାପାଳଙ୍କ ଗୁରୁତ୍ୱାରୋପ

ଭାରତ ସରକାରଙ୍କ ‘ସହକାର-ସେ-ସମୃଦ୍ଧି’ ଦୃଷ୍ଟିକୋଣ ଅନ୍ତର୍ଗତ ସମବାୟ କ୍ଷେତ୍ରର ବିଭିନ୍ନ ଯୋଜନାର ଅଗ୍ରଗତି ସମୀକ୍ଷା ନିମନ୍ତେ ଜିଲ୍ଲା ସମବାୟ ଉନ୍ନୟନ କମିଟିର ଷଷ୍ଠ ବୈଠକ ଜିଲ୍ଲାପାଳ ଶ୍ରୀମତୀ ମଧୁମିତାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଛି । ସମବାୟ ସଂସ୍ଥାଗୁଡ଼ିକୁ ସୁଦୃଢ଼ କରିବା ସହ ଆର୍ଥିକ ଦୃଷ୍ଟିରୁ ସ୍ୱାବଲମ୍ବୀ ଓ ସକ୍ଷମ ସଂସ୍ଥା ଭାବେ ଗଢ଼ି ତୋଳିବା ଉଦ୍ଦେଶ୍ୟରେ ଅନୁଷ୍ଠିତ ଉକ୍ତ ବୈଠକରେ ଜିଲ୍ଲାର ବୃହତ୍ ବହୁମୁଖୀ ସମବାୟ ସମିତିଗୁଡ଼ିକର କାର୍ଯ୍ୟକଳାପକୁ ସୁଦୃଢ଼ କରିବା ଓ ବିବିଧକରଣ ମାଧ୍ୟମରେ ନୂତନ ବ୍ୟବସାୟିକ କାର୍ଯ୍ୟକଳାପ ଆରମ୍ଭ କରିବା ସହ କୃଷକମାନଙ୍କୁ ବିଭିନ୍ନ ସେବା, ଭିତ୍ତିଭୂମି, ଜୀବିକା ଓ ଆର୍ଥିକ ସୁବିଧା ଯୋଗାଇବା ଉପରେ ଆଲୋଚନା ଓ ସମୀକ୍ଷା କରାଯାଇଥିଲା। ସୂଚନାଯୋଗ୍ୟକୀ, ଜିଲ୍ଲାର ସର୍ବମୋଟ ୯୫ଟି ବୃହତ୍ ବହୁମୁଖୀ ସମବାୟ ସମିତି ମଧ୍ୟରୁ ୧୩ଟି ପୁରୁଣା ଓ ୮୨ଟି ନୂତନ ସମିତି ରହିଛି ଏବଂ ସମସ୍ତ ୯୫ଟି ସମିତି ମଡେଲ୍ କେନ୍ଦ୍ରୀୟ ଉପବିଧି ଗ୍ରହଣ କରିଛନ୍ତି। ୧୩ଟି ପୁରୁଣା ସମିତିର କମ୍ପ୍ୟୁଟରୀକରଣ ଜାତୀୟ ସ୍ତରର ସମବାୟ ସମିତି ସଫ୍ଟୱେର୍ ମାଧ୍ୟମରେ ସମ୍ପୂର୍ଣ୍ଣ ହୋଇଛି। ଜିଲ୍ଲାର ୮୨ଟି ନୂତନ ସମିତି ଗଠନ ଓ ପଞ୍ଜୀକରଣ ହୋଇଥିବାବେଳେ ସେଥିମଧ୍ୟରୁ ୭୮ଟି ସମ୍ପୂର୍ଣ୍ଣ କାର୍ଯ୍ୟକ୍ଷମ ହୋଇଛି ଏବଂ ଅବଶିଷ୍ଟ ସମିତିଗୁଡ଼ିକୁ କାର୍ଯ୍ୟକ୍ଷମ କରିବା ପାଇଁ ପଦକ୍ଷେପ ନିଆଯାଉଛି। ଏତଦବ୍ୟତୀତ, ସମିତିଗୁଡ଼ିକର ଭିତ୍ତିଭୂମି ବିକାଶ ପାଇଁ ଜମି ହସ୍ତାନ୍ତର ପ୍ରକ୍ରିୟାର ମଧ୍ୟ ସମୀକ୍ଷା କରାଯାଇଥିଲା। ମୋଟ ୯୫ଟି ସମିତି ମଧ୍ୟରୁ ୭୯ଟି ପାଇଁ ଜମି ହସ୍ତାନ୍ତର ପ୍ରସ୍ତାବ ଦାଖଲ ହୋଇଛି। ‘ବିଶ୍ୱର ସର୍ବବୃହତ୍ ଶସ୍ୟ ସଂରକ୍ଷଣ ଯୋଜନା’ ଅନ୍ତର୍ଗତ ଜରିଗାମ ସମବାୟ ସମିତିରେ ପାଇଲଟ୍ ପ୍ରକଳ୍ପ ମଞ୍ଜୁର ହୋଇଥିବା ଏବଂ ନିର୍ମାଣ କାର୍ଯ୍ୟ ଆରମ୍ଭ ହୋଇଥିବା ସମ୍ପର୍କରେ ଆଲୋଚନା କରାଯାଇଥିଲା।

Sixth Meeting of the District Cooperative Development Committee: ଜିଲ୍ଲା ସମବାୟ ଉନ୍ନୟନ କମିଟିର ଷଷ୍ଠ ବୈଠକ – ସମୀକ୍ଷା

କୃଷକମାନଙ୍କୁ କୃଷି ଯନ୍ତ୍ରପାତି ଓ ଉପକରଣ ସୁଲଭ ମୂଲ୍ୟରେ ଯୋଗାଇବା ପାଇଁ କୃଷି ଯନ୍ତ୍ରପାତି ଭଡ଼ା କେନ୍ଦ୍ର ଓ କୃଷି ସେବା କେନ୍ଦ୍ର ସ୍ଥାପନ, ଜିଲ୍ଲାର ୧୩ଟି ଉପଭୋକ୍ତା ସାମଗ୍ରୀ ବିକ୍ରୟ କେନ୍ଦ୍ର ମଧ୍ୟରୁ ୧୨ଟି ଖୋଲିବା, ଗୋଖାଦ୍ୟ କେନ୍ଦ୍ର, ସମ୍ବଲପୁରୀ ବସ୍ତ୍ରାଳୟ, ପ୍ରଧାନମନ୍ତ୍ରୀ କୃଷକ ସମୃଦ୍ଧି କେନ୍ଦ୍ର ଅନ୍ତର୍ଗତ ସାର ବିତରଣ କେନ୍ଦ୍ର ଓ ଅନ୍ୟାନ୍ୟ ବ୍ୟବସାୟିକ କାର୍ଯ୍ୟକଳାପର ଅଗ୍ରଗତି ସମୀକ୍ଷା କରାଯାଇଛି। ‘ସମ୍ବନ୍ଧ’ ମେଗା ସଦସ୍ୟତା ଅଭିଯାନ ଅନ୍ତର୍ଗତ ୪୦,୦୦୦ ସଦସ୍ୟ ଯୋଡ଼ିବା ଲକ୍ଷ୍ୟ ରଖାଯାଇଥିବାବେଳେ, ଏପର୍ଯ୍ୟନ୍ତ ୯୧ଟି ସମବାୟ ସମିତି ମାଧ୍ୟମରେ ୩,୯୪୨ ଜଣ ସଦସ୍ୟ ପଞ୍ଜୀକୃତ ହୋଇଛନ୍ତି। ଏହାସହ କୃଷକ ଉତ୍ପାଦକ ସଂଗଠନ ଗଠନ, ସମବାୟ ସମିତି ମାଧ୍ୟମରେ ରନ୍ଧନ ଗ୍ୟାସ୍ ବିତରଣ, ଜନ ଔଷଧି କେନ୍ଦ୍ର, ବଡ଼ ପରିମାଣରେ ଇନ୍ଧନ ବିକ୍ରୟ କେନ୍ଦ୍ରକୁ ଖୁଚୁରା ବିକ୍ରୟ କେନ୍ଦ୍ରରେ ପରିଣତ କରିବା, ପ୍ରଧାନମନ୍ତ୍ରୀ କୁସୁମ ଯୋଜନା ସହ ସମନ୍ୱୟ, ଜାତୀୟ ସ୍ତରର ବହୁରାଜ୍ୟ ସମବାୟ ସଂସ୍ଥାରେ ସଦସ୍ୟତା ଓ ଗ୍ରାମାଞ୍ଚଳରେ ପାନୀୟ ଜଳ ପାଇପ୍ ଯୋଗାଣ ଆଦି ପଦକ୍ଷେପର ସମୀକ୍ଷା କରାଯାଇଥିଲା। ସମବାୟ ସଂସ୍ଥାଗୁଡ଼ିକର ଭିତ୍ତିଭୂମି ବିକାଶ ପାଇଁ ‘ସମବାୟ ସଂସ୍ଥାଗୁଡ଼ିକର ଭିତ୍ତିଭୂମି ବିକାଶ ନିମନ୍ତେ ଆର୍ଥିକ ସହାୟତା’ ଯୋଜନା ଅନ୍ତର୍ଗତ କାର୍ଯ୍ୟର ଅଗ୍ରଗତି ମଧ୍ୟ ସମୀକ୍ଷା କରାଯାଇଥିଲା।

Sixth Meeting of the District Cooperative Development Committee: ଜିଲ୍ଲା ସମବାୟ ଉନ୍ନୟନ କମିଟିର ଷଷ୍ଠ ବୈଠକ – ସମୀକ୍ଷା

ଜିଲ୍ଲାପାଳ ସମ୍ପୃକ୍ତ ଅଧିକାରୀମାନଙ୍କୁ ସମବାୟ କ୍ଷେତ୍ରର ସମସ୍ତ ଯୋଜନାର କାର୍ଯ୍ୟାନ୍ୱୟନ ତ୍ୱରାନ୍ୱିତ କରିବା, ଭିତ୍ତିଭୂମି ସମ୍ବନ୍ଧୀୟ କାର୍ଯ୍ୟଗୁଡ଼ିକୁ ସମୟସୀମା ମଧ୍ୟରେ ସମ୍ପୂର୍ଣ୍ଣ କରିବା ଏବଂ ଅବଶିଷ୍ଟ ସମବାୟ ସମିତିଗୁଡ଼ିକୁ କାର୍ଯ୍ୟକ୍ଷମ କରିବା ସହ ପ୍ରସ୍ତାବିତ ବିବିଧକରଣ କାର୍ଯ୍ୟକଳାପ ଆରମ୍ଭ କରିବା ଦିଗରେ ଆବଶ୍ୟକ ପଦକ୍ଷେପ ନେବାକୁ ନିର୍ଦ୍ଦେଶ ଦେଇଥିଲେ। କୃଷକମାନଙ୍କ ସ୍ୱାର୍ଥ ସୁରକ୍ଷା, ଆୟବୃଦ୍ଧି ଓ ଜୀବିକାର ସୁଦୃଢ଼ୀକରଣ ନିମନ୍ତେ କୃଷି, ସମବାୟ ଓ ପ୍ରାଣୀ ସମ୍ପଦ ବିଭାଗ ସମେତ ସମସ୍ତ ସମ୍ପୃକ୍ତ ବିଭାଗ ମଧ୍ୟରେ ଉପଯୁକ୍ତ ସମନ୍ୱୟ ରଖି କାର୍ଯ୍ୟ କରିବାକୁ ଜିଲ୍ଲାପାଳ ନିର୍ଦ୍ଦେଶ ଦେଇଥିଲେ। ସରକାରଙ୍କ ବିଭିନ୍ନ ଯୋଜନାର ସୁଫଳ କୃଷକମାନଙ୍କ ନିକଟରେ ପହଞ୍ଚାଇବା, ସେମାନଙ୍କୁ ଆବଶ୍ୟକ କୃଷି ସାମଗ୍ରୀ, ପ୍ରାଯୁକ୍ତିକ ସହାୟତା, ପଶୁପାଳନ ଓ ଅନ୍ୟାନ୍ୟ ସହାୟକ ସେବା ଯୋଗାଇବା ଦିଗରେ ସମନ୍ୱିତ ପଦକ୍ଷେପ ଗ୍ରହଣ କରିବାକୁ ସେ ସମ୍ପୃକ୍ତ ଅଧିକାରୀମାନଙ୍କୁ ପରାମର୍ଶ ଦେଇଥିଲେ। କାର୍ଯ୍ୟର ନିୟମିତ ସମୀକ୍ଷା ଓ ସମସ୍ୟାଗୁଡ଼ିକର ତ୍ୱରିତ ସମାଧାନ ଉପରେ ମଧ୍ୟ ଗୁରୁତ୍ୱାରୋପ କରିଥିଲେ। ସମବାୟ ଆନ୍ଦୋଳନକୁ ସୁଦୃଢ଼ କରିବା ସହ କୃଷକ ଓ ଗ୍ରାମାଞ୍ଚଳର ଲୋକମାନଙ୍କ ଆୟ ଓ ଜୀବିକାର ଉନ୍ନତି ପାଇଁ ଜିଲ୍ଲା ପ୍ରଶାସନର ମାର୍ଗଦର୍ଶନରେ ନବରଙ୍ଗପୁର ଜିଲ୍ଲା ସମବାୟ କ୍ଷେତ୍ର, ନବରଙ୍ଗପୁର ଡିଭିଜନ ଓ ସହକାରୀ ନିବନ୍ଧକଙ୍କ କାର୍ଯ୍ୟାଳୟ ଅନ୍ତର୍ଗତ ଅଧିକାରୀମାନେ ପୁରୁଣା ଓ ନୂତନ ସମବାୟ ସମିତିଗୁଡ଼ିକରେ ଏହି ସମସ୍ତ ଯୋଜନାର ସମୟୋଚିତ କାର୍ଯ୍ୟାନ୍ୱୟନ ପାଇଁ ସମନ୍ୱିତ ଭାବେ କାର୍ଯ୍ୟ କରିବା ସହ ଯୋଜନାଗୁଡ଼ିକର ସଫଳ ରୂପାୟନ ନିମନ୍ତେ ସମ୍ପୃକ୍ତ ବିଭାଗଗୁଡ଼ିକୁ ଆବଶ୍ୟକ ସହଯୋଗ ଓ ସମନ୍ୱୟ ଯୋଗାଇବାକୁ ଜିଲ୍ଲାପାଳ ଆହ୍ୱାନ କରିଛନ୍ତି।

ସମୀକ୍ଷା ନ୍ୟୁଜଲେଟର ଏହିପରି ଖବର ପ୍ରତି ଶନିବାର ଇମେଲରେ ପାଆନ୍ତୁ ସପ୍ତାହର ମୁଖ୍ୟ ଖବର ଓ ଇ-ପେପର · ମାଗଣା · ଯେକୌଣସି ସମୟରେ ବନ୍ଦ କରିପାରିବେ
କେନ୍ଦୁଝର :୪ ବର୍ଷ ଧରି ପଦୋନ୍ନତି ଅଟକିଛି, ୧୪୩ ପଦବୀ ଖାଲି: ଜିଲ୍ଲାପାଳଙ୍କ ହସ୍ତକ୍ଷେପ ଲୋଡ଼ିଲା ରାଜସ୍ୱ ସଂଘ... – ସମୀକ୍ଷା ଭିଡିଓ ଖବର ସମୀକ୍ଷା ଭିଡିଓକେନ୍ଦୁଝର :୪ ବର୍ଷ ଧରି ପଦୋନ୍ନତି ଅଟକିଛି, ୧୪୩ ପଦବୀ ଖାଲି: ଜିଲ୍ଲାପାଳଙ୍କ ହସ୍ତକ୍ଷେପ ଲୋଡ଼ିଲା ରାଜସ୍ୱ ସଂଘ...YouTube · SAMIKSHA NEWS LIVE ପରବର୍ତ୍ତୀ ଖବର ‘Solar Chariot’ launched in Nabarangpur: ନବରଙ୍ଗପୁରରେ ‘ସୋଲାର ରଥର’ ଶୁଭାରମ୍ଭ