ଭବାନୀ ଶଙ୍କର ମିଶ୍ର/ବରିଷ୍ଠ ସାମ୍ବାଦିକ /ମୟୂରଭଞ୍ଜ /ସମୀକ୍ଷା ନ୍ୟୁଜ:
ବଡ଼ସାହି, ୩୦/୧୦/୨୬ – ଠାକୁରମୁଣ୍ଡା ଠାରେ ଶୁକ୍ରବାର ଦିନ ବୁଦ୍ଧିଜୀବୀ ସମ୍ମିଳନୀ ଅନୁଷ୍ଠିତ ହୋଇଯାଇଛି । ‘ଅରାଜକତା ହଟାଓ-ଲୋକତନ୍ତ୍ର ବଞ୍ଚାଓ’ ବାର୍ତ୍ତା ନେଇ ଆୟୋଜିତ ଏହି ସମ୍ମିଳନୀରେ ଶତାଧିକ ବୁଦ୍ଧିଜୀବୀ ଯୋଗ ଦେଇଥିଲେ। କରଞ୍ଜିଆ ବିଧାୟକ ପଦ୍ମଚରଣ ହାଇବୁରୁ ସଭାରେ ସଭାପତିତ୍ୱ କରିଥିବାବେଳେ କରଞ୍ଜିଆର ବରିଷ୍ଠ ଆଇନଜୀବୀ କୃପାସିନ୍ଧୁ ମହାନ୍ତ, ଠାକୁରମୁଣ୍ଡା ପ୍ରେସ କ୍ଳବ ସଭାପତି ଶରତ କୁମାର ତ୍ରିପାଠୀ, କରଞ୍ଜିଆ ପ୍ରେସକ୍ଳବ ସଭାପତି ଉମାଶଙ୍କର ଦାସ,ପୂର୍ବତନ ସରପଞ୍ଚ ଅର୍ଜୁନ ବେହେରା ପ୍ରମୁଖ ବକ୍ତବ୍ୟ ରଖିଥିଲେ । ମୁଖ୍ୟ ବକ୍ତା ଭାବେ ଯୋଗ ଦେଇ ବିଶିଷ୍ଟ ଲେଖକ ଓ ସ୍ତମ୍ଭକାର କବି ବିଷ୍ଣୁ ଶତପଥୀ କହିଥିଲେ, ଗଣତନ୍ତ୍ରରେ ବିଶୃଙ୍ଖଳା ଓ ଅରାଜକତାର ସ୍ଥାନ ନାହିଁ । ବିରୋଧୀ ମତ ଓ ବିଚାରକୁ ସମ୍ମାନ ଦେବା ସହ ନିଜ ବିପକ୍ଷରେ ଯାଇଥିବା ଜନାଦେଶକୁ ମଧ୍ୟ ଆଦର କରି ଜାଣିଲେ ହିଁ ଗଣତନ୍ତ୍ର ସୁସ୍ଥ, ସବଳ ଓ ସଫଳ ହୋଇଥାଏ । ସଭା ପରିଚାଳନା ବିମଳ ସେନାପତି କରିଥିବା ବେଳେ ଯୋଗେନ୍ଦ୍ର କୁମାର ମହାନ୍ତ ଧନ୍ୟବାଦ ଅର୍ପଣ କରିଥିଲେ ତଥା ବିଛେନ୍ଦ୍ର ବେହେରା, ପ୍ରଫୁଲ୍ଲ ମହାନ୍ତ, ଆଲୋକ ଚକ୍ର, ଓକିଲ ବିକ୍ରମ ଦତ୍ତ,ସୟଦ ହୁସେନ, ଭାସ୍କର ପଣ୍ଡା, ଆଶିଷ ପାଣିଗ୍ରାହୀ, ବସନ୍ତ କୁମାର ପଇବର୍ତ୍ତୀ, ଜନାର୍ଦନ ବେହେରା, ତ୍ରିନାଥ ମହାନ୍ତ, ରାଜୁ ରାମ, ଚିତ୍ତରଞ୍ଜନ ଦାସ, ମମତାମୟୀ ମହାନ୍ତ, ଗଗନ ପୃଷ୍ଟି, ଜୁବୁଲି ସାହୁ, ମନୋଜ ମହାନ୍ତ, ଗୌରାଙ୍ଗ ଶତପଥୀ, ରଞ୍ଜନ ମହାନ୍ତ, ଅନ୍ତର୍ଯ୍ୟାମୀ ଭୋଇ ପ୍ରମୁଖ ପ୍ରାୟ ୫୦୦ ବୁଦ୍ଧିଜୀବୀ ଓ ବରିଷ୍ଠ ନାଗରିକ ଏଥିରେ ଯୋଗ ଦେଇଥିଲେ ।






