ଭବାନୀ ଶଙ୍କର ମିଶ୍ର/ବରିଷ୍ଠ ସାମ୍ବାଦିକ /ମୟୂରଭଞ୍ଜ /ସମୀକ୍ଷା ନ୍ୟୁଜ:
ବଡ଼ସାହି, ୩୧/୧୦/୨୬ – ମୟୁରଭଞ୍ଜ ଜିଲ୍ଲା, ଠାକୁରମୁଣ୍ଡା ଥାନା ପରିସରରେ ଆଜି ରାଷ୍ଟ୍ରୀୟ ଏକତା ଦିବସ ଓ ନିଶା ନିବାରଣ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଲୌହ ମାନବ ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ 151 ତମ ଜନ୍ମଦିନରେ ସାରା ରାଷ୍ଟ୍ର ସମ୍ମାନ ଜଣାଉଥିବାବେଳେ ଠାକୁରମୁଣ୍ଡା ଥାନାରେ ଏକ ବିରାଟ ସାଧାରଣ ସଭାର ଆୟୋଜନ କରାଯାଇଥିଲା l ଥାନାଧିକାରୀ ଶରତ ମହାଳିକଙ୍କ ନେତୃତ୍ୱରେ ଆୟୋଜିତ ସାଧାରଣ ସଭାରେ ମୁଖ୍ୟ ଅତିଥି ଭାବେ ବିଧାୟକ ପଦ୍ମଚରଣ ହାଇବୁରୁ ଯୋଗଦେଇ ଏକତା ଓ ନିଶା ମୁକ୍ତ ସମାଜ ଗଠନ ଉପରେ ଆଲୋକପାତ କରିଥିଲେ । ଏହି ଅବସରରେ ନିଶା କିପରି ଯୁବ ସମାଜକୁ ଦିଗ ଭ୍ରଷ୍ଟ କରୁଛି ସେ ସମ୍ପର୍କରେ ବିସ୍ତୃତ ବାର୍ତ୍ତା ରଖି ନିଶା ଠାରୁ ଦୂରେଇଲେ ରାଷ୍ଟ୍ର ଗଠନରେ ଯୁବ ସମାଜ ନେତୃତ୍ୱ ନେବ ବୋଲି ମତ ରଖିଥିଲେ । ସମ୍ମାନିତ ଅତିଥି ଭାବେ ସମାଜସେବା ବସନ୍ତ କୁମାର ପରିବର୍ତ୍ତୀ, ମା ବାସୁଳୀ ଉଚ୍ଚ ମାଧ୍ୟମିକ ବିଦ୍ୟାଳୟ ଅଧ୍ୟକ୍ଷ ଡ. ଉପେନ୍ଦ୍ର ମହାନ୍ତି, ଅଧ୍ୟାପକ ମନୋରଞ୍ଜନ ଦ୍ୱିବେଦୀ, ଆଦର୍ଶ ବିଦ୍ୟାଳୟ ର ଅଧ୍ୟାପକ ଆଶିଷ ପାଣିଗ୍ରାହୀ ଏବଂ ବୟୋଜ୍ୟେଷ୍ଠ ସାମ୍ବାଦିକ ମଧୁସୂଦନ ନନ୍ଦ ପ୍ରମୁଖ ଯୋଗଦେଇ ନିଶାର କୁପରିଣାମ ଓ ଏକତାର ଆବଶ୍ୟକତା ସମ୍ପର୍କରେ ବକ୍ତବ୍ୟ ରଖିଥିଲେ । ସରକାର ନିଜେ ନିଶା ଗ୍ରସ୍ତ ହୋଇ, ରାଜସ୍ବ ପାଇବା ପାଇଁ ସମସ୍ତଙ୍କୁ ନିଶା ଗ୍ରସ୍ତ କରୁଛନ୍ତି ବୋଲି କହିବା ସହିତ ଏଥିପାଇଁ ଆଇନ ପ୍ରଣୟନ କରିବାକୁ ମତ ବ୍ୟକ୍ତ କରିଥିଲେ ।

ଥାନା ଆଇଆଇସି ଶରତ ମହାଳିକ ସଭାପତିତ୍ୱ କରି ସମସ୍ତଙ୍କର ଅକୁଣ୍ଠିତ ସହଯୋଗ ପାଇଁ କାର୍ଯ୍ୟକ୍ରମ ସଫଳ ହୋଇଥିବାରୁ ଧନ୍ୟବାଦ ଦେଇଥିଲେ । ଏହି ଅବସରରେ ଛାତ୍ରଛାତ୍ରୀ, ବୁଦ୍ଧିଜୀବୀ ଓ ସାଧାରଣ ଜନତାଙ୍କ ଉପସ୍ଥିତିରେ ରାଷ୍ଟ୍ରୀୟ ଏକତା ଓ ନିଶା ନିବାରଣ ଶପଥ ପାଠ କରାଯାଇଥିଲା । ବରିଷ୍ଠ ସମାଜସେବୀ ଲଷ୍ମୀ ଝା ମଞ୍ଚ ପରିଚାଳନା ଓ ଶପଥ ପାଠ କରାଇଥିବା ବେଳେ, କରଞ୍ଜିଆ ର ବରିଷ୍ଠ ଆଇନ ଜିବି ସୌରଭ( ମୁନା )ପରିଜା, କରଞ୍ଜିଆ ବାର ଆସୋସିଏସନ ର କର୍ମକର୍ତା ସରୋଜ ରାଉଳ, ଏନଜିଓ କର୍ମକର୍ତା, ଶ୍ୟାମଳେନ୍ଦୁ (ମାଧ ) ଦାସ, ଓକିଲ ବିକ୍ରମ ଦତ୍ତ, ସାମ୍ବାଦିକ ଶରତ ତ୍ରିପାଠୀ,ଯୋଗେନ୍ଦ୍ର ପାତ୍ର, ଚକ୍ରଧର ଦାସ,ଶେଖ ରାଜୁ, ହରେକୃଷ୍ଣ ତ୍ରିପାଠୀ, ସମାଜସେବୀ ବସନ୍ତ କୁମାର ପଇବର୍ତ୍ତୀ, ଜ୍ୟୋତ୍ସ୍ନା ପାଣିଗ୍ରାହୀ, ସତ୍ୟବ୍ରତ ମିଶ୍ର, ଲଲାଟେନ୍ଦୁ ପାତ୍ର, ଦିବ୍ୟେନ୍ଦୁ ବେହେରା, ସ୍ଥାନୀୟ ଏସ ଏସ ଡି ବାଳିକା ଓ କସ୍ତୁରବା ଆବାସିକ ବିଦ୍ୟାଳୟ, ଆଦର୍ଶ ବିଦ୍ୟାଳୟ, ସ୍ଥାନୀୟ +2, +3 ମହାବିଦ୍ୟାଳୟ ର ଛାତ୍ର ଛାତ୍ରୀ, ଶିକ୍ଷକ, ଶିକ୍ଷୟିତ୍ରୀ, ସ୍ଥାନୀୟ ବରିଷ୍ଠ ନାଗରିକ ସଙ୍ଘ ର କର୍ମକର୍ତା ପଦ୍ମଲୋଚନ ନନ୍ଦ ଏବଂ ସରକାରୀ ଅବସର ପ୍ରାପ୍ତ କର୍ମଚାରୀ ମାନେ ଯୋଗ ଦେଇଥିବାବେଳେ, ଥାନା ର ଏସ ଆଇ,ଜୟନ୍ତ କୁମାର ସେଠି, ଏ ଏସ ଆଇ ଅମରେଶ ବାରିକ ଓ ଅନ୍ୟ ପୋଲିସ କର୍ମଚାରୀ ମାନେ କାର୍ଯ୍ୟକ୍ରମରେ ସହଯୋଗ କରିଥିଲେ |





