ଟଙ୍କଧର ପାତ୍ର/ ଯୋଡ଼ା/ ସମୀକ୍ଷା ନ୍ୟୁଜ :
ଯୋଡ଼ା/କେନ୍ଦୁଝର/୨୭/୧୦/୨୦୨୬: କେନ୍ଦୁଝର ଜିଲ୍ଲାର ବଡ଼ବିଲ ଥାନା ଅନ୍ତର୍ଗତ ମିନେରାଲ କଲୋନୀରେ ମଙ୍ଗଳବାର ସକାଳେ ଏକ ସ୍କର୍ପିଓ ଗାଡ଼ି ଅନିୟନ୍ତ୍ରିତ ହୋଇ ଓଲଟି ପଡ଼ିଛି। ଏହି ଦୁର୍ଘଟଣାରେ ଗାଡ଼ିର ଚାଳକ ଅଳ୍ପକେ ରକ୍ଷା ପାଇଥିବା ଜଣାପଡ଼ିଛି।ସୂଚନା ଅନୁଯାୟୀ, ମଙ୍ଗଳବାର ପ୍ରାତଃକାଳରେ OD02DJ-9122 ନମ୍ବର ବିଶିଷ୍ଟ କଳା ରଙ୍ଗର ସ୍କର୍ପିଓ ମିନେରାଲ କଲୋନୀ ଅଞ୍ଚଳରେ ଯାଉଥିବା ସମୟରେ ହଠାତ୍ ଅନିୟନ୍ତ୍ରିତ ହୋଇ ଓଲଟି ପଡ଼ିଥିଲା। ଦୁର୍ଘଟଣା ପରେ ସ୍ଥାନୀୟ ଲୋକଙ୍କ ସହଯୋଗରେ କ୍ରେନ୍ ଡକାଯାଇ ଓଲଟି ପଡ଼ିଥିବା ଗାଡ଼ିକୁ ଉଠାଯାଇଥିଲା।ତେବେ ଗାଡ଼ିଟି କେଉଁ ପରିସ୍ଥିତିରେ ଓ କିପରି ଅନିୟନ୍ତ୍ରିତ ହୋଇ ଓଲଟିଲା, ତାହା ଏଯାବତ୍ ସ୍ପଷ୍ଟ ହୋଇନାହିଁ। ଘଟଣାର ପ୍ରକୃତ କାରଣ ପୁଲିସର ତଦନ୍ତ ପରେ ଜଣାପଡ଼ିବ।ଅନ୍ୟପକ୍ଷରେ, ଘଟଣାସ୍ଥଳରେ ଉପସ୍ଥିତ କେତେକ ଲୋକଙ୍କ କହିବା ଅନୁଯାୟୀ, ଗାଡ଼ିଟି ଜଣେ ନାବାଳକ ଚଳାଉଥିବା ନେଇ ଚର୍ଚ୍ଚା ହେଉଛି। ତେବେ ଏହି ସୂଚନାର ସତ୍ୟତା ଆଧିକାରିକ ଭାବେ ସ୍ପଷ୍ଟ ହୋଇନାହିଁ।ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଆଲୋଚନା ଜାରି ରହିଥିବାବେଳେ ପୁଲିସର ତଦନ୍ତ ପରେ ଦୁର୍ଘଟଣା ସମ୍ପର୍କିତ ଅଧିକ ତଥ୍ୟ ସାମ୍ନାକୁ ଆସିବା ବୋଲି ଆଶା କରାଯାଉଛି।






