ବିଜୟ କୁମାର ମହାପାତ୍ର /ପିପିଲି /ସମୀକ୍ଷା ନ୍ୟୁଜ:
ପିପିଲି,ତା୩୧।୧୦ ଲୌହ ମାନବ ସର୍ଦ୍ଧାର ବଲ୍ଲଭ ଭାଇ ପଟେଲ ଙ୍କ ୧୫୧ତମ ଜୟନ୍ତୀ ପାଳନ ଅବସରରେ ପିପିଲି ପୋଲିସ ପକ୍ଷରୁ ରାଷ୍ଟ୍ରୀୟ ଏକତା ଦିବସ ପାଳନ କରାଯାଇଛି। ପିପିଲି ଥାନା ଅଧିକାରୀ ସୌମେନ୍ଦୁ ଶେଖର ତ୍ରିପାଠୀ ଙ୍କ ନେତୃତ୍ୱ ରେ ଆୟୋଜିତ କାର୍ଯ୍ୟକ୍ରମ ରେ ମୁଖ୍ୟ ଅତିଥିଭାବେ ସ୍ଥାନୀୟ ବିଧାୟକ ଆଶ୍ରିତ ପଟ୍ଟନାୟକ ଯୋଗ ଦେଇ ସର୍ଦ୍ଧାର ବଲ୍ଲଭ ଭାଇ ପଟେଲ ରାଷ୍ଟ୍ରୀୟ ଏକତା ଏବଂ ଅଖଣ୍ଡତା କୁ ବଜାୟ ରଖିବା ପାଇଁ ଆହ୍ୱାନ ଦେଇଥିଲେ।ଏହି ଅବସରରେ ପିପିଲି ଜବାହାର ବିଦ୍ୟାପୀଠ ଠାରୁ ବଜାର ଦେଇ ମିଶନ ସ୍କୁଲ ପଯ୍ୟନ୍ତ ଏକ ପଦ ଯାତ୍ରା ହୋଇଥିଲା। ଏଥିରେ ପିପିଲି ଜବାହାର ବିଦ୍ୟାପୀଠ ଏବଂ ପିପିଲି ହାଇସ୍କୁଲ, ପିପିଲି କଲେଜ, ଏନସିସି କ୍ୟାଡର, ଇନିଫୋର୍ସ ଏକାଡେମୀ ଛାତ୍ର ଛାତ୍ରୀ, ବରିଷ୍ଠ ନାଗରିକ ମଞ୍ଚର ସଦସ୍ୟ ମାନେ ସାମିଲ ହୋଇଥିଲେ। ଏହି କାର୍ଯ୍ୟକ୍ରମ ରେ ପିପିଲି ଥାନା ଏସଆଇ ସୁରମା ସ୍ୱାଇଁ, ଏଏସଆଇ ସୁମନ୍ତ କୁମାର ସାହୁ ଙ୍କ ସମେତ ଥାନାର ସମସ୍ତ କର୍ମଚାରି ବରିଷ୍ଠ ନାଗରିକ ମଞ୍ଚ ର ସଭାପତି ପ୍ରଫୁଲ୍ଲ କୁମାର ପଣ୍ଡା ପ୍ରମୁଖ ଉପସ୍ଥିତ ଥିଲେ।






