ହିମାଂଶୁ ଭୂଷଣ ନାୟକ/ସାମ୍ବାଦିକ /ପାରାଦୀପ/ ସମୀକ୍ଷା ନ୍ୟୁଜ:
ପାରାଦୀପ: ପାରାଦୀପ ପିପିଏଲ୍ ଟାଉନସିପ୍ସ୍ଥିତ ମଲ୍ଟି ପରପୋଜ୍ ହଲ୍ରେ ଜୁହାର ପରିବାର ପକ୍ଷରୁ ନୂଆଁଖାଇ ଭେଟଘାଟ ଉତ୍ସବ ଆନନ୍ଦ ଉଲ୍ଲାସର ସହ ପାଳିତ ହୋଇଯାଇଛି। ଏହି ଅବସରରେ ମନମୁଗ୍ଧକର ସମ୍ବଲପୁରୀ ନୃତ୍ୟ, ଗୀତ ଓ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଦର୍ଶକଙ୍କ ମନ ମୋହିଥିଲା। ସମ୍ବଲପୁରୀ ସଙ୍ଗୀତର ତାଳେ ତାଳେ ପିପିଏଲ୍ ଟାଉନସିପ୍ର ବହୁ ଦର୍ଶକ ଝୁମି ଉଠିଥିଲେ। କାର୍ଯ୍ୟକ୍ରମରେ ଜୁହାର ପରିବାରର ସମସ୍ତ ସଦସ୍ୟଙ୍କ ସହ ପାରାଦୀପ ଫସଫେଟ୍ସ ଲିମିଟେଡ୍ର ବହୁ ପଦାଧିକାରୀ ଓ ଅଧିକାରୀ ଯୋଗଦେଇଥିଲେ। ଏହି ଉତ୍ସବ ମାଧ୍ୟମରେ ଭାଇଚାରା, ଏକତା ଓ ପଶ୍ଚିମ ଓଡ଼ିଶାର ଲୋକକଳା ଓ ସଂସ୍କୃତିର ପ୍ରଚାର ପ୍ରସାରକୁ ଗୁରୁତ୍ୱ ଦିଆଯାଇଥିଲା।






