ମୁଖ୍ୟ ବିଷୟକୁ ଯାଆନ୍ତୁ
ଶନିବାର, ୨୧ ନଭେମ୍ବର ୨୦୨୬
News Update
୧୦ ମିନିଟ ପୂର୍ବେShilpa Shetty’s Fitness Mantra: ଅଭିନେତ୍ରୀ ଶିଳ୍ପା ସେଟ୍ଟୀଙ୍କ ଫିଟନେସ୍ ମନ୍ତ୍ରକୁ ନେଇ ଚର୍ଚ୍ଚା ୧୪ ମିନିଟ ପୂର୍ବେKuchei station Demand for railway goods rake facility: କୁଚେଇ ଷ୍ଟେସନରେ ରେଳୱେ ଗୁଡ୍‌ସ ର‍୍ୟାକ୍ ସୁବିଧା ଦାବି ୧୮ ମିନିଟ ପୂର୍ବେSindhusuta approaches the District Collector seeking financial assistance: ବାତ୍ୟା ପ୍ରଭାବରେ ସମ୍ପୂର୍ଣ୍ଣଭାବେ ଧାନ ନଷ୍ଟ ହୋଇଥିବା ନେଇ ଜିଲ୍ଲାପାଳଙ୍କୁ ଆର୍ଥିକ ସହାୟତା ପାଇଁ ସିନ୍ଧୁସୁତା ହେଲେ ଦ୍ୱାରସ୍ତ ୨୪ ମିନିଟ ପୂର୍ବେPreparations for the Kalinga Bali Jatra: ଆଗକୁ ଦୁଇ ଦିନ ରହିଲା କଲିଙ୍ଗ ବାଲିଯାତ୍ରା ଯୁଦ୍ଧ କାଳୀନ ଭିତିରେ ଚାଲିଛି ପ୍ରସ୍ତୁତି ୨୯ ମିନିଟ ପୂର୍ବେKhandapada Child Sex Ratio: ଖଣ୍ଡପଡ଼ାରେ ଶିଶୁ ଲିଙ୍ଗ ଅନୁପାତ ହ୍ରାସ ନେଇ ବ୍ଲକସ୍ତରୀୟ କର୍ମଶାଳା ଅନୁଷ୍ଠିତ ୩୩ ମିନିଟ ପୂର୍ବେGodabarisha Adarsha Vidyalaya scheme: ରାମଚଣ୍ତି ଉଚ୍ଚ ବିଦ୍ୟାଳୟକୁ ଗୋଦାବରୀଶ ଆଦର୍ଶ ବିଦ୍ୟାଳୟ ଯୋଜନାରେ ସାମିଲ କରିବା ନେଇ ଦାବିପତ୍ର ପ୍ରଦାନ ୪୦ ମିନିଟ ପୂର୍ବେCyclone Shelters & Review Meeting: ବିଧାୟକ ଓ ପ୍ରଶାସନିକ ଅଧିକାରୀଙ୍କ ବାତ୍ୟା ଆଶ୍ରୟସ୍ଥଳୀ ପରିଦର୍ଶନ ଓ ସମୀକ୍ଷା ବୈଠକ ୫୨ ମିନିଟ ପୂର୍ବେMalkangiri Rehabilitation & Protection of Children: ମାଲକାନଗିରିର ଚାରି ପିତୃମାତୃହୀନ ଶିଶୁଙ୍କ ଥଇଥାନ ଓ ସୁରକ୍ଷା ୧ ଘଣ୍ଟା ପୂର୍ବେHelpless lives on the highway: ରାଜପଥ ଉପରେ ଅସହାୟ ଜୀବନ, ସରକାରଙ୍କ ଦୃଷ୍ଟିପଡିବ କେବେ ? ୧ ଘଣ୍ଟା ପୂର୍ବେBaliguda Public Relations Department office deplorable Condition: ବାଲିଗୁଡ଼ା ଲୋକ ସମ୍ପର୍କ ବିଭାଗ କାର୍ଯ୍ୟାଳୟର ଦୟନୀୟ ଅବସ୍ଥା
ଚର୍ଚ୍ଚାରେ ମୟୂରଭଞ୍ଜ ମାଲକାନଗିରି ଖୋର୍ଦ୍ଧା ଜଗତସିଂହପୁର କେନ୍ଦୁଝର ବରଗଡ଼ ନୂଆପଡ଼ା

ଆନ୍ତଃଜିଲ୍ଲା ଡକାୟତ ଗ୍ୟାଙ୍ଗ୍‌ ଠାବ, ୧୨ ଗିରଫ

ଆନ୍ତଃଜିଲ୍ଲା ଡକାୟତ ଗ୍ୟାଙ୍ଗ୍‌ ଠାବ, ୧୨ ଗିରଫ – ସମୀକ୍ଷା ଖବର

ପ୍ରଭାତ କୁମାର ପାଇକରାୟ /ସ୍ୱତନ୍ତ୍ର ପ୍ରତିନିଧି / ଖୋରଧା/ ସମୀକ୍ଷା ନ୍ୟୁଜ:

ଖୋରଧା, ନଭେମ୍ବର ୩: ଖୋରଧା ଜିଲ୍ଲା ପୁଲିସକୁ ମିଳିଛି ଏକ ବଡ଼ ସଫଳତା। ଆନ୍ତଃଜିଲ୍ଲା ଚୋରି ଗ୍ୟାଙ୍ଗ୍‌ର ପର୍ଦ୍ଦାଫାସ୍‌ କରିବା ସହ ପୁଲିସ ୧୨ ଜଣଙ୍କୁ ଗିରଫ କରିଛି। ଗିରଫ ଙ୍କ ମଧ୍ୟରେ ୧୧ ଜଣ ଅଭିଯୁକ୍ତ ଥିବାବେଳେ ଅନ୍ୟ ଜଣେ ଚୋରି ସାମଗ୍ରୀ କିଣିଥିବା ବୋଲି ଜଣାପଡ଼ିଛି। ଏହି ଗିରଫ ଫଳରେ ଖୋରଧା ଓ ପଡ଼ୋଶୀ ନୟାଗଡ଼ ଜିଲ୍ଲାରେ ଘଟିଥିବା ୧୫ଟି ଚୋରି ମାମଲାର ପର୍ଦ୍ଦାଫାସ କରିଛି ପୁଲିସ । ସେମାନଙ୍କଠାରୁ ପ୍ରାୟ ୫୦୦ ଗ୍ରାମ ସୁନା ଅଳଙ୍କାର ଓ ୧୧ କିଲୋଗ୍ରାମ ରୁପା ଅଳଙ୍କାର ଜବତ କରିଛି। ମଙ୍ଗଳବାର ଖୋରଧା ଜିଲ୍ଲା ପୁଲିସ କାର୍ଯ୍ୟାଳୟ (ଡିପିଓ) ଠାରେ ଆୟୋଜିତ ସାମ୍ବାଦିକ ସମ୍ମିଳନୀରେ ଜିଲ୍ଲା ଆରକ୍ଷୀ ଅଧୀକ୍ଷକ ଏହି ସୂଚନା ଦେଇଛନ୍ତି। ଗତ ଏକ ବର୍ଷ ମଧ୍ୟରେ ଜିଲ୍ଲାର ବିଭିନ୍ନ ଥାନା ଅଞ୍ଚଳରେ ଘଟିଥିବା ଚୋରି ଘଟଣା ଗୁଡ଼ିକର ତଦନ୍ତରେ ଏହି ଗିରଫଦାରୀ ଏକ ବଡ଼ ସଫଳତା ବୋଲି ଏସ୍‌ପି କହିଛନ୍ତି। ୧୫ଟି ମାମଲା ମଧ୍ୟରୁ ଖୋରଧା ଜିଲ୍ଲାର ଟାଙ୍ଗୀ ଥାନାରେ ୭ଟି, ନାଚୁଣୀ ଥାନାରେ ୩ଟି, ବାଣପୁର ଥାନାରେ ୨ଟି ଓ ବାଲୁଗାଁ ଥାନାରେ ଗୋଟିଏ ମାମଲା ରହିଛି। ଅବଶିଷ୍ଟ ୨ଟି ମାମଲା ନୟାଗଡ଼ ଜିଲ୍ଲାର ଚାନ୍ଦପୁର ଥାନାରେ ରୁଜୁ ହୋଇଥିଲା। ଗତ ଅକ୍ଟୋବର ୨୭ ତାରିଖ ରାତିରେ ବାଣପୁର ସ୍ଥିତ ଏକ ଅଳଙ୍କାର ଦୋକାନରେ ହୋଇଥିବା ବଡ଼ଧରଣର ଚୋରି ଘଟଣା ପରେ ପୁଲିସ ପକ୍ଷରୁ ତଦନ୍ତ ଆରମ୍ଭ ହୋଇଥିଲା। ଅଭିଯୋଗକାରୀ ନିରଞ୍ଜନ ପାତ୍ରଙ୍କ ଅଭିଯୋଗ ଅନୁଯାୟୀ, ଦୁର୍ବୃତ୍ତମାନେ ଦୋକାନର ପଛପାଖରେ ଥିବା ପ୍ରାୟ ୧୦ ଇଞ୍ଚ କାନ୍ଥ ଭାଙ୍ଗି ଭିତରେ ପ୍ରବେଶ କରିଥିଲେ। ବାଣପୁରର ନିରଞ୍ଜନ ଜୁଏଲର୍ସରୁ ସେମାନେ ପ୍ରାୟ ୫ ଲକ୍ଷ ଟଙ୍କା ନଗଦ ଅର୍ଥ, ୪୦୦ ଗ୍ରାମ ସୁନା ଅଳଙ୍କାର ଓ ପ୍ରାୟ ୧୩ କିଲୋଗ୍ରାମ ରୁପା ସାମଗ୍ରୀ ଲୁଟି ନେଇଥିଲେ। ଏନେଇ ବାଣପୁର ଥାନାରେ କେସ୍‌ ନଂ ୪୩୯/୨୦୨୬, ତାରିଖ ୨୮.୧୦.୨୦୨୬ରେ ଭାରତୀୟ ନ୍ୟାୟ ସଂହିତା (ବିଏନ୍‌ଏସ୍‌)ର ଧାରା ୩୦୫(କ) ଓ ୩୩୧(୪) ଅନୁଯାୟୀ ମାମଲା ରୁଜୁ ହୋଇଥିଲା।

ଆନ୍ତଃଜିଲ୍ଲା ଡକାୟତ ଗ୍ୟାଙ୍ଗ୍‌ ଠାବ, ୧୨ ଗିରଫ – ସମୀକ୍ଷା

ସେହିପରି ସେପ୍ଟେମ୍ବର ୧୪ ତାରିଖ ଭୋର୍‌ ସମୟରେ ଅଭିଯୋଗକାରୀ ଅବନୀ ବରାଳଙ୍କ ଟାଙ୍ଗି ସ୍ଥିତ ଘରେ ମଧ୍ୟ ଚୋରି ହୋଇଥିଲା। ଦୁର୍ବୃତ୍ତମାନେ ତାଙ୍କ କୋଠରିର ତାଲା ଭାଙ୍ଗି ସୁନା ଓ ରୁପା ଅଳଙ୍କାର ସହ ନଗଦ ଟଙ୍କା ଚୋରି କରି ନେଇଥିବା ସେ ଅଭିଯୋଗ କରିଥିଲେ। ଏନେଇ ଟାଙ୍ଗୀ ଥାନାରେ କେସ୍‌ ନଂ ୬୭୭/୨୦୨୬ରେ ବିଏନ୍‌ଏସ୍‌ର ଧାରା ୩୦୫(କ) ଓ ୩୩୧(୪) ଅନୁଯାୟୀ ମାମଲା ରୁଜୁ ହୋଇଥିଲା। ଏସ.ପି ଙ୍କ ସୂଚନା ଅନୁଯାୟୀ, ଟାଙ୍ଗୀ, ନାଚୁଣୀ, ବାଣପୁର ଓ ବାଲୁଗାଁ ଥାନା ଅଞ୍ଚଳ ସମେତ ନୟାଗଡ଼ ଜିଲ୍ଲାର ଚାନ୍ଦପୁର ଅଞ୍ଚଳରେ ଏଭଳି ଏକାଧିକ ଚୋଘଟଣା ଘଟିଥିଲା। ବାରମ୍ବାର ସମାନ ଧରଣର ଚୋରି ଘଟଣା ସାମ୍ନାକୁ ଆସିବା ପରେ ଜିଲ୍ଲା ପୁଲିସ ତଦନ୍ତକୁ ତୀବ୍ର କରିବା ସହ ବିଭିନ୍ନ ଥାନା ମଧ୍ୟରେ ସମନ୍ୱୟ ରକ୍ଷା କରି ଅଭିଯାନ ଆରମ୍ଭ କରିଥିଲା। ଏସ.ପି ଙ୍କ ନିର୍ଦ୍ଦେଶକ୍ରମେ ବାଲୁଗାଁ ଉପଖଣ୍ଡ ପୁଲିସ ଅଧିକାରୀ (ଏସ୍‌ଡିପିଓ) ସଞ୍ଜୟ କୁମାର ପଟ୍ଟନାୟକଙ୍କ ତତ୍ତ୍ୱାବଧାନରେ ସ୍ୱତନ୍ତ୍ର ପୁଲିସ ଟିମ୍‌ ଗଠନ କରାଯାଇଥିଲା। ନାଚୁଣୀ, ଟାଙ୍ଗୀ, ବାଣପୁର ଓ ବାଲୁଗାଁ ଥାନାର ଭାରପ୍ରାପ୍ତ ଅଧିକାରୀମାନେ ଏହି ଟିମ୍‌ର ନେତୃତ୍ୱ ନେଇଥିଲେ। ଚୋରିର କାର୍ଯ୍ୟଶୈଳୀ ବା ଅପରାଧ ଘଟାଇବାର ପଦ୍ଧତିକୁ ବିଶ୍ଳେଷଣ କରିବା ସହ ଗୁଇନ୍ଦା ସୂଚନା ଆଧାରରେ ଦୁଇ ଜିଲ୍ଲାର ବିଭିନ୍ନ ସ୍ଥାନରେ ଲଗାତାର ଚଢ଼ଉ କରାଯାଇଥିଲା। ଏହି ସମନ୍ୱିତ ଅଭିଯାନରେ ୧୧ ଜଣ ଅଭିଯୁକ୍ତ ଓ ଜଣେ ଚୋରି ସାମଗ୍ରୀର ଗ୍ରହୀତାଙ୍କ ସମେତ ମୋଟ ୧୨ ଜଣ ଗିରଫ ହୋଇଥିଲେ।

ଗିରଫ ଅଭିଯୁକ୍ତମାନେ ହେଲେ ଟାଙ୍ଗୀ ଥାନା ଅନ୍ତର୍ଗତ କୁହୁଡ଼ି ଗ୍ରାମର ରାଜୁ ପ୍ରଧାନ, ଗଞ୍ଜାମ ଜିଲ୍ଲା ତରାସିଂ ଗ୍ରାମର ଜଳନ୍ଧର ପାତ୍ର, ଶିବ ପାତ୍ର ଓ ସାଗର ପାତ୍ର, ବାଲୁଗାଁ ଥାନା ଅନ୍ତର୍ଗତ ଦିନବନ୍ଧୁପୁର ଗ୍ରାମର କହ୍ନେଇ ସିକାରୀ, ବାଣପୁର ଥାନା ଅନ୍ତର୍ଗତ ଜିଗିଡ଼ିପଡ଼ା ଗ୍ରାମର ଗୋପାଳ ସିକାରୀ, ଟାଙ୍ଗୀ ଥାନା ଅନ୍ତର୍ଗତ କୁହୁଡ଼ି ଗ୍ରାମର ତୋଫାନ ପ୍ରଧାନ ଓ ବାଣୀ ପ୍ରଧାନ, ନାଚୁଣୀ ଥାନା ଅନ୍ତର୍ଗତ କରଡ଼ାପଲ୍ଲୀ ଗ୍ରାମର ଅଜୟ ପ୍ରଧାନ ଓ ଟୋଟାଗାଁର ସଞ୍ଜୟ ପ୍ରଧାନ ଏବଂ ପୁରୀ ଜିଲ୍ଲା ବଳଙ୍ଗା ଥାନା ଅନ୍ତର୍ଗତ ବନ୍ଧଗ୍ରାମର ଏନ୍‌. ରାଜେଶ। ସେହିପରି ଚୋରି ସାମଗ୍ରୀ କିଣିବା ଅଭିଯୋଗରେ ଖୋରଧା ଜିଲ୍ଲା ନାଚୁଣୀ ଥାନା ଅଞ୍ଚଳ ବଡ଼ପଦର ଗ୍ରାମର ପ୍ରକାଶ ସାହୁଙ୍କୁ ଦ୍ୱାଦଶ ଅଭିଯୁକ୍ତ ଭାବେ ଗିରଫ କରାଯାଇଛି। ପୁଲିସ ଅଭିଯୁକ୍ତ ମାନଙ୍କଠାରୁ ପ୍ରାୟ ୫୦୦ ଗ୍ରାମ ସୁନା ଅଳଙ୍କାର ଓ ୧୧ କିଲୋଗ୍ରାମ ରୁପା ଅଳଙ୍କାର ଜବତ କରିଛି। ଦୁଇଟି ଜିଲ୍ଲାରେ ବିସ୍ତାରିତ ଏହି ଚୋରି ନେଟ୍‌ୱାର୍କର ପର୍ଦ୍ଦାଫାସ୍‌ ଓ ୧୫ଟି ମାମଲାର ପର୍ଦ୍ଦାଫାସ ପୁଲିସର ଏକ ବଡ଼ ସଫଳତା ଭାବେ ଦେଖାଯାଉଛି। ଆବାସିକ ଘର ଓ ଅଳଙ୍କାର ପ୍ରତିଷ୍ଠାନ ଗୁଡ଼ିକୁ ଏହି ଗ୍ୟାଙ୍ଗ୍‌ ଟାର୍ଗେଟ୍‌ କରୁଥିବା ତଦନ୍ତରୁ ଜଣାପଡ଼ିଛି। ଜବତ ଅଳଙ୍କାର ଓ ଅଭିଯୁକ୍ତ ମାନଙ୍କ ଗିରଫଦାରୀ ଫଳରେ ଚୋରି ସାମଗ୍ରୀ କେଉଁଠାରେ ଓ କାହା ମାଧ୍ୟମରେ ବିକ୍ରି ହେଉଥିଲା, ତାହାର ତଥ୍ୟ ମିଳିବା ସହ ଏଥିରେ ସମ୍ପୃକ୍ତ ଅନ୍ୟ ବ୍ୟକ୍ତି କିମ୍ବା କ୍ରେତାଙ୍କ ସମ୍ପର୍କରେ ତଦନ୍ତରେ ସହାୟତା ମିଳିପାରେ। ତେବେ ଚୋରି ହୋଇଥିବା ସମସ୍ତ ଅଳଙ୍କାର ଉଦ୍ଧାର ହୋଇଛି କି ନାହିଁ, ନିରଞ୍ଜନ ଜୁଏଲର୍ସରୁ ଲୁଟ୍‌ ହୋଇଥିବା ନଗଦ ୫ ଲକ୍ଷ ଟଙ୍କାର ସନ୍ଧାନ ମିଳିଛି କି ନାହିଁ ଏବଂ ଏହି ଅଭିଯୁକ୍ତମାନଙ୍କ ନାମରେ ହୋଇଥିବା ୧୫ଟି ମାମଲା ବ୍ୟତୀତ ଅନ୍ୟ କୌଣସି ଚୋରି ଘଟଣାରେ ସମ୍ପୃକ୍ତ ଅଛନ୍ତି କି ନାହିଁ, ତାହା ସ୍ପଷ୍ଟ ହୋଇନାହିଁ। ସ୍ୱତନ୍ତ୍ର ପୁଲିସ ଟିମ୍‌ର ସମନ୍ୱିତ ଉଦ୍ୟମ ଓ ଲଗାତାର ଚଢ଼ଉ ଯୋଗୁଁ ଏହି ଚୋରି ମାମଲା ଗୁଡ଼ିକର ପର୍ଦ୍ଦାଫାସ୍‌ ସମ୍ଭବ ହୋଇଥିବା ପୁଲିସ ପକ୍ଷରୁ କୁହାଯାଇଛି। ଏହାଦ୍ୱାରା ପ୍ରଭାବିତ ବ୍ୟବସାୟୀ ଓ ସାଧାରଣ ଲୋକଙ୍କୁ ଆଶ୍ୱସ୍ତି ମିଳିଛି। ଘଟଣାର ଅଧିକ ତଦନ୍ତ ଜାରି ରହିଛି।

ଆନ୍ତଃଜିଲ୍ଲା ଡକାୟତ ଗ୍ୟାଙ୍ଗ୍‌ ଠାବ, ୧୨ ଗିରଫ – ସମୀକ୍ଷା
ସମୀକ୍ଷା ନ୍ୟୁଜଲେଟର ଏହିପରି ଖବର ପ୍ରତି ଶନିବାର ଇମେଲରେ ପାଆନ୍ତୁ ସପ୍ତାହର ମୁଖ୍ୟ ଖବର ଓ ଇ-ପେପର · ମାଗଣା · ଯେକୌଣସି ସମୟରେ ବନ୍ଦ କରିପାରିବେ
କେନ୍ଦୁଝର :୪ ବର୍ଷ ଧରି ପଦୋନ୍ନତି ଅଟକିଛି, ୧୪୩ ପଦବୀ ଖାଲି: ଜିଲ୍ଲାପାଳଙ୍କ ହସ୍ତକ୍ଷେପ ଲୋଡ଼ିଲା ରାଜସ୍ୱ ସଂଘ... – ସମୀକ୍ଷା ଭିଡିଓ ଖବର ସମୀକ୍ଷା ଭିଡିଓକେନ୍ଦୁଝର :୪ ବର୍ଷ ଧରି ପଦୋନ୍ନତି ଅଟକିଛି, ୧୪୩ ପଦବୀ ଖାଲି: ଜିଲ୍ଲାପାଳଙ୍କ ହସ୍ତକ୍ଷେପ ଲୋଡ଼ିଲା ରାଜସ୍ୱ ସଂଘ...YouTube · SAMIKSHA NEWS LIVE ପରବର୍ତ୍ତୀ ଖବର ଭଞ୍ଜପୁର: କାର୍ ସହ କୁଇଣ୍ଟାଲରୁ ଊର୍ଦ୍ଧ୍ୱ ଗଞ୍ଜେଇ ଓ ଲକ୍ଷାଧିକ ନଗଦ ଟଙ୍କା ଜବତ