ବିଜୟ ରତ୍ନ ପତି/ସ୍ୱତନ୍ତ୍ର ପ୍ରତିନିଧି/ସମୀକ୍ଷା ନ୍ୟୁଜ /କେନ୍ଦୁଝର:
ପାଟଣା,୨୧/୧୧,ଲୋକଙ୍କ ସରକାର ତଥା ଲୋକପ୍ରିୟ ମୁଖମନ୍ତ୍ରୀ ଙ୍କ କେନ୍ଦୁଝର ଜିଲ୍ଲା ସ୍ଵାମପାଟଣା ବ୍ଲକ ବଡପାଟଣା ପଞ୍ଚାୟତର କୁଶ ଭୂମିଜ ଓ ସାବିତ୍ରୀ ଭୂମିଜ ଆଜି ରାଜରାସ୍ତା ଉପରେ ବଞ୍ଚି ରହିବା ପାଇଁ ସଂଘର୍ଷ କରୁଛନ୍ତି l ଏହି ପରି ଏକ ସମ୍ବେଦନଶୀଳ, ସ୍ପର୍ଶକାତର, ହୃଦୟବିଦାରକ ଦୃଶ୍ୟ ଆଜି ମୋବାଇଲ ର ଫେସବୁକ୍,ୱାଟସଫ ରେ ଘୁରିବୁଲୁଛି l ଅଥଚ ଜିଲ୍ଲା ପ୍ରଶାସନ କିମ୍ବା ସ୍ଥାନୀୟ ଲୋକପ୍ରିୟ ସରପଞ୍ଚ କିମ୍ବା ଲୋକପ୍ରତିନିଧି ଙ୍କ ଦୃଷ୍ଟିପଡୁନାହିଁ l ଗୋଟିଏ ପଟରେ ସରକାର ବିକାଶର ଡିଣ୍ଡିମ ପିଟୁଥିବା ବେଳେ ତଥା ଅସହାୟ ଦିନ ଦୁଃଖୀଙ୍କ ପାଇଁ ଯୋଜନା ପରେ ଯୋଜନା କରୁଥିବା ବେଳେ ଏସବୁ ଦେଖିଲେ ସବୁକିଛି ପ୍ରହସନ ଓ ପବ୍ଲିସିଟି ପରି ମନେହୁଏ l ସ୍ଵାମୀ କୁଶ ଭୂମିଜ ଘୁସୁରି ଘୁସୁରି ରାଜପଥ ଉପରେ ଯାଉଥିବା ବେଳେ ସ୍ତ୍ରୀ ସାବିତ୍ରୀ ତାର ଅଶା ବାଡ଼ି ଧରି ତାକୁ ଆଗେଇ ନେଉଛି l କୁଆଡେ ଯାଉଚି ସରକାରଙ୍କ ଯୋଜନା, ଆଉ କୁଆଡେ ଯାଉଛନ୍ତି ସରକାରୀ ବାବୁମାନେ l ବିକାଶର ଲଙ୍ଗଳା ଚିତ୍ର ଆଜି ସଭିଙ୍କୁ ଜଳଜଳ କରି ଦେଖାଯାଉଛି । ଏମାନଙ୍କ ଦୁଃଖ ଶୁଣିବାକୁ ଓ କହିବାକୁ ଆଜି କେହି ନାହିଁ l କେତେବେଳେ ଜୀବନର ଦୀପ କୋଉଠି ଲିଭିଯିବ l ତେବେ ବର୍ତ୍ତମାନ ବି ସମୟଅଛି ଏ ଅମୂଲ୍ୟ ରତ୍ନ ଦୁଇଟିକୁ ସରକାର ଦୃଷ୍ଟିଦିଅନ୍ତୁ l ଅନ୍ତତଃ ଯେତେଦିନ ବଞ୍ଚିବେ ଗଣ୍ଡେ ଖାଇ ସ୍ଵାମୀ ସ୍ତ୍ରୀ ଦୁହେଁ ମୁହଁ ଚାହାଁଚାହିଁ ହୋଇ ବଞ୍ଚି ରୁହନ୍ତୁ l






