ମୁଖ୍ୟ ବିଷୟକୁ ଯାଆନ୍ତୁ
ରବିବାର, ୨୨ ନଭେମ୍ବର ୨୦୨୬
News Update
୧୨ ଘଣ୍ଟା ପୂର୍ବେShilpa Shetty’s Fitness Mantra: ଅଭିନେତ୍ରୀ ଶିଳ୍ପା ସେଟ୍ଟୀଙ୍କ ଫିଟନେସ୍ ମନ୍ତ୍ରକୁ ନେଇ ଚର୍ଚ୍ଚା ୧୩ ଘଣ୍ଟା ପୂର୍ବେKuchei station Demand for railway goods rake facility: କୁଚେଇ ଷ୍ଟେସନରେ ରେଳୱେ ଗୁଡ୍‌ସ ର‍୍ୟାକ୍ ସୁବିଧା ଦାବି ୧୩ ଘଣ୍ଟା ପୂର୍ବେSindhusuta approaches the District Collector seeking financial assistance: ବାତ୍ୟା ପ୍ରଭାବରେ ସମ୍ପୂର୍ଣ୍ଣଭାବେ ଧାନ ନଷ୍ଟ ହୋଇଥିବା ନେଇ ଜିଲ୍ଲାପାଳଙ୍କୁ ଆର୍ଥିକ ସହାୟତା ପାଇଁ ସିନ୍ଧୁସୁତା ହେଲେ ଦ୍ୱାରସ୍ତ ୧୩ ଘଣ୍ଟା ପୂର୍ବେPreparations for the Kalinga Bali Jatra: ଆଗକୁ ଦୁଇ ଦିନ ରହିଲା କଲିଙ୍ଗ ବାଲିଯାତ୍ରା ଯୁଦ୍ଧ କାଳୀନ ଭିତିରେ ଚାଲିଛି ପ୍ରସ୍ତୁତି ୧୩ ଘଣ୍ଟା ପୂର୍ବେKhandapada Child Sex Ratio: ଖଣ୍ଡପଡ଼ାରେ ଶିଶୁ ଲିଙ୍ଗ ଅନୁପାତ ହ୍ରାସ ନେଇ ବ୍ଲକସ୍ତରୀୟ କର୍ମଶାଳା ଅନୁଷ୍ଠିତ ୧୩ ଘଣ୍ଟା ପୂର୍ବେGodabarisha Adarsha Vidyalaya scheme: ରାମଚଣ୍ତି ଉଚ୍ଚ ବିଦ୍ୟାଳୟକୁ ଗୋଦାବରୀଶ ଆଦର୍ଶ ବିଦ୍ୟାଳୟ ଯୋଜନାରେ ସାମିଲ କରିବା ନେଇ ଦାବିପତ୍ର ପ୍ରଦାନ ୧୩ ଘଣ୍ଟା ପୂର୍ବେCyclone Shelters & Review Meeting: ବିଧାୟକ ଓ ପ୍ରଶାସନିକ ଅଧିକାରୀଙ୍କ ବାତ୍ୟା ଆଶ୍ରୟସ୍ଥଳୀ ପରିଦର୍ଶନ ଓ ସମୀକ୍ଷା ବୈଠକ ୧୩ ଘଣ୍ଟା ପୂର୍ବେMalkangiri Rehabilitation & Protection of Children: ମାଲକାନଗିରିର ଚାରି ପିତୃମାତୃହୀନ ଶିଶୁଙ୍କ ଥଇଥାନ ଓ ସୁରକ୍ଷା ୧୩ ଘଣ୍ଟା ପୂର୍ବେHelpless lives on the highway: ରାଜପଥ ଉପରେ ଅସହାୟ ଜୀବନ, ସରକାରଙ୍କ ଦୃଷ୍ଟିପଡିବ କେବେ ? ୧୩ ଘଣ୍ଟା ପୂର୍ବେBaliguda Public Relations Department office deplorable Condition: ବାଲିଗୁଡ଼ା ଲୋକ ସମ୍ପର୍କ ବିଭାଗ କାର୍ଯ୍ୟାଳୟର ଦୟନୀୟ ଅବସ୍ଥା
ଚର୍ଚ୍ଚାରେ ମୟୂରଭଞ୍ଜ ମାଲକାନଗିରି ଖୋର୍ଦ୍ଧା ଜଗତସିଂହପୁର କେନ୍ଦୁଝର ବରଗଡ଼ ନୂଆପଡ଼ା

କଠଉମାଲ ବଜାରଠାରେ ମା’ ପାଟଖଣ୍ଡା ପାଟମେଶ୍ରୀଙ୍କ ପ୍ରସିଦ୍ଧ ‘ବଇଲ ଯାତ୍ରା’ ଅନୁଷ୍ଠିତ

କଠଉମାଲ ବଜାରଠାରେ ମା’ ପାଟଖଣ୍ଡା ପାଟମେଶ୍ରୀଙ୍କ ପ୍ରସିଦ୍ଧ ‘ବଇଲ ଯାତ୍ରା’ ଅନୁଷ୍ଠିତ – ସମୀକ୍ଷା ଖବର

ସୁଶାନ୍ତ ପଣ୍ଡା / ଜିଲ୍ଲା ପ୍ରତିନିଧି / ବରଗଡ଼ / ସମୀକ୍ଷା ନ୍ୟୁଜ:

ବରଗଡ଼ : ୨୮/୧୦ ବରଗଡ ଜିଲ୍ଲା ଗାଇସିଲେଟ ବ୍ଲକ୍ ଅନ୍ତର୍ଗତ କଠଉମାଲ ବଜାର ପ୍ରାଙ୍ଗଣରେ ପୁରାତନ ଆଧ୍ୟାତ୍ମିକ ପରମ୍ପରା ଅନୁଯାୟୀ ମା ପାଟଖଣ୍ଡା ପାଟମେଶ୍ରୀଙ୍କ ପ୍ରସିଦ୍ଧ ବଇଲ ଯାତ୍ରା ମହାସମାରୋହରେ ଅନୁଷ୍ଠିତ ହୋଇଯାଇଛି। ଆଖପାଖ ଅଞ୍ଚଳର ସମସ୍ତ ଗ୍ରାମବାସୀଙ୍କ ମିଳିତ ସହଯୋଗ ଓ ନିଷ୍ଠାପର ଉଦ୍ୟମରେ ଅନୁଷ୍ଠିତ ଏହି ଆଧ୍ୟାତ୍ମିକ ମହୋତ୍ସବରେ ହଜାର ହଜାର ଶ୍ରଦ୍ଧାଳୁଙ୍କ ସମାଗମ ହୋଇଥିଲା। ​ଚଳିତ ବର୍ଷର ବଇଲ ଯାତ୍ରାରେ ବିଭିନ୍ନ ପ୍ରକାର ସାଂସ୍କୃତିକ ଓ ପାରମ୍ପରିକ କାର୍ଯ୍ୟକ୍ରମ ଦର୍ଶକଙ୍କୁ ମନ୍ତ୍ରମୁଗ୍ଧ କରିଥିଲା। ଯାତ୍ରାର ମୁଖ୍ୟ ଆକର୍ଷଣ ସାଜିଥିଲେ ସୋସିଆଲ ମିଡିଆ ଭାଇରାଲ କରଂସାନୀ ବାୟିକା ବର୍ଷା ସାହୁ। ତାଙ୍କର ସୁମଧୁର କୀର୍ତ୍ତନ ଓ ବାଦନ ଶୈଳୀ ପୂରା ପରିବେଶକୁ ଭକ୍ତିମୟ କରିତୋଳିଥିଲା। ଏହା ସହିତ ​ପାରମ୍ପରିକ ପଶ୍ଚିମ ଓଡ଼ିଶାର ଅନ୍ୟତମ ପ୍ରସିଦ୍ଧ ପାରମ୍ପରିକ ଖେଳ ମେଣ୍ଡା ଲଢ଼େଇ ଦେଖିବା ପାଇଁ ଲୋକଙ୍କର ପ୍ରବଳ ଭିଡ଼ ଜମିଥିଲା। ​ରାବଣ ଦରବାର ଓ କୀର୍ତ୍ତନ ପୌରାଣିକ କାହାଣୀ ଆଧାରିତ ରାବଣ ଦରବାର ନାଟକ ଓ ମନମୁଗ୍ଧକର ନାମସଂକୀର୍ତ୍ତନ ପରିବେଶକୁ ଶ୍ରଦ୍ଧାରେ ଭରିଦେଇଥିଲା। ​ମୀନାବଜାର ଶିଶୁ ଓ ପରିବାରବର୍ଗଙ୍କ ମନୋରଞ୍ଜନ ପାଇଁ ବିଭିନ୍ନ ପ୍ରକାର ଖେଳଣା ଓ ସାମଗ୍ରୀରେ ମୀନାବଜାର ଚହଲ ସୃଷ୍ଟି କରିଥିଲା। ପୁରାତନ କାଳରୁ ବଂଶାନୁକ୍ରମେ ଚାଲିଆସୁଥିବା ଏହି ଐତିହାସିକ ବଇଲ ଯାତ୍ରା ଅଞ୍ଚଳର ଏକତା ଓ ସଂସ୍କୃତିର ପ୍ରତୀକ ସାଜିଛି। ​ଗ୍ରାମବାସୀ ଓ ଆୟୋଜକ କମିଟି ଦାବି କରିଛନ୍ତି ଯେ ଯଦି ରାଜ୍ୟ ସରକାର ଓ ପ୍ରଶାସନ ତରଫରୁ ଆବଶ୍ୟକୀୟ ଆର୍ଥିକ ସହାୟତା ମିଳନ୍ତା ତେବେ ମା ପାଟଖଣ୍ଡା ପାଟମେଶ୍ରୀଙ୍କ ଏକ ସୁନ୍ଦର ମନ୍ଦିର ନିର୍ମାଣ ହୋଇପାରନ୍ତା ଏବଂ ଏହି ପୁରାତନ ବଇଲ ଯାତ୍ରାକୁ ଆଗାମୀ ଦିନରେ ଆହୁରି ଜାକଜମକ ଓ ଧୂମଧାମରେ ଆୟୋଜନ କରାଯାଇପାରନ୍ତା। ସ୍ଥାନୀୟ ଲୋକେ ସଂସ୍କୃତି ବିଭାଗ ଓ ଜିଲ୍ଲା ପ୍ରଶାସନର ଦୃଷ୍ଟି ଆକର୍ଷଣ କରିଛନ୍ତି ।

କଠଉମାଲ ବଜାରଠାରେ ମା’ ପାଟଖଣ୍ଡା ପାଟମେଶ୍ରୀଙ୍କ ପ୍ରସିଦ୍ଧ ‘ବଇଲ ଯାତ୍ରା’ ଅନୁଷ୍ଠିତ – ସମୀକ୍ଷା
ସମୀକ୍ଷା ନ୍ୟୁଜଲେଟର ଏହିପରି ଖବର ପ୍ରତି ଶନିବାର ଇମେଲରେ ପାଆନ୍ତୁ ସପ୍ତାହର ମୁଖ୍ୟ ଖବର ଓ ଇ-ପେପର · ମାଗଣା · ଯେକୌଣସି ସମୟରେ ବନ୍ଦ କରିପାରିବେ
▶️ବାତ୍ୟା ପ୍ରଭାବରେ ଉଜୁଡ଼ିଲା ଧାନ ଫସଲ, ଚିନ୍ତାରେ ଚାଷୀ.. – ସମୀକ୍ଷା ଭିଡିଓ ଖବର ସମୀକ୍ଷା ଭିଡିଓ▶️ବାତ୍ୟା ପ୍ରଭାବରେ ଉଜୁଡ଼ିଲା ଧାନ ଫସଲ, ଚିନ୍ତାରେ ଚାଷୀ..YouTube · SAMIKSHA NEWS LIVE ପରବର୍ତ୍ତୀ ଖବର ଶ୍ରୀକୃଷ୍ଣ ଆଞ୍ଚଳିକ ଭାଗବତ ଟୁଙ୍ଗିର ୨୦ତମ ବାର୍ଷିକ ମହୋତ୍ସବ